എനിക്കായ് അവസാന ഭാഗം ❤❤❤ [നൗഫു] 4140

തിരികെ വന്നു ഇറച്ചി വെപ്പ് പന്തലിൽ എത്തിച്ചു കൊടുത്തു.. ഇനി അഷ്‌വയെ വിളിച്ചു വിശേഷം ചോദിക്കാനൊന്നും തോന്നുന്നില്ല.. ഭയങ്കര ക്ഷീണം… ഒന്ന് കിടക്കണം.. വീട്ടിൽ എവിടെയും സ്ഥലമില്ല… ഇന്നലെ കിടന്ന സ്ഥലമടക്കം ഫുള്ളായിട്ടുണ്ട്..

 

ഞങ്ങൾ നാല് പേരും ടെറസ്സിന്റെ മുകളിലേക്കു കയറി അവിടെ കിടന്നു… രണ്ട് ബ്ലാങ്കറ്റ് അടിയിൽ നിന്നും പൊക്കിയിട്ടുണ്ട്.. അതിലേക് പതിയെ ചുരുണ്ടു…

 

കിടന്നു കൊണ്ട് ഫോൺ എടുത്തു നോക്കിയപ്പോൾ അവളുടെ രണ്ട് മെസ്സേജ് വന്നു കിടക്കുന്നുണ്ട്.. ഇക്കാ ഒന്ന് വിളിക്കണേ എപ്പോ വീട്ടിൽ എത്തിയാലും, എനിക്കൊന്ന് സംസാരിക്കാൻ തോന്നുണ്ട്.. മെസ്സേജ് വന്നിട്ട് പത്തു മിനിറ്റോളം ആയിട്ടുള്ളു.. കൂട്ടുകാർ മൂന്നും കിടന്ന ഉടനെ ഉറക്കത്തിലേക് മറഞ്ഞിട്ടുണ്ട്… ഞാൻ ഫോണെടുത്തു അവളെ വിളിച്ചു..

 

“ഇക്കാ…”

 

“മുത്തേ ഉറങ്ങീലെ…”

 

“ഇല്ല ഇക്കാ… ഇന്ന് ഉറക്കം വന്നില്ല.”

 

“അതെന്താ…”

 

“നാളത്തെ ഓരോന്ന് ആലോചിച്ചു ഉറങ്ങാൻ പറ്റണ്ടേ..”

 

“നീ എന്നെ കെട്ടി പിടിച്ചു കിടന്നോ.. ഇതാ ഈ കയ്യിലേക്ക് കയറി കിടക്ക്…”

 

“ഞാൻ എന്റെ കയ്യ് നീട്ടി വെച്ചത് പോലെ അവളോട് പറഞ്ഞു…”

 

“എന്നാൽ ഞാൻ ഇപ്പൊ വരാമേ.. കുറച്ചു വെള്ളം കുടിക്കട്ടെ നല്ല ദാഹം…”

 

❤❤❤

 

 

സമയം നാല് മണി, എന്നെ ആരെക്കെയോ ചേർന്ന് വിളിക്കുന്നുണ്ട്… ഉരുട്ടി ഉരുട്ടി വിളിക്കുന്നു….

 

“നൗഫു, ടാ നൗഫു…”

 

ഞാൻ ഒരു ഞെട്ടലോടെ എഴുന്നേറ്റു.. ഒന്നും മനസിലാകാതെ ഞാനൊന്നു ചുറ്റിലും നോക്കി.. അവിടെ എന്റെ കൂട്ടുകാർ നല്ല ഉറക്കത്തിലാണ്..

 

ഉപ്പയാണ് വിളിച്ചത്..

 

“എടാ… അഷ്‌വയുടെ വീട്ടിൽ നിന്നും വിളിച്ചിരുന്നു… അവളുടെ ഉപ്പാക് സുഖമില്ല, കുറച്ചു സീരിയസ് ആണ്.. നമുക്ക് ഉടനെ അവരുടെ വീട്ടിലേക് ഒന്ന് പോകണം..”