ഏതോ നിദ്രതൻ ❣️ 3 [മനോരോഗി ഫ്രം മാടമ്പള്ളി] 76

കഴിച്ചു കൊണ്ടിരിക്കുമ്പോഴാണ് ധ്രുവൻ രാവിലെ പറയാൻ തുടങ്ങിയ കാര്യം ഓർമ വന്നത്, എന്റെ മൂഡ് മാറ്റാൻ വേണ്ടി ഞാൻ ആ കാര്യം എടുത്തിട്ടു…

” എടാ നീ രാവിലെ എന്തോ പറയാൻ വന്നില്ലേ എന്തായിരുന്നു അത്? “

ഞാൻ അവനോട് ചോദിച്ചു…

” നിന്നോടല്ലേ അത് ഞാൻ വൈകിട്ട് പറയാമെന്നു പറഞ്ഞേ “

അവൻ ഒരുതരം  ദേഷ്യവും ദൈന്യവും കലർന്ന ഭാവത്തിൽ പറഞ്ഞു…

” ഓഹ്, ” അത് ഞാൻ മറന്നുപോയെടാ “

അതും പറഞ്ഞ് ഞാൻ ഒരു കഷ്ണം പൊറോട്ട പിച്ചിയെടുത്ത് കഴിക്കാൻ തുടങ്ങി…

” കൃഷ്ണേട്ടാ ഒരു പൊറോട്ട കൂടെ “

അഭി ഞങ്ങളുടെ സംസാരം ഒന്നും ശ്രദ്ധിക്കാതെ അടുത്ത പൊറോട്ടയെയും കാത്തിരിക്കുവാണ്…

   ” എങ്ങനെ സാധിക്കുന്നെടാ ഇതൊക്കെ” 😂

ധ്രുവൻ  അഭിയെ കളിയാക്കികൊണ്ട് ചോദിച്ചു…

ഈ പറക്കും തളിക സിനിമയിൽ  ബസന്തി  കിണിക്കുമ്പോലെ പൊറോട്ടയും വായിൽ നിറച്ച് അവൻ ഒരു കിണി അങ്ങ് പാസാക്കി…

” പോയി മൂഡ് പോയി ” 😂

ഞാനും അവനിട്ടൊന്ന് താങ്ങി….

അങ്ങനെ ഫുഡും കഴിച്ച് പുറത്തേക്കിറങ്ങിയപ്പഴാണ് എതിരെ വരുന്ന ആളെ ഞങ്ങൾ ശ്രദ്ധിച്ചത്…

” എടാ ആ വരുന്നേ അഭിരാമി അല്ലെ “

അഭി ചോദിച്ചു…

” ഉം “

ഞാൻ അതെ എന്ന അർത്ഥത്തിൽ ഒന്ന് മൂളുക മാത്രം ചെയ്തു…

” ആഹ്, ഇതാരൊക്കെയാ, ഇതെന്താ നിങ്ങൾക്ക് ക്ലാസ്സിൽ ഒന്നും കേറണ്ടേ? “

അവൾ ഞങ്ങളോട് ചോദിച്ചു…

” അത്പിന്നെ ഇവന്റെ ഉണ്ണിവയർ നിറയ്ക്കാൻ കൊണ്ടുവന്നതാ “

അഭിയെ ചൂണ്ടികൊണ്ട് അവൻ അത് പറഞ്ഞപ്പോ ഒന്ന് നിശബ്ദം ആയതിന് ശേഷം അഭിയൊഴികെ എല്ലാവരും പൊട്ടിച്ചിരിച്ചു…🤣🤣

” ആഹ്ടാ, “”ഇനി എല്ലാം കൂടെ എന്റെ മണ്ടേൽ ഇട്ടേക്ക്, എന്റെ പൊന്ന്കൊച്ചേ വിശക്കുന്നു എന്നും പറഞ്ഞ് ഞങ്ങളെ പിടിച്ചു വലിച്ചു കൊണ്ടുവന്നത് ഇവനാ ”
എന്നിട്ടാ എന്റെ തലേൽ ഇട്ടത് ” തെണ്ടി ”