എന്റെ സ്വാതി 5 [Sanju] 165

എങ്ങനെയോ പ്രയാസപ്പെട്ട് ഞാൻ അത് അയച്ചു. അപ്പോൾ തന്നെ കോള് വന്നു.

കോൾ എടുക്കാൻ തന്നെ പ്രയാസപ്പെട്ടു. രണ്ട് മാസങ്ങൾക്ക് മുമ്പ് അവസാനമായി ഞാൻ കേട്ട ആ ശബ്ദം പിന്നെയും കേൾക്കാം. കോള് എടുത്തു.

“ഹലോ, സഞ്ജു”

സന്തോഷം കൊണ്ട്‌ എനിക്ക് എന്താ പറയേണ്ടത് എന്ന് അറിഞ്ഞില്ല. വാക്കുകൾ കിട്ടാതെ ഞാൻ ബുദ്ധിമുട്ടി.

“എന്തുവാ ഡാ എന്നോട് സംസാരിക്കാത്തത്. എന്നോട് ദേഷ്യം ആണോ നിനക്ക്. അതുകൊണ്ട്‌ ആണോ”

എന്റെ മറുപടി ഒന്നും വരാത്തത് കൊണ്ട്‌ ഇത്തിരി പേടിയോടെ ആണ്‌ അവൾ സംസാരിക്കുന്നത്. പക്ഷേ ഞാൻ ഈ ഭൂമിയില്‍ അല്ലായിരുന്നു.

“നിന്നോട് എനിക്ക് ദേഷ്യം ഉണ്ടാവുമോ ഡി കുരിപ്പേ. സത്യം പറഞ്ഞാല്‍ ഞാൻ ഇപ്പോൾ സന്തോഷം കൊണ്ട്‌ നിലത്ത് ഒന്നും അല്ല. അതുകൊണ്ട്‌ ആദ്യം വാക്കുകൾ കിട്ടിയില്ല.”

“ഹോ. എന്തൊക്കെ ഉണ്ടെടാ. നിനക്ക് സുഖമാണോ. വേദു ഹാപ്പി അല്ലെ.”

“എടി ഈ കോൾ വന്നപ്പോൾ ഞാൻ ഹാപ്പി ആയി. പക്ഷേ ഈ കഴിഞ്ഞ രണ്ടു മാസം ഞാൻ…. നീ ഇല്ലാതെ, നിന്നോട് ഒന്ന് സംസാരിക്കാൻ പറ്റാതെ. ചത്ത് ജീവിക്കുകയായിരുന്നു.”

“ദേ ചെക്കാ. അന്ന് ഞാൻ പറഞ്ഞത് ഒന്നും അപ്പോൾ നിന്റെ തലയില്‍ ഇല്ലേ. എത്ര കാലം കഴിഞ്ഞാലും എന്റെ അച്ഛനും അമ്മയും കഴിഞ്ഞാൽ എനിക്ക് നീ ആണ്‌ വലുത്. എത്ര കൊല്ലം കഴിഞ്ഞാലും എവിടെ ആണെങ്കിലും നീ ആയിരിക്കും എന്റെ ബെസ്റ്റ് ഫ്രണ്ട്. ആരൊക്കെ വന്നാലും. നിനക്ക് അത് അറിഞ്ഞു കൂടെ.”