ഏതോ നിദ്രതൻ ❣️ 3 [മനോരോഗി ഫ്രം മാടമ്പള്ളി] 76

അതും പറഞ്ഞ് എല്ലാവരും ചിരിക്കുമ്പോഴും  എനിക്ക് എന്തോ ചിരിക്കാൻ തോന്നിയില്ല ഞാൻ അവളുടെ ആ ഉണ്ടക്കണ്ണും  നോക്കി നിക്കുവാരുന്നു…

” ഓയ് മാഷേ, ഇതെന്താ ഞങ്ങൾ ഇത്രേം പേര് ഇവിടെ സംസാരിക്കുമ്പോ നിങ്ങൾ മാത്രെന്താ മിണ്ടാണ്ടിരിക്കുന്നെ “”

അവൾ  അത് ചോദിച്ചപ്പോഴാണ് ഞാൻ  സ്വബോധത്തിൽ എത്തിയത്…

” ഓയ് ഞാൻ പറഞ്ഞത് കേട്ടില്ലേ? “

അവൾ പുഞ്ചിരിച്ചു കൊണ്ട് ചോദിച്ചു…

” ഏഹ് എന്താ ചോദിച്ചേ, സോറി ഞാൻ പെട്ടെന്ന് എവിടെയോ ആലോചിച്ച് ഇരിക്കുവാരുന്നു “

ഞാൻ  പെട്ടെന്ന് സംയമനം പാലിച്ചു നിന്നു…

” മ്മ്, ” ഈ ആലോചന അത്ര നല്ലതല്ല “🤭

അവൾ എനിക്കിട്ടൊന്ന് കൊട്ടിയപോലെ തോന്നി, തോന്നിയതല്ല ശരിക്കും കൊട്ടിയത് തന്നാ…. 😬

” അല്ല ഇവിടെ തന്നെ നിക്കുവാണോ  നമ്മക്ക് അവിടെ പോയി ഇരുന്നാലോ? “

ഞാൻ വിഷയം മാറ്റാനെന്നവണ്ണം  ആൽമരത്തിന്റെ ചുവട്ടിലേക്ക് ചൂണ്ടികൊണ്ട് ചോദിച്ചു…

“ആഹ്, ” അതാ നല്ലത് വെറുതെ  ഇവിടെ വെയിലും കൊണ്ട് ഇരിക്കണ്ടല്ലോ “

അവൾ പറഞ്ഞു…

” അല്ല ഈ കുട്ടി ഒന്നും മിണ്ടൂലെ? “

ധ്രുവ് അത് പറഞ്ഞപ്പഴാണ് അഭിരാമിയുടെ കൂടെ ഉള്ള  ആളിനെ ഞങ്ങൾ ശ്രദ്ധിക്കുന്നത് തന്നെ…

“ആഹ്, ” ഇവൾ അങ്ങനെയാ ആദ്യം ഒന്നും മിണ്ടൂല പക്ഷെ കമ്പനി ആയാൽ വല്ല കുളത്തിലും എടുത്തെറിയാൻ തോന്നും “

അതും പറഞ്ഞ് അവൾ ചിരിതുടങ്ങി…

കൂടെ ഞങ്ങളും..

ആ കൊച്ച് ചമ്മി നാറി ഇരിക്കുവാണെന്ന് അതിന്റെ മുഖം കണ്ടാൽ അറിയാം…😂