എനിക്കായ് അവസാന ഭാഗം ❤❤❤ [നൗഫു] 4140

ഞാൻ എന്റെ ഫോൺ എടുത്തു അഷ്‌വയുടെ ഫോണിലേക്കു വിളിച്ചു.. രണ്ട് ബെല്ലിന്റെ ഉള്ളിൽ തന്നെ അവൾ ഫോണെടുത്തു…

 

“മുത്തേ നിനക്ക് ഉറക്കമൊന്നും ഇല്ലേ…”

 

“ഞാൻ ഉറങ്ങിയതാണ് ഇക്കാ.. ഇപ്പോ ഒരൊറ്റ സെക്കൻഡ് മുന്നേ എഴുന്നേറ്റെ ഉള്ളൂ.. ഇക്കാക് വിളിക്കാൻ തുടങ്ങുകയായിരുന്നു…അപ്പോഴാണ് നിങ്ങൾ ഇങ്ങോട്ട് വിളിച്ചത്…”

 

“നിനക്കെന്തെ ഉറക്കം വരുന്നില്ലേ…”

 

“ഹേയ് ഞാൻ സുഖമായിട്ട് ഉറങ്ങി…”

 

“ഹ്മ്മ്, എന്നാലേ അത് നാളെയും കൂടിയേ ഉണ്ടാവൂ ”

 

“ആ, തന്നെ… എന്റെ ഉറക്കം കളഞ്ഞാൽ ഞാൻ ഇങ്ങളെ കട്ടിലിൽ നിന്നും ചവിട്ടി താഴെ ഇടും..”

 

“എന്റെ അഷ്‌വ.. എന്തൊക്കെയാണ് നീ പറയുന്നത്… ഇന്നലെ വരെ രാത്രി കഴിയുന്നത് വരെ സംസാരിച്ചു ഇരുന്നവളല്ലെ നീ..”

 

“അതൊക്കെ അറിയാമെല്ലെ പിന്നെ എന്തിനാ എന്നോട് അങ്ങനെ പറഞ്ഞത്..”

 

“ഞാൻ നിന്നോട് കളിയായി പറഞ്ഞതെല്ലേ പെണ്ണെ…”

 

“ഞാനും അങ്ങനെ തന്നെ ഇക്കയോട് കളിയായി പറഞ്ഞതാ..”

 

“എന്റെ റബ്ബേ ഈ അര പിരാന്തന് കിട്ടിയത് മുഴു പിരാന്ത് ഉള്ളവളെ ആണല്ലോ…”

 

“ഇക്കാ…”

 

“ഹ്മ്മ്…”

 

“എന്നെ കെട്ടി കഴിഞ്ഞാൽ ഇങ്ങള് സൗദിയിലേക്കു കൊണ്ട് പോകുമോ…”

 

“കൊണ്ട് പോകാം.. ഞാൻ അവിടെ എത്തി ഒരു മാസം കൊണ്ട് തന്നെ എന്റെ പെണ്ണിനേയും കൊണ്ട് വരും… പോരെ…”

 

“മതി,, എനിക്ക് ഇക്കയുടെ കൂടെ ജീവിച്ചാൽ മതി.. അത് അവിടെ ആണെങ്കിലും ഇവിടെ ആണെങ്കിലും.. സ്വന്തമായി ഒന്നുമില്ലെകിൽ പോലും എന്റെ കൂടെ ഉണ്ടായിരിക്കണം…”