കാടിൻ്റെ സ്വാതന്ത്ര്യം [മഷി] 47

കാട്ടിലെ ഏറ്റവും വലിയ ആലായ മുതമന്ന് ആലിൻ്റെ താഴെ കാട്ടിലെ എല്ലാവരും എത്തി.

അമൃതേന്ദ്രൻ രാജാവ് എഴുനേറ്റു നിന്ന് ഇന്ന് നടന്ന വിഷമിപ്പിക്കുന്ന വാർത്ത എല്ലാവരോടും പറഞ്ഞു അവർ എല്ലാവരും നേരത്തെ തന്നെ ആ വിവരം അറിഞ്ഞിരുന്നു.

നിങൾ ഏവരും കാര്യങ്ങൾ അറിഞ്ഞു എന്നറിയാം അത് അറിയിക്കാൻ എല്ലാ ഞാൻ നിങ്ങളെ എല്ലാവരെയും ഇവിടേക്ക് വിളിപ്പിച്ചത്, മറ്റൊരു കാര്യം പറയാൻ ആണ്.

എല്ലാവരും ഉടനെ അമൃതേന്ദ്രൻ്റെ മുഖത്തേക്ക് നോക്കി. കുറച്ച് കാലമായി ഈ കാട്ടിൽ പതിവിനു വിപരീതമായി ചില കാര്യങ്ങൾ നടക്കുന്ന കാട്ടിലെ പാവം ജീവികൾകിടയിൽ ചില വേർതിരിവുകൾ ചിലരുടെ സ്വാർത്ഥ താൽപര്യങ്ങൾക്ക് വേണ്ടി ഉണ്ടാക്കുന്നു അതിൻ്റെ ഫലമെന്നോണം ആണ് ഒന്നുമറിയാത്ത രണ്ടു ജീവുനുകൾ ഇന്ന് പൊലിഞ്ഞത്.

ഇനി ഇത് ഈ കാട്ടിൽ ആവർത്തിക്കരുത് ഈ കാടിനെ വേർതിരിവുകളുടെ കാകോളതിൽ മുങ്ങാൻ അനുവദിക്കരുത്.

അതിനായി ചില തീരുമാനങ്ങൾ ഞാൻ എടുത്തിട്ടുണ്ട്.

അതിൽ ഒന്ന് ഒന്നും അറിയാത്ത രണ്ടു ജീവനുകൾ എടുത്തതിൻ്റെ ശിക്ഷ നടപ്പാക്കൽ ആണ്. മരിക്കുന്നത് വരെ ആ രണ്ടു നീജന്മാരെ തൂക്കിലേറ്റണം.

മറ്റൊന്ന് ഈ കാടിൻ്റെ നല്ലതിന് വേണ്ടി ആണ് ഇനി ഇവിടെ ആർക്കും മതവും ജാതിയും രാഷ്ട്രീയ പ്രസ്ഥാനങ്ങളും വേണ്ട അതാണല്ലോ ഇവിടെ വേർതിരിവ് ഉണ്ടാകുന്നത്.

തെറ്റ്!!!!

പെട്ടെന്നാണ് ആ ശബ്ദം അവിടെ മുഴങ്ങി കേട്ടതു. ഒപ്പം കൂട്ടത്തിൽ നിന്ന് സങ്കടൻ കഴുത എഴുനേറ്റു നിന്ന് പറഞ്ഞു.

ധിക്കാരമെന്നു കരുതരുത് രാജാവേ അങ്ങ് ഈ ചെയ്യുന്നത് തെറ്റാണ്.

അമൃതേന്ദ്രൻ ചോദിച്ചു ഏതാണ് തെറ്റ് ശിക്ഷ വിധിയോ അതോ മതവും രാഷ്ട്രീയം വേണ്ടന്നു പറഞ്ഞതോ ഏതാണ് തെറ്റ് സങ്കട.

രണ്ടും തെറ്റാണ് രാജന്.

നീ ആരോടാണ് എതിർകുനതെന്ന് ബോദ്യമുണ്ടോ, ഇതുകേട്ട ചിങ്കടന് ചോദിച്ചു.

ഉണ്ട് ഇവിടെ മതവും രാഷ്ട്രീയവും രണ്ടും വേണം രാജന്. മതമായാലും രാഷ്ട്രീയമായലും അതിൻ്റെ ബോധ്യം ആണ് നമ്മിൽ വേണ്ടത് രാജന് ഇവ രണ്ടും നമ്മുടെ ജീവിതതോടൊപ്പം കൊണ്ടുപോവേണ്ട ഒന്നാണ് രാജന്. ഈ കാട്ടിൽ മതത്തിൽ വിശ്വസിക്കുന്നവർ ഉണ്ട് അവർക്ക് അവരുടെ മതത്തിൽ വിശ്വസിക്കാനും അവരുടെ ദൈവത്തെ ആരാധി്കുവാനും ഈ കാട് അവരെ അനുവദിക്കുന്നുണ്ട്.

പിന്നെ രാഷ്ട്രീയം, ഭാവി തലമുറ രാഷ്ട്രീയം പറയണം രാജന് ഇന്നിൻ്റെയും, ഇന്നലയുടെയും, നാളയുടെയും ഉടുക്കുനവൻ്റെയും ഉണ്ണുന്നവൻ്റെയും പട്ടിണികിടക്കുന്നവൻ്റെയും,വ്യക്തിയുടെയും,

വർണത്തിൻ്റെയും രാഷ്ട്രീയം അവർ പറഞ്ഞു തന്നെ വളരണം രാജന്.

ഇതുകേട്ട അമൃതേന്ദ്രൻ ഒന്ന് ചിന്തിച്ചു. ശരി തന്നെ നീ പറഞ്ഞത് പക്ഷേ ഇത് പിന്നെയും ഈ കാടിനെ ഒരു മോശം അവസ്ഥയിലേക്ക് നയിച്ചാൽ ഇപ്പൊൾ തന്നെ കണ്ടില്ലേ വേർതിരിവ് ഉടുക്കുന്നതിലും ഉണ്ണുന്നതിലും എന്തിന് കേവലം തൊലിയുടെ നിറത്തിൽ വരെ.

ശരിയാണ് രാജന് വേർതിരിവ് ഉണ്ട് അതിനു മതവും രാഷ്ട്രീയവും എടുത്തു മാറ്റിയാൽ പോര അതിനു വേണ്ടത് സ്വാതന്ത്ര്യം ആണ് സ്നേഹമാണ്.

അത് എന്താ ഈ കാടിനു സ്വാതന്ത്ര്യം ഇല്ലെന്നാണോ നീ പറഞ്ഞു വരുന്നത്.

അതെ രാജന് ഇല്ല. ഈ കാടിനു സ്വാതന്ത്ര്യം ഇല്ല.