ഒരു പോലീസ് സ്റ്റോറി (നൗഫു) 779

 

കാലിൽ പോലീസ് ഷൂ കണ്ടിട്ടാവും അവർ പേടിയോടെ കുറച്ചു മടിച്ചു മടിച്ചെങ്കിലും എന്റെ അടുത്തേക്ക് നടന്നു വന്നു..”

 

“ഞാൻ രാജേഷ്… സ്റ്റേഷൻ ഏതാണെന്നൊന്നും ഒരു കഥ ആയത് കൊണ്ട് പറയേണ്ടല്ലോ അല്ലേ…”

 

“എന്താണുമ്മ കാര്യം…എന്തേലും പരാതി പറയാൻ വന്നതാണോ…??”

 

“പതിവ് പോലീസ് രീതി വിട്ടു.. അവരോട് വളരെ മയത്തിൽ തന്നെ ആയിരുന്നു ഞാൻ ചോദിച്ചത്…”

 

“അല്ലെങ്കിലും ഒരു തുടക്കക്കാരൻ ആയിരുന്നു ഞാൻ അന്ന് വിരട്ടലോന്നും തുടങ്ങിയിരുന്നില്ല..

 

ഇന്നും ഇല്ലാട്ടോ… എന്തിനാ വെറുതെ… ആളുകളെ പേടിപ്പിച്ചു നിർത്തുന്നത്…”

 

“ചില ആളുകൾക്ക് ഞങ്ങളെ പേടിയായിരിക്കും… നിങ്ങളെ പോലെ മനുഷ്യർ തന്നെ ആണെന്നൊന്നും അവർ ചിന്തിക്കില്ല…

 

മറ്റു ചിലരോ ഞങ്ങൾ പേടിപ്പിച്ചു നിർത്തും…

 

അവരോടുള്ള ഭാഷക്ക് പോലും മാറ്റം ഉണ്ടാവും.. എന്താ ചെയ്യാ..

 

 ഞങ്ങൾ മര്യാദക്കാരായി സംസാരിച്ചിട്ട് ഗുണം ഇല്ലെന്ന പണ്ടത്തെ ചിന്ത രീതി ആയിരിക്കാം…

 

അല്ലെങ്കിൽ നമ്മുടെ നാട്ടിലെ ആളുകളുടെ ഗുണം കൊണ്ട് ആയിരിക്കാം…

 

അതിപ്പോഴും തുടർന്നു വരുന്നെന്നു മാത്രം…”