എന്റെ ഗീതൂട്ടി ??4 [John Wick] 264

സംസാരിക്കാൻ പോയില്ലെന്ന് മാത്രമേയുള്ളൂ….. എന്റെ ഇടത്തെ കണ്ണ് അവളുടെ മേൽ തന്നെയായിരുന്നു….

അവളുടെ മുഖത്ത് വിരിയുന്ന ഓരോ ഭാവവും എന്റെ ഇടത്തെ കണ്ണ് വളരെ വ്യക്തമായി ഒപ്പിയെടുത്തു……

ഈ നേരം കൊണ്ട് എനിക്കൊരു കാര്യം മനസിലായി…..ഗീതൂട്ടിയുടെ മുഖത്ത് സന്തോഷമാണേലും….. സങ്കടമാണേലും….ടെൻഷൻ ആണേലും….ഒരു തരം വശ്യമായ ഭംഗി ഉണ്ടായിരുന്നു……

പ്രേമിക്കുന്ന പെണ്ണ് ഒന്ന് തുമ്മിയാൽ പോലും നമുക്കത് ലോകത്തിലെ ഏറ്റവും മനോഹരമായ കാഴ്ചകളിൽ ഒന്നായി തോന്നും……ഈ കുറച്ച് നേരം കൊണ്ട് ഞാൻ പഠിച്ചൊരു തത്വമായിരുന്നു അത്……

അധികനേരം ആ നോട്ടം തുടരാൻ അനുവദിക്കാതെ ചെറിയമ്മയും സരസ്വതിയമ്മയും ഉമ്മറത്തേക്ക് രംഗപ്രവേഷം നടത്തി…….

ചെറിയമ്മ എനിക്ക് അടുത്തായും….. സരസ്വതിയമ്മ എനിക്കെതിരെ ഇരിക്കുന്ന ഗീതൂട്ടിയുടെ അടുത്തായും വന്നിരുന്നു…..

ഞാൻ പതിയെ ചെറിയമ്മയുടെ മടിയിലേക്ക് തലവെച്ചു കിടന്നു……അപ്പുറത്ത് സരസ്വതിയമ്മയുടെ മടിയിൽ ഗീതൂട്ടിയും കിടന്നു……

ഞങ്ങളങ്ങനെ കുറച്ചു നേരം കളിയും ചിരിയുമായി ഇരുന്നു…..സരസ്വതിയമ്മയുടെ മടിയിൽ കിടക്കുമ്പോഴും ഗീതൂട്ടിയുടെ കണ്ണുകൾ പലവുരു എന്നെ തേടിയെത്തി…..

എന്തോ അവളുടെ കണ്ണുകളിൽ അപ്പോഴൊക്കെ കണ്ടത് ഒരു തരം പ്രേമഭാവമായിരുന്നു…..

ലേശം കഴിഞ്ഞപ്പോൾ സരസ്വതിയമ്മ ഗീതൂട്ടിയെ മടിയിൽ നിന്നും എഴുനേൽപ്പിച്ചു….

“അല്ല ഇന്നിപ്പോ അവളും കുട്ട്യോളും വരൂലോ…..നമുക്ക് എന്തേലും ഉണ്ടാക്കണ്ടേ…..”സരസ്വതിയമ്മ ഇളയമ്മ വരുന്ന കാര്യം ചെറിയമ്മയെ ഓർമിപ്പിച്ചു…..