എനിക്കായ് 2 ❤❤ [നൗഫു] 4240

“ഇക്കാ, ഒന്നും പറഞ്ഞില്ല..”

“ആഷി.. നാളെ നീ ക്ലാസ് വിട്ടാൽ കുറച്ചു നേരം എന്റെ കൂടെ വരുമോ.. ഞാൻ അന്നേരം പറയാം..”

“അത് ഞാൻ വരാം ഇക്കാ, പക്ഷെ നിങ്ങളുടെ ഇഷ്ട്ടം ഉള്ളിൽ നിന്ന് വന്നത് തന്നെ ആണെന്ന് എനിക്കിപ്പോ അറിയണം.. അതിനു മറുപടി ലഭിക്കാതെ ഇന്ന് എനിക്കുറങ്ങാൻ സാധിക്കില്ല..നിങ്ങളൊരു ചതിയൻ ആണെന്ന് ഞാൻ ഒരുപാട് പ്രാവശ്യം കേട്ടിട്ടുണ്ട്., (നിങ്ങളറിയാതെ ഞാൻ വിളിച്ചിട്ടുമുണ്ട്)…
നിങ്ങൾ പ്രേമിച്ചു പറ്റിക്കുമെന്ന്.. ഇക്കാക്ക് ഇതും ഒരു നേരം പോക്കാണെങ്കിൽ ഞാൻ വെറുതെ മോഹിക്കണ്ടല്ല.. എന്റെ മനസിന് സങ്കടം താങ്ങാനുള ശേഷി വളരെ കുറവാണ്, ഞാൻ പെട്ടന്ന് കരഞ്ഞു പോകും,,,.. എന്നും പറഞ്ഞു അവിടെ നിന്നും ഒരു തേങ്ങൽ കേട്ടു…

അവൾ വീണ്ടും സംസാരം തുടരുന്നു…

“ഇക്കായെ ഞാൻ ഒരുപാട് സ്നേഹിച്ചു പോയി,.. ആകെ ഒരു വട്ടം മാത്രമേ ഞാൻ നിങ്ങളെ കണ്ടിട്ടുള്ളു അതുമൊരു വീഡിയോ യുടെ ഭാഗത്ത്‌,.. നിങ്ങളെ പ്രണയിക്കണം എന്നുള്ള ഒരു ഉദ്ദേശം വെച്ച് വിളിച്ചതെ അല്ല ഞാൻ.. ഒന്ന് പരിചയപ്പെടാൻ തോന്നി,.. അവർ എനിക്ക് മുന്നറിയിപ്പ് തന്നിട്ട് പോലും ഞാൻ വിളിക്കില്ലന്ന് പറഞ്ഞിട്ടും ഞാൻ വിളിച്ചു.. അതിപ്പോ ഇവിടെ വരെ എത്തി..

ഇക്കാക് എന്നെ ഇഷ്ട്ടമായിട്ടില്ലെങ്കിൽ പറയാം, വെറുതെ എന്നെ മോഹിപ്പിക്കരുത്.. എന്റെ ഉള്ളിലെ വേദന ഈ വീട്ടിലുള്ള ആരും സഹിക്കില്ല.. ഞാൻ കുറച്ചു പൊട്ടി തെറിച്ചത് ആണെന്ന് തോന്നുമെങ്കിലും നിങ്ങൾ ഇന്ന് വന്നു പോയത് മുതൽ എന്റെ ഉള്ളിൽ എന്തോ പേടി പോലെ..”

ഒന്നും വേണ്ടിയിരുന്നില്ല എന്നൊരു തോന്നൽ…

“ഇക്കാ,..”

ഞാൻ ഒന്നും മിണ്ടാതെ ഇരിക്കുന്നത് കണ്ടു അവൾ എന്നെ വിളിച്ചു..

“ആഷി.. നികാഹ് കഴിക്കണമെന്ന ഉദ്ദേശം കൊണ്ട് മാത്രമാണ് ഞാൻ ഈ പ്രാവശ്യം നാട്ടിലേക്കു വന്നത് തന്നെ.. എന്നെ അറിയുന്ന ഒരാൾ എന്നെ ഇഷ്ട്ടപെടുന്ന ഒരാൾ എന്റെ ജീവിതത്തിലേക്കു വരിക എന്ന് പറഞ്ഞാൽ എനിക്ക് അതിനേക്കാൾ വലിയ ഭാഗ്യമില്ല.., കളവ് പറഞ്ഞ് ഉണ്ടാക്കാൻ കഴിയുന്നത് അല്ല സ്നേഹം.. വഞ്ചന കാണിച്ചാൽ അതിൽ പിന്നെ ഞാൻ ഇനി ആണാണെന്ന് പറഞ്ഞിട്ട് എന്ത് കാര്യം..