എന്റെ സ്വാതി 5 [Sanju] 165

“ശെടാ പോവല്ലേ. ഈ മടി അത്ര മോശം ഒന്നുമല്ലടി.”ഞാൻ പിന്നെയും അവളെ ഇട്ട് വാരി. പുള്ളിക്കാരി പിന്നെയും പിന്നേയും ദേഷ്യപ്പെട്ടു കട്ട് ചെയ്തു.

“ഓഹോ കട്ട് ചെയ്തല്ലേ. ഞാൻ തിരിച്ച് വിളിക്കും എന്ന് ഉള്ള അഹങ്കാരം ആണ്‌.

തിരിച്ച് വിളിക്കാൻ എനിക്ക് മനസില്ലാ.”

ഞങ്ങളുടെ വഴക്ക് ഒക്കെ മിക്കവാറും ഞാൻ ചെന്ന് അങ്ങോട്ട് മിണ്ടി കഴിഞ്ഞായിരുന്നു അവസാനിച്ചിരുന്നത്. അത് ആ കഴുത നന്നായി മുതലെടുക്കുന്നുണ്ട്. ഇന്ന്‌ എന്തായാലും ഞാൻ അങ്ങോട്ടു വിളിക്കില്ല എന്ന് അങ്ങ് ദൃഢ നിശ്ചയം എടുത്തു. ഒരു മിനിറ്റ് കഴിഞ്ഞു

“ഹ്ം എന്നോടാ അവളുടെ അഹങ്കാരം ഞാൻ വിളിക്കുമെന്ന് വിചാരിച്ച് ഇരിക്കുന്നുണ്ടാകും.”

ഇടക്കിടക്ക് ഞാൻ ഫോണിൽ നോക്കി കൊണ്ടിരുന്നു.

മൂന്ന് മിനിറ്റ് കഴിഞ്ഞു.

“ഹോ ഇനി നീ വിളിക്കുമല്ലൊ, അപ്പോ ഞാൻ എടുക്കില്ല മോളെ..”

ഫോൺ നോക്കി ഒന്നുടെ വീര വാദം മുഴക്കി.

അഞ്ച് മിനിറ്റ് കഴിഞ്ഞ്…

“ഹലോ എന്താ ഒന്നും മിണ്ടാത്തത്”

“ഹഹഹ ഇത്തവണയും നീ വിളിക്കുമെന്ന് എനിക്കറിയാമായിരുന്നു. ഹിഹി. കഴിഞ്ഞ തവണ അടി ഉണ്ടായപ്പോൾ പറഞ്ഞത് ഓര്‍മയുണ്ടോ ഇനി ഞാൻ ഇതുപോലെ നിന്റെ പിന്നില്‍ വരുമെന്ന് വിചാരിക്കണ്ട എന്നോ എന്തൊക്കെയോ പറഞ്ഞിരുന്നു. ഓര്‍മ ഉണ്ടൊ. ഹഹഹഹ.”

അവൾ ചിരി നിർത്താതെ എന്നെ ഇട്ട് വാരല്‍ തുടങ്ങി. അതേ ഇത്തവണയും എനിക്ക് എന്നെ തടയാൻ പറ്റിയില്ല. ആണുങ്ങളുടെ വില കളയാനായിട്ട്. ???.

“എന്താ മോനെ ഒന്നും പറയാത്തത്.”