എനിക്കായ് അവസാന ഭാഗം ❤❤❤ [നൗഫു] 4086

ഇനി അടുത്തുള്ള അഥിതികൾ വരുന്ന സമയമാണ്.. അവർക്കുള്ള ഭക്ഷണം തയ്യാറയിട്ടുണ്ട്.. നെയ്ച്ചോറും കോഴിയുമാണ്…

വളരെ പെട്ടന്ന് തന്നെ ഞാൻ തിരക്കുകളിലേക് എടുത്തേറിയപ്പെട്ടു.. മുന്നിൽ നിന്നും ഇടം വലം മാറാതെ നിൽക്കേണ്ടി വന്നു… അതിഥികളെ സ്വീകരിക്കാൻ ഞാൻ തന്നെ വേണമെന്ന്.. എന്താ ചെയ്യ, ഏഴു മണിക്ക് തുടങ്ങിയ നിർത്തം പത്തു മണിയോട് അടുത്തപ്പോഴാണ് ഒന്ന് നിർത്തിയത്,. രണ്ട് വറ്റു തിന്നാൻ ആ സമയമായി… കൂട്ടുകാർ ചെറിയ ഒരു സെറ്റപ് ചെയ്തു പാട്ടു പാടുന്നുണ്ട്… ഡാൻസും.. ആകെ ഒരു കളർ ഫുള്ളായിട്ടുണ്ട്..

അഷ്‌വയുടെ വീട്ടിലെ വിവരം എന്താണാവോ.. ഒന്ന് വിളിച്ചു നോക്കിയാലോ.. അല്ലേൽ വേണ്ട.. ഫോൺ ആരുടെ എങ്കിലും കയ്യിൽ ആണെങ്കിൽ അവളെ കളിയാക്കി ചിരിക്കാൻ അത് മതിയാകും.. ഇന്നവിടെ ഒപ്പനയും മറ്റുമുണ്ട്.. എല്ലാം അവളുടെ ഇക്കാക്കമാരുടെ പരിപാടി ആണ്…

ഒപ്പന ഉണ്ടെങ്കിൽ എന്റെ മണവാട്ടി ആയി വരുന്നവൾ, ഇപ്പോൾ അവരുടെ നടുവിൽ ആ കൈ കൊട്ടുന്നതിന്റെ ഇടയിൽ നാണത്തോടെ ഇരിക്കുന്നുണ്ടാവും… കൈകളിൽ മൈലാഞ്ചി അണിഞ്ഞിട്ടുണ്ടാവുമോ,..

എന്തെല്ലാമാണ് ഞാൻ ചിന്തിച്ചു കൂട്ടുന്നത്…

അതൊന്നും അല്ലട്ടോ, ഈ മൈലാഞ്ചി അണിയൽ എനിക്ക് വല്യ താല്പര്യം ഇല്ലാത്ത വിഷയമാണ്.. അത് ഞാൻ അവളോട്‌ പറഞ്ഞിട്ടുണ്ട്.. എനിക്ക് എന്റെ കണ്ണിൽ എല്ലാം സാധാപോലെ കാണുന്നതാണ് ഇഷ്ട്ടം…

പന്ത്രണ്ട് മണി സമയം അവൾ വിളിച്ചെങ്കിലും, ഞാൻ ആ സമയം ഫറോക്കിൽ ആയിരുന്നു..

കൂടെ മൂന്നു ചങ്കുകളും ഉണ്ട്… അവിടെ ഉള്ള ഇക്കയുടെ കടയിൽ ചുക്കാപ്പിയും ഓംലെറ്റും അടിക്കാൻ പോയതാണ്… അവരുടെ ഓരോ വട്ട്, ആ വട്ടിന്റെ കൂടെ നിന്നില്ലെങ്കിൽ നാളെ എന്റെ കാര്യം കട്ടപൊകയാണ്…

നാളെ രാത്രിയിൽ ഊട്ടി ട്രിപ്പ്‌ പ്ലാൻ ചെയ്യുന്നുണ്ട് തെണ്ടികൾ.. ഞാൻ ആണ് വണ്ടി ഓടിക്കേണ്ടവൻ.. എങ്ങനെ ഉണ്ട്.. നല്ല ചങ്കുകൾ അല്ലെ…!!