എനിക്കായ് 2 ❤❤ [നൗഫു] 4183

“സഹിച്ചില്ലെങ്കിൽ പോയി പണി നോക്കാൻ പറ, എനിക്ക് എന്റെ ആഷിയെ മതി..”

“ഹേയ്, അതെല്ല ഇക്കാ നിങ്ങളോട് ഉള്ള ഇഷ്ട്ടം കൊണ്ടെല്ലേ..”

“എന്നെ ഇനി ആരും ഇഷ്ട്ടപെടേണ്ട, അതിനു ഇനി എന്റെ പെണ്ണുണ്ട്..”

“ഏതു പെണ്ണ് ഇക്കാ..”

“അന്റെ അമ്മായിന്റെ മോള്..”

“പോടാ ദുഷ്ട..”

“എന്തെ..”

“എന്റെ അമ്മായിക്ക് പെൺ മക്കൾ ഇല്ലല്ലോ..”

“ഈ പെണ്ണ്.. ഇതിനു വട്ടുണ്ടോ പടച്ചോനെ..”

“എന്താ ഇക്കാ..”

“ഒന്നുമില്ല പൊന്നെ..”

അവളുടെ വീട്ടിലേക് തിരിയുന്ന വഴിയിൽ എന്റെ അളിയൻ കാത്തു നിൽക്കുന്നുണ്ടായിരുന്നു.. സമയം പന്ത്രണ്ടു മണിയായിട്ടുണ്ട്..

“അളിയോ കുറെ നേരം ആയോ ഇവിടെ..”

“ഇല്ല അളിയാ ഞാൻ പത്തു മണിക്ക് വന്നു നിന്നിട്ടെ ഉള്ളു..”

എന്റെ ഉമ്മാ, ഇനി ചോദിച്ചാൽ അളിയന്റെ കയ്യിൽ നിന്നും കല്യാണത്തിന്റെ മുമ്പേ അടി വെടിക്കേണ്ടി വരും,.. അവരോട് യാത്ര പറഞ്ഞു ഞാൻ വീട്ടിലേക് വണ്ടി വിട്ടു..

—{}—{}—{}—{}—{+}—{}—{}—{}—{}—

പിറ്റേന്ന് വെള്ളിയാഴ്ച.. അന്നായിരുന്നു ഞങ്ങളുടെ നിക്കാഹ്..

പള്ളിയിൽ വെച്ചായിരുന്നു നിക്കാഹ്..

നിക്കാഹ് കഴിഞ്ഞു,.. ആറു പവൻ സ്വർണ മാല മഹറായി നൽകി എന്റെ ആഷിയെ ഞാൻ ജീവിതത്തിലേക്കു കൂട്ടി.. മഹർ അണിയിക്കാൻ വേണ്ടി ഞാൻ അവളുടെ വീട്ടിലേക് കൂട്ടുകാരുമായി പുറപ്പെട്ടു..

അവിടെ എല്ലാവരും ഞങ്ങളെ കാത്ത് നിൽക്കുന്നുണ്ട്..

വന്ന ഉടനെ തന്നെ ഞാനും കുറച്ചു കൂട്ടുകാരും വീടിനകത്തേക്ക് കയറി.. പിന്നെ ആഷിയുടെ റൂമിന്റെ ഉള്ളിലേക്ക് കയറി.. അവിടെ ആഷിയും അവളുടെ കുറച്ചു കൂട്ടുകാരികളും ബന്ധുക്കളും ഉണ്ട്..

ഒരു ഗോൾഡൻ കളരിലുള്ള അറേബ്യൻ ലാച്ചയാണ് ആഷി ധരിച്ചിരിക്കുന്നത്.. എന്തെന്നില്ലാത്ത തിളക്കം അവളുടെ മുഖത്തു കാണാനുണ്ട്, എന്റെ കൈ ആദ്യമായി വിറക്കാൻ തുടങ്ങി.. എത്ര അടുത്തിട്ടുണ്ടെന്ന് പറഞ്ഞാലും ആ സമയം ഒരു വിറ വരുമായിരിക്കും..