എൽസ്റ്റിന 2[Hope] 127

കഴിച്ച പാത്രവും കഴുകി വെച്ചു കുറച്ചു നേരം ഫോണും നോക്കിയിരുന്നെങ്കിലും മനസ്സിനൊരു സമാധാനമില്ലാത്ത പോലെ….

അതിനിടക്കേപ്പോഴോ അമ്മയുടെയൊരു ചുവപ്പിൽ നീല സ്റ്റോൺ വർക്കും പച്ച ലൈനിങ്ങുമൊക്കെയുള്ള സാരിയുമെടുത്തുടുത്തവളൊരുങ്ങി വന്നിരുന്നു….

 

“… എടാ ഷോപ്പിങ്ങിനു പോവാം….”

 

“… ആ…”ന്നു പറഞ്ഞു ഞാനൊരു ചെക്കു പാന്റുമിട്ടിറങ്ങി ചെന്നതും അമ്മയുമൊരുങ്ങി നിക്കുന്നു….

 

“… അമ്മയെവിടെ പോണ് ???..”

 

പതിവില്ലാതെ കല്യാണത്തിനുമാത്രമുടുക്കാറുള്ളയൊരു ഗോൾഡൻ കളറിൽ ബ്ലാക്ക് വർക്കുകളുള്ള സാരിയുമുടുത്തമ്മ നിക്കുന്ന കണ്ടതും ഞാൻ ചോദിച്ചു…

 

“… നിങ്ങടെ കൂടെ മോൾക്ക് ഡ്രെസ്സെടുക്കാൻ…”

 

“… ആ എങ്കി അമ്മയിവളേം കൊണ്ടു പോയിട്ട് വാ…….”

 

“…. പിന്നെ നീ കൊണ്ടു വന്ന പെണ്ണിനെ നാട്ടുകാർക്ക് പരിചയപ്പെടുത്തണ്ടത് ഞാനാണല്ലോ….”

 

“…. അതിന് ഞങ്ങടെ കെട്ടുകഴിഞ്ഞില്ലല്ലോ അതൊക്ക കഴിഞ്ഞേല്ലാരേം പരിചയപ്പെടുത്തിയാപ്പോരെ…”

 

“… എന്തായാലും കെട്ടൂലെ…. പിന്നെ വീട്ടിലൊരു പെണ്ണിനെ കൊണ്ടു നിർത്തിയാ എന്തായാലും ചോദ്യം വരും, അപ്പൊ അതിനു മുന്നേ നമ്മളങ്ങോട്ടു പരിചയപ്പെടുത്തിയാ പ്രശ്നമില്ലല്ലോ….”

 

….. അമ്മ പറഞ്ഞതിനെ ശരി വെക്കും പോലെ അവളൊന്നു മൂളിയതും ഞാനൊന്നും പിന്നെ മിണ്ടിയില്ല…. അപ്പോഴേക്കുമമ്മ വിളിച്ച ഓട്ടോ വന്നിരുന്നു….

 

ഇത്തിരിനേരം ഓട്ടോയിലിരുന്നപ്പോഴേക്കും നാട്ടിലെ അത്യാവശ്യം നല്ലൊരു തുണിക്കടയിലെത്തി… ഓട്ടോക്കാരൻ ചേട്ടനോടവിടെ വെയിറ്റു ചെയ്യാൻ പറഞ്ഞമ്മ ഇറങ്ങിയതും കൈയിൽ ബാക്കിയുണ്ടായിരുന്ന പൈസയെടുത്തു വണ്ടി കാശും കൊടുത്തു ഞാനങ്ങേരെ പറഞ്ഞു വിട്ടു അല്ലെപ്പിന്നെ ഇവരു തുണിയെടുത്തു വരുമ്പോഴേക്കും ഓട്ടോടെ വെയ്റ്റിങ് ചാർജ് കൊടുക്കാൻ വേറെ ലോണെടുക്കണ്ടി വരും…..

 

ഓട്ടോചേട്ടനെ കാശും കൊടുത്തു പറഞ്ഞുവിട്ട് തുണിക്കടയിലെക്കു ചെന്നപ്പോഴേക്കും അമ്മയും അവളും ആക്രമണം തുടങ്ങിയിരുന്നു…..

സാരിയും,ചുരിദാറും,സ്കിർട്ട്സും, ടോപ്പും അങ്ങനെ അവിടെയുള്ളതിലെല്ലാമവളു ടെ കണ്ണു പതിക്കുന്നതും നോക്കി ഞാൻ നിന്നു…

 

കടേൽനിക്കുന്ന ചേച്ചിയമ്മേടെ കൂട്ടുകാരി കൂടെയായതുകൊണ്ടു തുണി നോക്കലും അതിനിടേൽക്കൂടി സംസാരവും നടക്കുന്നുണ്ടായിരുന്നു….

അങ്ങനെ സംസാരിച്ചു സംസാരിച്ചവസാനം അവളുടെ മുഖത്തു പിടിക്കലും സൗന്ദര്യം നോക്കലും അളവെടുക്കലും വരെ എത്തിയപ്പോ വലിയാനുള്ള സമയമായെന്നെനിക്കു മനസ്സിലായി വലിയാനൊരു ശ്രമമിടുന്നിതിനിടയിലവരെന്നെ പിടിക്കുകേം ചെയ്തു….