എന്റെ സ്വാതി 5 [Sanju] 165

“സമയം പറ. അതാണ്‌ എനിക്ക് അറിയേണ്ടത്.”

അവൾ വെറുതെ വിടാനുള്ള ഉദേശം ഇല്ലായിരുന്നു.

“എടി ഒരു 2 മണി ആയിക്കാണും”

നുണ പറഞ്ഞില്ല പിന്നെയും.

“അത് വരെ എന്തായിരുന്നു സഞ്ജു ??. പിന്നെയും അതൊക്കെ ആലോചിച്ച് ഇരുന്നതല്ലേ. ഞാൻ 11 മണിക്ക് വിളിക്കുമ്പോള്‍ പറഞ്ഞതല്ലേ. അതൊന്നും ഓര്‍ക്കാന്‍ നില്‍ക്കാതെ കിടക്കാന്‍ നോക്കാന്‍.”

“ഡി, ചൂടാവല്ലേ. സോറി. ഉറക്കം വന്നില്ല. മനസിലാക്ക്”

എന്റെ അവസ്ഥ മനസ്സിലായിട്ടോ എന്തോ അവൾ പിന്നെ ഒന്നും കുറച്ച് നേരം പറഞ്ഞില്ല. പിന്നെ ഇത്തിരി നേരം കഴിഞ്ഞു പറഞ്ഞൂ തുടങ്ങി.

“ആ എന്തായാലും കിടന്നിടത്തോളം മതി. വെറുതെ കിടന്നാലും ഓരോ ചിന്തകൾ വരും. മോന്‍ കുറെ വർക്ക് തീർക്കാൻ ഇല്ലേ. അത് ചെയ്യ്.”

“ഓഹ്, എന്ത് ശല്യമാണിത്.”

“ആ അനുഭവിച്ചോ. ഒന്നും പറഞ്ഞിട്ട് കാര്യമില്ല. ഇത്തിരി എങ്കിലും എന്നോട് സ്നേഹം ഉണ്ടെങ്കിൽ ഞാൻ പറയുന്നത് പോലെ ചെയ്യ്. നമ്മളുടെ നല്ലതിന് വേണ്ടി ആണ്‌ ഞാൻ പറയുന്നത്. എണീറ്റ് വർക്ക് ഒക്കെ ചെയത് തീര്‍ത്ത് എന്നെ വിളിക്കണം കേട്ടോ.”

അവളുടെ സ്നേഹത്തോടെ ഉള്ള ഉപദേശം എനിക്ക് തള്ളി കളയാന്‍ തോന്നിയില്ല. ഞാൻ എഴുന്നേറ്റു.

“ഹാ, ഞാൻ എണീറ്റു. കുറച്ച് കഴിഞ്ഞ് വിളിക്കാം.”

“ഹാ ഓക്കെ. ഗുഡ് ബോയ്.”

“ശരി ബൈ”