ഒരു ബാംഗ്ലൂർ വാരാന്ത്യം 5

Author :Santhosh Nair

[ Previous Part ]

ഇത് സമർപ്പിക്കുമ്പോൾ ഒരിക്കലും കരുതിയില്ല, ഓരോ വേർഷനും ആവറേജ് 2500 കാഴ്ചകളും 80 ഓളം likesഉം കിട്ടുമെന്ന്. എല്ലാവരോടും നന്ദി നമസ്തേ. പ്രോത്സാഹനങ്ങൾക്കു നന്ദി. Thanks a lot to Admin Bro’s
ഇന്നുകൊണ്ട് ഇത് നിർത്താം എന്ന് കരുതുന്നു. എങ്ങനാവുമോ എന്തോ. ഇപ്പോൾ ലീൻ പീരിയഡ് ആയതുകൊണ്ടാണ് കഥ എഴുതാൻ പറ്റിയത്. പുതു വര്ഷം പിറന്നാൽ ഇത്ര ഫ്രീ ടൈം കിട്ടില്ല.

കഴിഞ്ഞ തവണ നിർത്തിയ ഭാഗം —–

വഴിയുടെ അവസാനം ഒരു വലിയ ഗേറ്റ് കടന്നു സാമാന്യം വലിയ ഒരു veedinu മുമ്പിൽ car നിർത്താൻ തുടങ്ങുമ്പോൾ ഞങ്ങളെ താണ്ടി ഒരു ഓട്ടോ പുറത്തേക്കു പോയി. വീട്ടിനുള്ളിൽ നിന്നും ആരുടെയോ ഒച്ചയും കരച്ചിലും കേട്ടു.
ഞെട്ടിക്കൊണ്ടു പെട്ടെന്ന് കാറിന്റെ ഡോർ തുറന്നു ശ്രീ മുമ്പോട്ട് കുതിച്ചു.

— തുടർന്ന് വായിക്കുക :

വണ്ടി നിർത്തി നിർത്തിയില്ല ഇന്നുള്ള കണ്ടിഷനിൽ ആയിരുന്നപ്പോളാണ് അവൾ എടുത്തു കുതിച്ചു ചാടുവാൻ നോക്കിയത്. സീറ്റ് ബെൽറ്റിന്റെ ക്ലിപ്പ് അഴിച്ചെടുക്കാൻ പെട്ടെന്ന് പറ്റാത്തതുകൊണ്ട് ഭാഗ്യത്തിന് ഇറങ്ങാൻ പറ്റിയില്ല, വീണു അപകടവും ഉണ്ടായില്ല (Wear സീറ്റ് ബെൽറ്റ്). ഞാൻ സഡൻ ബ്രേക്ക് ഇട്ടു വണ്ടി നിർത്തി. ക്ലിപ്പ് അഴിച്ചു കൊടുത്തു. ഭയങ്കര ദേഷ്യം വന്നെങ്കിലും വഴക്കൊന്നും പറയാൻ തോന്നിയില്ല. (മൗനം വിദ്വാന് ഭൂഷണം, ക്ഷമ പുരുഷ ലക്ഷണം എന്നൊക്കെ ചില ചൊല്ലുകൾ ഉണ്ടല്ലോ. എനിക്ക് ദൈവം സഹായിച്ചു ബോക്സിങ്, കരാട്ടെ, ജൂഡോ, തല്ല് മുതലായ കലാപരിപാടികൾ അറിയില്ല. അടി എന്ന് കേട്ടാൽ ഓടി രക്ഷപ്പെടും – കഷ്ടം അല്ലെ?)

അവൾ ആദ്യം ഓടി അകത്തേക്കുപോയി. വണ്ടി ഒതുക്കി ഇട്ടു ലോക്ക് ചെയ്തു ലഗേജ് എല്ലാം എടുത്തുകൊണ്ടു കുറച്ചു കഴിഞ്ഞു ഞാനും ചെന്നു (കുറച്ചു കഴിഞ്ഞു ചെല്ലാനുള്ള കാരണം ഞാൻ മുമ്പേ പറഞ്ഞിട്ടുണ്ട്).

കിണ്ടിയിൽ വെച്ചിരുന്ന വെള്ളം എടുത്തു കാലുകൾ കഴുകിയിട്ടു കത്തേക്കു കയറി. അകത്തു ചെന്ന് നോക്കുമ്പോൾ അച്ഛനും കൊച്ചച്ഛനും മൗനം പാലിച്ചു നിൽപ്പുണ്ട്. അമ്മ ഉറക്കെ കരയുന്നുണ്ട് – കൂടെ ശ്രീയുടെയും പാട്ടിയുടെയും ബാക് ഗ്രൗണ്ട് മ്യൂസികുമുണ്ട്, വലത്തേ കവിൾ പൊത്തിക്കൊണ്ടമ്മാവനും. മറ്റൊന്നുമല്ല സ്നേഹവും സങ്കടവും കലർത്തി അടിയന്റെ മാതാശ്രീയുടെ കരപല്ലവങ്ങൾ എന്റെ അമ്മാവന്റെ വലത്തേ കപോലത്തിൽ ആറാടിയതിന്റെ പ്രതിസ്ഫുരണങ്ങളാണ് ഇപ്പോൾ നടക്കുന്ന സംഭവ വികാസങ്ങൾ. തന്റെ ഒരേയൊരു അനിയനെ തല്ലിപ്പോയല്ലോ എന്നുള്ള സങ്കടം ആണ് ഇപ്പോൾ അമ്മയുടെ കവിളിൽക്കൂടി പൊട്ടി ഒഴുകുന്നത്.

അടിച്ചതും അമ്മ, അടികൊടുത്തിട്ടു കരഞ്ഞതും അമ്മ. പണ്ടൊക്കെ ഞാൻ കുസൃതികാണിച്ചിട്ടോടുമ്പോൾ കയ്യിൽ കിട്ടുന്ന കല്ലോ കമ്പോ എടുത്തു എന്നെ എറിഞ്ഞിട്ടു വിനോദിക്കുകയും ഞാൻ താഴെ വീണു കരയുമ്പോൾ എന്റെ അടുത്തുവന്നുറക്കെ കരയുകയും ചെയ്യുന്ന അമ്മയാണമ്മേ my mother India.