കട്ടെടുത്ത ഹൃദയം ♥️ [babybo_y] 124

വിട ചൊല്ലാൻ നേരമായി , കരയുന്ന മനവുമായി ജീവിതത്തെ ആലിംഗനം ചെയ്യാൻ
പുറത്തു പോയെ പറ്റൂ….
സജലങ്ങളായ മിഴികളോടെ സ്കൂളിന് പുറത്തെത്തിയപ്പോ പാറയിൽ തമിരടിച്ച പോലെ അവളെന്റെ ഉള്ളിൽ ഉറവായി
അവളെ കാണാൻ പോകുമ്പോ ദൂരവും സമയവും പ്രകൃതിയും ഒന്നും തടസമായിരുന്നില്ല….

മഴ നനഞ്ഞു നിന്ന് നീ  നിന്റെ  പ്രാണൻ കുടചൂടി പോണത്  കണ്ടിട്ടുണ്ടോ…ഓരോ കാൽവെയ്പ്പിലും നുണക്കുഴി വിരിയുന്ന കവിളിൽ വീണ മുടിയിഴയാവണമെന്നു .. കുടയിൽനിന്നു തുള്ളിത്തെറിച്ചവളെ കുളിരുകോരിക്കുന്ന മഴത്തുള്ളിയായിരുന്നെങ്കിലെന്നു..
കഴുത്തിൽ  കെട്ടിപുണർന്ന…തൂവെള്ള ഷാളായിരുന്നെങ്കിലെന്നു അവളുടെ ചുണ്ടിലെ..

പുഞ്ചിരിയായിരുന്നെങ്കിലെന്നു.

അവൾക് ഇരുട്ടിൽ … വെളിച്ചമാവണമെന്നു
വെയിലിൽ ..ആവൾ ചൂടിയ കുടയാവണമെന്നു
ഏതൊരു കാമുകനെയും പോലെ ഞാനും  കിനാവ് നെയ്തു

എന്നിലെ കവി ചിറകുവിരിച്ചു പാടി

“കിനാവേ ഒരുമാത്രയെങ്കിലും ഹൃദയത്തിലൊരുകോണിലൊരുതരി പുഞ്ചിരി വിതറൂനീയോമലെ”

പ്രീ ഡിഗ്രി എന്ന ഓമനപ്പേരിൽ അറിയപെടുന്ന മഹാ സംഭവത്തിന്റെ ചൂടിൽ എരിയുമ്പോളും
കണ്ണടച്ചാൽ അവൾ ഒരു നിശ്വാസത്തിനപ്പുറം ഉണ്ടായിരുന്നു , ഇന്നും

അവളോടൊപ്പം നടന്ന  വഴിയിലൂടെ വീണ്ടും നടക്കുമ്പോ ഒരിക്കൽ പോലും
അവളോട് പ്രണയം തുറന്ന് പറഞ്ഞതിനെ ഓർത്ത് പരിതപിക്കാതിരുന്നിട്ടില്ല…..
ചിലതങ്ങാനാ പറഞ്ഞു കഴിയുമ്പോളാ…
പറയാത്തപ്പൊളാ അതിനു കൂടുതൽ മൊഞ്ചുണ്ടെന്നു തിരിച്ചറിയുവാ…