ഒന്നും ഉരിയാടാതെ 11 [നൗഫു] 4812

ഇറങ്ങാൻ സമയം ഉമ്മ വന്നു കുറച്ചു പൈസ കയ്യിൽ തന്നു..

അവളുടെ ബന്ധുക്കളുടെ വീട്ടിലേക് ആണ് പോകുന്നത്.. വെറുതെ കൈ വീശി പോകരുത് എന്തേലും വാങ്ങണം.. പിന്നെ അവിടെ കുട്ടികൾ ഉണ്ടാവും അവർക്ക് കുറച്ചു മിഠായിയും വാങ്ങിക്കോട്ടോ.. എന്റെ കവിളിൽ തലോടി കൊണ്ട് ഉമ്മ പറഞ്ഞു..

ഞാൻ യാത്ര പറഞ്ഞു വീട്ടിൽ നിന്നും ഇറങ്ങി നാജിയുടെ വീട്ടിലേക്…

❤❤❤

എന്താണ് ഹസ്ന ഇത്ത.. പുറത്ത് നിൽക്കുന്നത്..

എടാ.. ഞാൻ ഹാരിസിക്കയെ നോക്കാണ്..

നിങ്ങൾ ഇറങ്ങിയിട്ട് ഇവിടെ നീന്നും ഇറങ്ങണമെന്ന് പറഞ്ഞിരുന്നു.. വീട്ടിലേക് ഒന്ന് പോകണം.. അവിടുന്ന് വന്നിട്ട് കുറച്ചു ദിവസമായി..

അത് ശരിയാ.. ഇനി എന്ന ഇങ്ങോട്ട്..

ഇനി നീ നിന്റെ പെണ്ണിനെ പാർക്കാൻ വിടുമ്പോൾ വരാം.. എന്നാൽ ഓളെ കൂടെയും നിൽക്കാമല്ലോ..

അങ്ങോട്ടും വരാട്ടോ.. അത് അമ്മായിയുടെ വീടുമാണ്..

വരാടാ..

അതാ.. ഹാരിസിക്ക വന്നല്ലോ..

എന്റെ ഹസ്ന ഇവനെ നീ പുറത്ത് നിർത്തി സംസാരിക്കുകയാണോ,.. നീ ഒന്ന് വീട്ടിലേക് കയറാൻ പറഞ്ഞെ..

ഓ.. ഞാൻ അത് മറന്നു.. വാടാ..

അവൾ എന്നെ വിളിച്ചു വീടിന്റെ ഉള്ളിലേക്കു കയറി..