എന്റെ സ്വാതി 5 [Sanju] 165

“അയ്യോ വക്കല്ലേ  വക്കല്ലേ.”

ഞാൻ കട്ട് ചെയ്യാൻ പോകുന്നതിന് മുന്നേ അവൾ പറഞ്ഞു

“ശല്യം നിന്റെ കുഞ്ഞമ്മ. കെട്ടോടാ തെണ്ടി.”

ഒരു ഉമ്മ ആയിരിക്കും എന്ന് പ്രതീക്ഷിച്ച എനിക്ക് തെറ്റി. കുഞ്ഞമ്മക്ക് വിളിച്ച് പെട്ടെന്ന് തന്നെ അവൾ കട്ട് ചെയതു.

അപ്പോൾ തന്നെ ഉമ്മയുടെ ഇമോജികൾ? അയച്ചു. അത് നോക്കി ഒന്ന് പുഞ്ചിരിച്ചു കൊണ്ട്‌ ഞാൻ എഴുന്നേറ്റു കുളിക്കാന്‍ പോയി.

ഒരു നിമിഷം പോലും ഞാൻ അതൊന്നും ആലോചിച്ച് വിഷമിക്കാതിരിക്കാൻ അവൾ പരമാവധി ശ്രമിക്കുന്നുണ്ട്. അവൾ എന്നെ സ്നേഹിക്കുന്നതിന്റേ പകുതി പോലും എനിക്ക് തിരിച്ച് കൊടുക്കാനും കഴിയുന്നില്ല. പക്ഷേ അവള്‍ക്ക് പരിഭവം ഒന്നുമില്ല. അവള്‍ക്ക് എന്റെ അവസ്ഥ അറിയാം.

കുളിച്ച് കഴിഞ്ഞു പുറത്ത്‌ ഇറങ്ങി.

അവൾ പറഞ്ഞ പോലെ ഒരുപാട്‌ വർക്ക് തീർക്കാൻ ഉണ്ടായിരുന്നു. ലാപ് തുറന്ന് ചെയത് തുടങ്ങി. അപ്പോഴാണ് ഫോൺ എടുത്ത് നോക്കുന്നത്. ഒരു മിസ്സ് കോൾ ഉണ്ട്. എടുത്ത് നോക്കിയപ്പോൾ….

സ്വാതി ?

ഒരിക്കലും പ്രതീക്ഷിച്ചിരുന്നില്ല. എന്ത് ചെയ്യണം എന്ന് അറിയാതെ ഞാൻ ആകെ ആശയക്കുഴപ്പത്തില്‍ ആയി. തിരിച്ച് വിളിക്കാൻ പാടുമോ. നെറ്റ് ഓൺ ആക്കിയപ്പോൾ ആണ്‌ അവളുടെ 2 മാസം മുന്നേ എന്നെ ബ്ലോക്ക് ആക്കിയിരുന്ന വാട്ട്സപ്പിൽ നിന്നും എനിക്ക് രണ്ട് മൂന്ന് മെസേജ്. പിന്നെ ഒരു കോളും.

ഡാ

സഞ്ജുസേ.

എന്ന് പറഞ്ഞു രണ്ട് മെസേജ്. എനിക്ക് സന്തോഷം കൊണ്ട്‌ കരയാന്‍ തോന്നി. നോക്കിയപ്പോൾ ഓണ്‍ലൈനിൽ ഉണ്ട്. തിരിച്ച് അയക്കണോ വേണ്ടയോ എന്ന് അറിയാത്തത് കൊണ്ട്‌ മനസ്സ് ഒന്ന് ശങ്കിച്ചു. എന്നാൽ അവൾ പിന്നെയും മെസേജ് അയച്ചിരിക്കുന്നു.

“എന്താടാ ഒന്നും സംസാരിക്കാത്തത്.”

എന്ത് അയക്കണം എന്ന് അറിയുന്നില്ല. ആകെ ഒരു അമ്പരപ്പും.

“എനിക്ക് നിന്നോട് സംസാരിക്കാൻ പറ്റുമോ”.