ആമുഖം,

പ്രിയപ്പെട്ടവരെ,

ഈ കഥയും കഥാപാത്രങ്ങളും തികച്ചും സങ്കല്‍പികം ആണ് … ഇനി അര്‍ക്കെലും ആരേലും ഒക്കെ ആയി സാമ്യം തോന്നിയാല്‍ എന്‍റെ കുഴപ്പം അല്ല … അപ്പോള്‍ കഥയിലേക്ക് കടക്കാം ….

****************

             ഒരു വെള്ളരി-ചേന അപാരത

കൃഷി നല്ല ഒരു ടൈം പാസ്സ് ആണെന്ന് കണ്ട ശശിക്കും കൃഷി ചെയ്യാൻ ഒരു മോഹം…

 

ശശിയും കൂട്ടുകാർ ചങ്കരനും പാച്ചുവും  കോവാലനും കൂടി കോവാലന്റെ വീട്ടിൽ ഒത്തു കൂടുക പതിവാണ്…

 

ശശി കൃഷിയോടുള്ള താല്പര്യം പങ്ക് വച്ചപ്പോൾ അവർ എല്ലാം ശശിയെ പ്രോഹൽസാഹിപ്പിച്ചു…

 

അങ്ങനെ ശശി ചെറിയ ചെറിയ കൃഷി ചെയ്ത് പോന്നു… വലിയ ലാഭം ഒന്നുമില്ല എങ്കിലും നല്ല ഒരു കർഷകൻ ആയി ശശി മാറിക്കൊണ്ടിരുന്നു…

 

അങ്ങനെ ഇരിക്കെ ചേന കൃഷി ലാഭവും ഭയങ്കര സബ്‌സിടിയും ആണെന്ന് കണ്ട ശശി ചേന കൃഷിയിലേക്ക് തിരിഞ്ഞു…

 

ശശി മറ്റൊരു കർഷകനായ എൽദോയുടെ കൃഷി മാതൃക ആക്കി ചേന കൃഷി ആരംഭിച്ചു…

 

ശശിയുടെ ചേനക്ക് നല്ല വിളവ് ലഭിച്ചു… നല്ല മുട്ടൻ മുഴുത്ത ചേന തന്നെയാണ് വിളവ് കിട്ടിയിരുന്നത്… ശശി പോലും അത് പ്രതീക്ഷിച്ചില്ല എന്നതാണ് വാസ്തവം… അതിന് വിപണിയിൽ നല്ല വിലയും ലഭിച്ചു തുടങ്ങി…

 

ശശിയുടെ ചേനക്ക് ഇത്തിരി പുഴു ഉണ്ടാവാറുണ്ട്… ചില കസ്റ്റമേഴ്‌സ് ഇത്‌ പറയുമ്പോൾ ശശിയുടെ പൊട്ട ചേന പോലും നല്ലത് എന്ന് പറയുന്ന സ്ഥിരം കസ്റ്റമേഴ്‌സ് പുഴു പ്രോടീൻ ആണെന്ന് പറഞ്ഞു അവരെ പഞ്ഞിക്കിടുന്നത് പതിവാണ്…

 

“പുഴു പ്രോടീൻ ആണെന്ന് അറിയാത്ത കൺട്രി പീപ്പിൾസ് ??…”

 

ശശിക്ക് പ്രോഹത്സാഹനം നൽകാൻ ശശിയുടെ ചേന കസ്റ്റമേഴ്സ് ആയി ശശിയുടെ സുഹൃത്തുക്കൾ ആയ ചങ്കരനും പക്കരനും കോവാലനും…

 

അതിൽ ചങ്കരൻ ഒരു കൃഷിക്കാരൻ ആണ്… സബ്‌സിടിയും വിലയും കണ്ട് അടുത്തിടെ ചേന കൃഷി തുടങ്ങിയിരുന്നു… 

 

അങ്ങനെ ഒരു ദിവസം വിപണിൽ നിന്ന് ചേന വാങ്ങി വന്ന പാക്കരൻ,  ചേന പുഴുങ്ങി കഴിചിട്ട് വന്ന് കോവാലന്റെ വീട്ടിൽ പതിവ് പോലെ കൂടുമ്പോൾ  പറഞ്ഞു-

 

“ഈ തവണ ശശിയുടെ ചേനക്ക് എന്തോ ഒരു കുഴപ്പമുണ്ട്…”

 

ശശി അടുത്ത സുഹൃത്ത് ആണല്ലോ… മാത്രം അല്ലാ പതിവ് കസ്റ്റമറും… അത് കൊണ്ടൊക്കെ തന്നെ ചങ്കരൻ തമാശ രൂപേണ ചോദിച്ചു –

 

“എത്ര പുഴുനെ കിട്ടി പാക്കരാ…”

 

ഇതും കേട്ടോണ്ട് വന്ന ശശിക്ക് അത് തീരെ പിടിച്ചില്ല?…

 

ശശി കലിപ്പ് മോഡ് സ്വിച്ച് ഓൺ ആക്കി പറഞ്ഞു-

 

“നിങ്ങൾക്ക് എന്റെ ചേനയെ പറ്റി വല്ലോം പറയാൻ ഉണ്ടേൽ കൃഷി ഇടത്തിൽ വന്നു പറയണം… അല്ലാതെ ഇവിടെ പറ്റൂല… “

 

എന്നിട്ട് ചങ്കരന്റെ നേരെ തിരിഞ്ഞ് നിന്ന് പറഞ്ഞു-

 

“നിങ്ങളും കൃഷിക്കാരൻ അല്ലേ… കൃഷിയുടെ ബുദ്ധിമുട്ട് അറിയില്ലേ… നമ്മൾ പ്രൊഫഷണൽ അല്ലല്ലോ… അപ്പോൾ പുഴു ഒക്കെ വരും… എന്നിട്ടാണോ സർക്കാസം… ഐ ഡോണ്ട് ലൈക്‌ സർക്കാസം ??…”

 

ചങ്കരനും പാക്കരനും ഒന്നും മിണ്ടിയില്ല… ചങ്കരൻ ശശിയുടെ ചേന വാങ്ങുന്നതും നിർത്തി…

 

ചേനക്ക് കട്ട മാർക്കറ്റ് ആയപ്പോൾ ശശി ആള് മൊത്തത്തിൽ അങ്ങ് മാറി…

 

ഇപ്പോൾ വെറും ശശി അല്ലാ..

“ജാഡ ശശി ?…”

 

ചേന എന്ന് കേട്ടാൽ ശശി കയറി ഇടപെടും…

 

“ഒരു മൊട കണ്ടാൽ ഇടപെടും ശശിയണ്ണൻ… അല്ലാ പിന്നെ…”

 

അങ്ങനെ ഇരിക്കെയാണ് വെള്ളരി കൃഷിയുമായി കിച്ചനും പരമും എന്ന് രണ്ട് കർഷകർ വന്നത്…

 

വെള്ളരിക്ക് ആ നാട്ടിൽ വേണ്ട വിധത്തിൽ മാർക്കറ്റ് ഇല്ലായിരുന്നു…

 

അങ്ങനെ ഇരിക്കെ മല മുകളിൽ നിന്നും പാച്ചു എന്ന ഒരാൾ നാട്ടിലേക്ക് എത്തിയത്…

 

പാച്ചുവിന് ഈ നാട്ടിൽ ചേന കൃഷിക്ക് ആണ് ഡിമാൻഡ് എന്ന് കണ്ടപ്പോൾ ഇഷ്ടമായില്ല…

 

“നല്ല വെള്ളരി ആയിട്ടും വെള്ളരി ആർക്കും വേണ്ട… ചേന മതി… ഇതെന്താ ഇങ്ങനെ… ആകെ കൺഫുഷൻ ആയല്ലോ കർത്താവേ?…”

 

പാച്ചുവിന് കിച്ചന്റെ വെള്ളരി ഒരുപാട് ഇഷ്ടമായി…

 

അപ്പോൾ പാച്ചു ആദ്യം കിച്ചന്റെ വെള്ളരി തോട്ടത്തിൽ ചെന്ന് പറഞ്ഞു

 

“താങ്കളുടെ വെള്ളരിക്ക വളരെ നല്ലതാണ്… ചൊറിയുന്ന ചേനക്ക് ആണ് ഇവിടെ ഡിമാൻഡ്… പക്ഷെ ഈ വെള്ളരി വളരെ നല്ലതാണ്… വേണ്ട മാർക്കറ്റ് ഇല്ലാത്തത്തിൽ വിഷമം ഉണ്ട്…”

 

“ചൊറിയുന്ന ചേന എന്ന് ” വഴിൽ കൂടെ പോയ ശശി ഒളിഞ്ഞു നിന്ന് കേട്ടു…

 

ശശിക്ക് ഇപ്പോൾ ഇങ്ങനെയാ “ചേന” എന്ന് കേട്ടാൽ അപ്പോൾ ഹാലിളകും…

 

പക്ഷെ ബിസി ആരുന്നത് കൊണ്ട് ശശിക്ക് മറുപടി കൊടുക്കാൻ ആയില്ല…

 

പാച്ചു പിന്നെ മാർക്കറ്റിൽ പോയപ്പോൾ ആണ്  പരമുവിന്റ വെള്ളരി കണ്ടത്…

 

പാച്ചു അത് വാങ്ങി… നല്ല വെള്ളരി… പാച്ചുവിന് ഇഷ്ടമായി…

 

പാച്ചു പരമുവിന്റെ വെള്ളരി തോട്ടത്തിലേക്കും അഭിപ്രായം അറിയിക്കാൻ വച്ച് പിടിച്ചു…

 

പാച്ചു പരമുവിനോട് ആയി പറഞ്ഞു –

 

“നല്ല വെള്ളരി… താങ്കളുടെ കൃഷി രീതി നല്ലതാണ്… അതാണ് ഇത്രേം നല്ല വെള്ളരി… ഇവിടെ എവിടെ നോക്കിയാലും ചേനയാണ്… ചൊറിയൻ ചേന തിന്ന് മടുത്തത് കൊണ്ട് ഇപ്പോൾ വാങ്ങാറില്ല… ചില ചേന ഒക്കെ എടുത്തു തോട്ടിൽ ഇടാൻ തോന്നും…”

 

പിന്നേം വഴിക്കൂടി പോയ ശശി ഇത്‌ കേട്ടു… ഈ തവണ ശശിക്ക് പൊറുക്കാൻ ആയില്ല…

 

“ചേനയെ പറ്റി പറഞ്ഞു… ഇത്‌ എന്നായാണ്… എന്നെ തന്നെയാണ്… എന്നെ മാത്രമാണ്… ??”

 

ചേനയുടെ ഹോൾസേൽ ഡിലർ താൻ ആണെന്ന് വിശ്വസിച്ച ശശി ചാടി തുള്ളി മതിൽ ചാടി പരമുവിൻറെ തോട്ടത്തിലെത്തി…?

 

ശശി പക്ഷെ അപ്പോൾ ഓർത്തില്ല… ഇവിടെ ചേന കർഷകരെ തട്ടി നടക്കാൻ വയ്യ എന്ന കാര്യം…?

 

ശശി പാച്ചുവിനോട് പറഞ്ഞു –

 

“

‘ഡോ കിളവ’… വെള്ളരി നല്ലതാ… പക്ഷെ ചേനയെ പറയാൻ പാടില്ല… ചേനക്കാരും കിളച്ചും വെള്ളം ഒഴിച്ചും വളമിട്ടും തന്നെയാണ് കൃഷി ചെയുന്നത്… താൻ കിച്ചന്റെ തോട്ടത്തിൽ വച്ചും ചേനയെ അതിക്ഷേപിച്ചു… വിടില്ല ഞാൻ ??… “

 

പാച്ചുവിന് ഇത്‌ കെട്ട് ദേഷ്യം വന്നു… പാച്ചുവും വിടാൻ ഭാവം ഇല്ലാരുന്നു –

 

“ഞാൻ തന്റെ ചേനയെ കുറ്റം പറഞ്ഞോ…  നിങ്ങക്ക് വട്ടാണ്… വെറുതെ ചൊറിയാൻ നടക്കുന്നു… നിങ്ങൾ എന്നെ തിരുത്തണ്ട…”

 

ശശി –

“അതൊന്നും പറഞ്ഞാൽ പറ്റില്ല… ചേന പോളിയാണ്… ഞാൻ പറഞ്ഞതാണ് ശരി..

“

 

പാച്ചു – “എന്റെ കാശിനു ഞാൻ ഇഷ്ടം ഉള്ളത് വാങ്ങും… കൊള്ളില്ലേ കൊള്ളില്ല എന്ന് പറയും…”

 

ശശി- “എന്ത്‌ പറഞ്ഞാലും ചേന പൊളി ആണ്… ഇന്ന് ചേന കൊള്ളില്ല എന്ന് പറയാൻ വെള്ളരിക്ക നല്ലത് ആണെന്ന് പറയും… നാളെ വെള്ളരിക്ക കൊള്ളില്ല എന്ന് പറയാൻ വേറെ എന്തേലും നല്ലതാ എന്ന് പറയും…”

 

പാച്ചു- “താൻ ആരുവാ എന്നെ പഠിപ്പിക്കാൻ… എല്ലായിടവും കയറി ഇട പെടാൻ താൻ ആരാണ്…”

 

ശശി- “എനിക്ക് കർഷക ശ്രീ അവാർഡ് ഇല്ലാ… ഞാനും വെള്ളോം വളോം ആണ് ഇടുന്നത് മിച്ചർ…”

 

പാച്ചു വരുത്തൻ അല്ലേ… പാവപെട്ടവരുടെ നാട്ടിൽ ചെന്ന് ആഗോളവത്കരണം മൂലം ലോകത്ത് പട്ടിണി കിടക്കുന്നുണ്ട്… അതൊക്കെ ഇവിടേം വേണം എന്ന് പറഞ്ഞപ്പോൾ  നാട്ടുകാർക്ക് പാച്ചുവിനോട് കലിപ്പാണ്…

 

അത് കൊണ്ട് പഞ്ഞിക്കിടീൽ പേടിച്ചോ മറ്റോ നമ്മുടെ പരമു പറഞ്ഞു –

 

“നോ മൈ ഡിയർ… എല്ലാ കൃഷിയും വെള്ളവും വളവും ഇടും… വെള്ളരി കൊള്ളാം ചേന കൊള്ളില്ല എന്ന് പറഞ്ഞാൽ ചേന കർഷകർ സെഡ് ആകും… ഡോണ്ട് ഡൂ… ചേന ആയോണ്ടല്ല വെള്ളരി ആണേലും വെള്ളം വേണം വളവും ഉണ്ടേൽ പൊളിക്കും ബിസിനസ്‌… അല്ല പിന്നെ…”

 

പാച്ചു ആകെ സെഡ് ആയി…

 

“ഞാൻ ഇനി വരൂല… ഈ അങ്കതട്ട് അല്ലാ… ഈ കോമ്പൗണ്ട് അല്ലാ… ഈ ടെറിട്ടറി വിട്ട് തന്നെ ഞാൻ പോണ്…??… ഐ ഡോണ്ട് ലൈക്‌ ചേന… ചേന ഫെൻസ് എൻജോയ്… ?”

 

“പിന്നല്ല…ശശിയോടാ അവന്റെ കളി…???”

 

ശശി വന്ന് കൂട്ടുകാരോട് എല്ലാം തന്റെ തഗ് വീര സാഹസം പറഞ്ഞു…

 

കോവാലൻ അപ്പോൾ ചോദിച്ചു… നീ അല്ലേ നിന്റെ ചേനയുടെ കാര്യം പറയണേ വേണേൽ നിന്റെ തോട്ടത്തിൽ വരാൻ… എന്നിട്ട് ഇപ്പോൾ വല്ലോന്റേം തോട്ടത്തിൽ പോയി എന്തിനാ പ്രശ്നം… “

 

“അത് പിന്നെ ഇവിടെ ചേനയുടെ ആഗോള വിപണി എന്റെ ആണല്ലോ… അപ്പോൾ ചേനയെ പറഞ്ഞാൽ എനിക്ക് എവിടെ വേണേലും പോകാമല്ലോ… ഞാൻ ഒരു കില്ലാടി തന്നെ.. ഹു… ഹഹു ??”

 

********