കട്ടെടുത്ത ഹൃദയം ♥️ [babybo_y] 124

നിനക്കെന്നെകാളും നല്ല കൊച്ചിനെ കിട്ടും എന്ന് അവളന്നു പറഞ്ഞു , മികച്ചതിനെയാണ് എനിക്ക് നഷ്ട്ടമായതെന്നു അവളൊട്ടറിഞ്ഞുമില്ല

കൂട്ടിനപ്പുറം മറ്റൊന്നുമായി എന്നെ കാണാൻ കഴിയാത്തത് …അവളുടെ സ്വാതന്ത്രം അല്ലെ…..

നിരസിക്കാൻ ഉള്ള അവകാശം മറ്റാരെയും പോലെ അവൾക്കും ഉണ്ട്…..

അതുപോലെ പ്രണയിക്കാൻ എനിക്കും …

പലരും പറയും നിനക്ക് ഭ്രാന്താണെന്നു
കൂടുമ്പോ കൂട്ടുകാരും പറയും പോകാൻ പറയെടാ അവളോടെന്നു…

അവളുതന്നെ ഒരുപാട് വട്ടം ചോദിച്ചിട്ടുണ്ട് നിനക്കൊരു മറ്റോമില്ലേ. മടുപ്പില്ലേ എന്നൊക്കെ…

അവളെന്ന ഭ്രാന്ത് രണ്ടു തുള്ളി കണ്ണീരല്ലാതെ എനിക്കൊന്നും നഷ്ടമാക്കിയിട്ടില്ല…..

അവളെന്റെ യാത്രകളെ ഓർമയുടെ പട്ടുകുപ്പായങ്ങളണിയിച്ചു ,എന്റെ കണ്ണുകൾ ഈറനണിയിച്ചു , പെയ്ത് തെളിഞ്ഞ കണ്ണുകൾ എന്റെ മുന്നിൽ കാഴ്ചയുടെ വസന്തം തുറന്നു
അവളെന്റെ ആഗ്രഹങ്ങളിൽ കുടിയേറി
ലക്ഷ്യങ്ങൾക് ഊർജ്ജം പകർന്നു
സ്നേഹിക്കാൻ പഠിപ്പിച്ചു
തനിച്ചാവാൻ പഠിപ്പിച്ചു
കരഞ്ഞുകൊണ്ട് ചിരിക്കാൻ പഠിപ്പിച്ചു
അവളെനിക്കൊരു തീർത്ഥയാത്രയാണ് പ്രണയത്തിൽ തുടങ്ങി മരണത്തിലവസാനിക്കുന്ന
പുണ്യയാത്ര
ഞാൻ കാണുന്നതെല്ലാം എല്ലാംപുതിയൊരു കണ്ണിലൂടെ നോക്കിക്കാണാൻ എന്നെ പ്രാപ്തനാക്കിയത് ആ കാന്താരിയാണ് …

അവൾ ഉപദേശങ്ങൾ തന്നില്ല ചുംബനങ്ങൾ തന്നില്ല, തന്നത് സൗഹൃദം മാത്രം അതിനും പരിധികൾ വെക്കേണ്ട സമയം ആയെന്നു എനിക്ക് തോന്നിത്തുടങ്ങി..

പാതിരാവിൽ ഞെട്ടിയുണരുന്ന സ്വപ്നങ്ങളിൽ അവൾ മറ്റാരുടെയോ ആവുന്നതാണ് ഞാൻ കാണുന്നത്.