ഒരു സ്പൂഫ് കഥ

Author : വിച്ചൂസ്

അവധി ദിവസം വേറെ പണി ഒന്നുമില്ലാതെ മുഖപുസ്തകം നോക്കി തിന്നും കുടിച്ചു കിടക്കുകയായിരുന്നു… അപ്പോഴാ നമ്മടെ ചങ്ങായി കേറിവന്നത്…

“എന്താടാ രാവിലെ തുടങ്ങിയോ കഥ എഴുതാൻ?? ഇന്നലെ ഞാൻ കണ്ടു കഥക്കൂട്ടിലെ നിന്റെ പുതിയ കഥ ”

“ഇഷ്ടപ്പെട്ടോ..”??

“ഇഷ്ടപ്പെട്ടു നീ കുറച്ചു കൂടി ലെങ്ത് കൂട്ടി എഴുത്… ചുമ്മാ പാർട്സ് കൂട്ടാൻ വേണ്ടി എഴുതാതെ…”

“ഡാ നിനക്ക് അറിയാലോ എന്റെ ജോലിയുടെ സ്വഭാവം അഹ് സ്‌ട്രെസ്സ് കളയാനാ ഞാൻ ഇങ്ങനെ എഴുതുന്നത്… എഴുതി പകുതി ആകുമ്പോൾ ഞാൻ അത് എടുത്തു പോസ്റ്റ്‌ ചെയ്യും… എഡിറ്റ്‌ പോലും ചെയ്യാറില്ല അത് ഒരു റീസൺ അല്ലെന്നു എനിക്കും അറിയാം ചിലപ്പോൾ എന്റെ മടിയും ആകാം ”

“അറിയാം. ഇന്നലെ ഒരു ചേട്ടന്റെ കമന്റ്‌ കണ്ടു നല്ല ബോർ ആകുന്നുണ്ട് വെറുപ്പിക്കരുത് പറ്റില്ലെങ്കിൽ നിർത്തി പോകാൻ… നീ അത് കണ്ടോ”??

“കണ്ടു… എനിക്ക് അത് കണ്ടിട്ടു സത്യം പറഞ്ഞ സന്തോഷം തോന്നി… കാരണം വേറെ ഒന്നുകൊണ്ടല്ലടാ… അഹ് ചേട്ടൻ ഓപ്പൺ ആയിട്ട് പറഞ്ഞാലോ ”

“എന്നിട്ട് നിർത്താൻ തീരുമാനിച്ചോ??”

“എന്തിനു… അഹ് ചേട്ടന് ഇഷ്ടപ്പെട്ടില്ല സമ്മതിച്ചു എന്ന് വച്ചു ഞാൻ നിർത്തി പോകാൻ പറയാൻ അഹ് ചേട്ടന് യാതൊരു അവകാശവുമില്ല… എന്റെ കഥ ഇഷ്ടപെടുന്ന ഒരാൾ ഉണ്ടാവുമലോ… അപ്പോ അയാൾക്കു വേണ്ടി ഞാൻ എഴുതണ്ടേ ”