എൽസ്റ്റിന 2[Hope] 127

!!! മൂഞ്ചി!!!

 

“… എടാ നീയിങ്ങനെ പൊട്ടനെപ്പോലെ നടന്നു നല്ലോന്നാന്തരം കൊച്ചിനെയാലോ അടിച്ചോണ്ട് വന്നേ….”

 

അവൾക്കൊരു നീല ടോപ്പും, ഗ്രേയ് ഷെഡു വരുന്നൊരു ലോങ്ങ്‌ സ്‌കിർട്ടുമെടുത്തു കൊടുക്കുന്നതിനിടയിൽ സെയിൽസിൽ നിക്കുന്ന ചേച്ചിയതു ചോദിച്ചപ്പോ എന്നെ കളിയാക്കുവാണോ അതോ പുകഴ്ത്തുവാണോ എന്നു മനസ്സിലാക്കാനൊരു നിമിഷം ചിന്തിക്കേണ്ടി വന്നു….

പക്ഷെ അതിനു കാര്യമായിട്ടുത്തരം കിട്ടിയതുമില്ല….. അല്ലേൽ തന്നെയിപ്പൊ ചിന്തിക്കാനെന്തോരം കാര്യമുണ്ട്…..

പക്ഷെ പ്രധാനപ്രശ്നമതൊന്നുമല്ലായിരുന്നു!!! ഈ തള്ള ഏതാണ്???…!!!

 

നിന്ന നിൽപ്പിൽ ചിന്തിക്കാൻ കുറച്ചു വിഷയം കിട്ടിയതും ഞാനതും മനസ്സിലിട്ടവരുടെ തുണിയെടുപ്പും നോക്കിയിരുന്നപ്പോഴാണമ്മേടെയടുത്ത കൂട്ടുകാരി കൂടിയാ രംഗത്തിലെക്കു കടന്നു വരുന്നത്….

 

അവിടെന്നും കിട്ടി പെണ്ണിനെ അടിച്ചോണ്ടു വന്നതിനൊരു കോംപ്ലിമെന്റ് പക്ഷെ അതോടു കൂടിയെനിക്കൊരു കാര്യം മനസ്സിലായി ഈ നാട്ടിലുള്ളയാളുകളൊക്കെ എന്നെയൊരു മണ്ടനായാണു കാണുന്നതെന്ന്…/കണ്ടിരുന്നത്…. അങ്ങനെയോരോ ഊക്കും നെഞ്ചിലേറ്റുവാങ്ങിയൊരുമാതിരി ഊമ്പിയ ചിരിയോടെ നിക്കുമ്പോഴും !!! ഒരു കൊല്ലം കഴിയട്ടെ നിന്റെയൊക്കെ മൂഞ്ചിടെ മുന്നേക്കൂടെ ഞാനോടിക്കാറും ഓടിച്ചു നടക്കുമെന്നാരുന്നു മനസ്സിൽ!!!…

 

അങ്ങനെയാ കടയിൽ വന്ന അറിയാവുന്നവരുടെയെല്ലാം ഊക്കുമാക്കും മേടിച്ചു കഴിഞ്ഞപ്പോഴേക്കുമവരുടെ

ഷോപ്പിംങ്ങോക്കെ കഴിഞ്ഞിറങ്ങിയിരുന്നു….

 

പിന്നെയും ബേക്കറിയിലും, പലചരക്കു കടയിലുംമായി കറങ്ങി നടന്നുള്ള എനർജിയൊക്കെ തീർത്തു

വീട്ടിലെത്തിയപ്പോ തന്നെ അവളെ വിളിച്ചു ഞാൻ റൂമിൽ കേറി….

 

“…. ചുമ്മായിങ്ങനെ കറങ്ങി നടക്കാനാ പ്ലാൻ???… എവിടെപോയാ നിന്റെ തന്തേനെ കണ്ടുപിടിക്കാൻ പറ്റൂന്നു പറ???…..”

 

ഞാനിത്തിരി കഷ്ട്ടപ്പെട്ടു സീരിയസായി ചോദിച്ചു…..

 

“…. അതറിയാരുന്നേൽ ഞാനെന്നത്തിനാ നിന്റെ ഹെൽപ്പ് ചോദിക്കുന്നേ….”

 

ഞാനിട്ട സീരിയസ്നസ്സിനു തിരിച്ചു കിട്ടിയത് പുച്ഛവും….

 

“…. ഒരു ഹിന്റെങ്കിലും അറിയോ???…. ലാസ്റ്റായിട്ടു താമസിച്ച സ്ഥലം, അല്ലെങ്കി ആ സ്ഥലത്തിന്റെ ഏരിയ അങ്ങനെ എന്തേലും???…”

 

“…. ആ അതറിയാം…. പക്ഷെ അച്ഛനവിടെ ഇല്ല…. ഞാൻ പോയി നോക്കിയാരുന്നു….”

 

“…. ങേ???… പിന്നെ എന്ത് ചെയ്യും???…”