എൽസ്റ്റിന 2[Hope] 127

അവളു പറഞ്ഞയതെ ടോണിൽ ഞാൻ ചോദിച്ചതും അതെയെന്നു കണ്ണുകൊണ്ടുത്തരം തന്നു….അതുകേട്ടപ്പോഴേക്കും അതുവരെയില്ലാത്തൊരു പേടിയാരുന്നു…. കാര്യം പ്രേതമാണേലും സ്വന്തം നാട്ടീന്നുള്ളയാൾടെ കൈ കൊണ്ടു മരിക്കുമ്പോ അതിനൊരു ഗുമ്മുണ്ട് ഇതിപ്പോ വേറെ പ്ലാനറ്റീന്നു വന്ന് കൊന്നന്നെക്കോ പറഞ്ഞാ….

അല്ല ഇനിയെന്നെക്കൊണ്ടു പോയി അവരുടെ നാട്ടിലിട്ട് പരീക്ഷിക്കാനുള്ള പരുപാടി എന്തേലുമാണോ??… അഥവാനുള്ള ചാൻസുണ്ട് അതായിരിക്കുമെന്നെ കൊല്ലാതെ വിട്ടത് അങ്ങനെയൊരു ചിന്തവന്നതും ഉള്ളിൽ കിടന്ന കലിപ്പൻ പുറത്തു ചാടി….

 

“…. എവിടെടി നിന്റെ ഉണ്ടത്തല, കണ്ണ് പിന്നെ ഏലിയന്റെപോലെയുള്ളൊണ്ട് കൊഴപ്പമില്ല….. എന്നെ നിങ്ങടെ പ്ലാനറ്റിൽ കൊണ്ടു പോയി പരീക്ഷണം നടത്താനല്ലാരുന്നോടി നിന്റെ പ്ലാൻ…. എല്ലാമെനിക്ക് മനസ്സിലായെടി ഏലിയൻ മൈ*….”

 

പറഞ്ഞു തീർന്നില്ല തുഫ്ഫ് ന്നൊരാട്ടായിരുന്നു മറുപടി….

ആ ആട്ട് കേട്ടപ്പോഴേ എനിക്കു മനസ്സിലായി ഇവള് ഇവളുടെ പ്ലാനാറ്റിലെ കൊല്ലം തിരുവനന്തപുരം ഏരിയയിലെവിടെയോ ജനിച്ചു വളർന്നതാണ്….. വേറൊന്നുമല്ല ഇതിനു മുൻപിതുപോലൊരാട്ടു കിട്ടിയത് തമ്പാനൂർ ബസ്സ് സ്റ്റാൻഡിൽ വെച്ചാരുന്നു…..

 

“…. അയ്യേ നിന്നെക്കൊണ്ടു പോയി എന്ത് പരീക്ഷണം നടത്താനാ???….. ഇനി കൊണ്ടുപോകുവാണേൽ തന്നെ കുറച്ചു വിവരോം ബുദ്ധിയുമുള്ള മനുഷ്യരെയേ ഞങ്ങൾ കൊണ്ടു പോകു…..”

 

മലര് ഏലിയന്റുക്കു കൂടിയേ വാങ്ങി വെക്കാനുണ്ടായിരുന്നുള്ളു അതോടെ കിട്ടിയപ്പോ വല്ലാത്തൊരു മനസുഖം….

പിന്നെ ഇനിയും എന്തേലും മണ്ടത്തരപറഞ്ഞൂക്കു മേടിക്കാതിരിക്കാൻ ഞാൻ നൈസായി ചോദ്യങ്ങളെ വഴി തിരിച്ചു വിടാൻ തുടങ്ങി…..

 

“…. ശെരിക്കും നീ അന്യഗ്രഹ ജീവിയാണോ???? സത്യ പറ പ്രാന്ത് മൂത്ത് വട്ടായി പോയ ഏതോ വടയെക്ഷിയല്ലേ….”

 

“…. ഏലിയാനാടോ….916, 24 ക്യാരറ്റ് ഏലിയൻ…..”

 

ചതിക്കാത്ത ചന്തുവിൽ നവ്യാ നായർ “..പ്രേതമാടോ..” ന്നു പറയുന്ന ടോണിലവൾ പറഞ്ഞതും..

“…. അല്ല ഞാൻ കണ്ടിട്ടുള്ള ഏലിയനൊക്കെ ഉണ്ട തലയും മത്തക്കണ്ണും തലയ്ക്കു ചേരാത്ത ബോഡിയുമൊക്കെയാ….”

 

“…. എന്റെ പൊന്നു കുട്ടാ ഞാൻ വേറൊരു പ്ലാനറ്റിലെ മനുഷ്യനാ…..അല്ലാതെ ഏലിയനല്ല…..”

 

“…. ഞങ്ങടെ ഭാഷയിൽ ഏലിയനെന്നു വെച്ചാ വേറെ പ്ലാനറ്റിലുള്ള ആളുകളെന്നു തന്നെയാ അർഥം….അതിപ്പോ മനുഷ്യനായാലും…”

 

ഞാൻ പറഞ്ഞതിനു അതു ശെരിയാണല്ലോ എന്നൊരർഥത്തിലെന്നെ നോക്കി ഏലിയൻ കുട്ടൂസാലോചന തുടങ്ങി….

 

“…. അല്ല നിനക്കെന്റെ UFO കാണിച്ചു തന്നാ വിശ്വസിക്കുവോ???….”

 

“… UFO യോ ഏത് കോട്ടയം എറണാകുളം റൂട്ടിലൊടികൊണ്ടിരുന്ന UFO ബസ്സൊ???……”

 

അതിനെന്നെ ഒന്നൂടി പല്ലു കടിച്ചു കാണിച്ചിട്ടവള് പിന്നേം പറഞ്ഞ് തുടങ്ങി…..

 

“…. ഈ സ്പേസ്ഷിപ്പില്ലേ ആ സാധനം കാണിച്ചു തന്നാ വിശ്വസിക്കുവോ????…”

 

“…. അല്ല ഇതൊക്കെ കാണിച്ചെന്നെ വിശ്വസിപ്പിക്കുന്നതെന്നാത്തിനാ ഞാനെന്ന നിന്റെ തന്തവല്ലോമാണോ???….”

 

പ്രേതമായിട്ടു വന്നെന്നെ പേടിപ്പിച്ചതിന്റെ കലിപ്പിൽ നിന്നതു കാരണമങ്ങനെയാണു വായിൽ വന്നത്….

എന്തായാലുമാ സമയത്തവിടെ തല്ലാനും കൊല്ലാനൊന്നും പറ്റിയയൊന്നുമില്ലാതിരുന്നതു നന്നായി അല്ലേലെന്റെ കാര്യം ഖതമായേനെ….