എനിക്കായ് അവസാന ഭാഗം ❤❤❤ [നൗഫു] 4086

പൊതുവെ ചുവന്നു തുടത്ത മുഖം ഒന്നും കൂടെ ശോഭയാർജിച്ചു…

ഞാൻ അവളുടെ അടുത്ത് തന്നെ ഇരിക്കുന്നത് കൊണ്ട് അവളുടെ പ്ളേറ്റിലേക് രണ്ട് പത്തിരി ഇട്ട് കൊടുത്തു…എന്നിട്ട് അവളുടെ ഇക്കാക്കമാരോട് പറഞ്ഞു.. കുഞ്ഞി പെങ്ങൾ ചൂടിലാണ്, ഞാൻ ഇപ്പൊ ഇവിടെ നിന്നും ഇറങ്ങും,.. അത് കഴിഞ്ഞാൽ പിന്നെ നിങ്ങളുടെ കാര്യം… എന്നും പറഞ്ഞ് ഞാൻ ചെറുതായ് പുഞ്ചിരിച്ചു…

അവളുടെ രണ്ടാമത്തെ ഇക്കാക്ക എന്റെ ചെവിയിൽ വന്നു പറഞ്ഞു.. അളിയാ.. നമുക്ക് രണ്ട് ദിവസമേ ഉള്ളൂ.. ബാക്കിയുള്ള ദിവസങ്ങൾ ആലോചിച്ചിട്ട്… ഹോ,.. അളിയന്റെ കാര്യം കട്ടപ്പൊക… എന്നും പറഞ്ഞു രണ്ടു പേരും പൊട്ടി ചിരിച്ചു…

ഞാൻ എന്നോ അവരുടെ കുടുംബംഗമായ പോലെ അവരെന്നെ ചേർത്തു നിർത്തിയിരിക്കുന്നു…

പെട്ടന്ന് എന്റെ തുടയിൽ ശക്തമായ ഒരു നുള്ള് കിട്ടി.. ആളെ മനസ്സിലായി, ഞാൻ അങ്ങോട്ട്‌ ചെരിഞ്ഞു നോക്കിയപ്പോൾ പല്ല് കടിച്ചു പിടിച്ചു മുഖം കുറച്ചു കൂർപ്പിച്ചു കൊണ്ട് എന്നെ നോക്കി നിൽക്കുന്നു…

ഞാൻ എന്റെ ഇടത്തെ കൈ കൊണ്ട് അവളുടെ തുടയിൽ പതിയെ തടവി കൊണ്ട് അവളുടെ അന്നേരമുള്ള ദേഷ്യം കുറച്ചു കുറച്ചു…

അവിടെയുള്ള അവളുടെ ബന്ധുക്കൾ മുഴുവൻ എന്നെ വന്നു പരിചയപ്പെട്ടു അതിനിടയിൽ അവളുടെ കൂടെ ഒരുപാട് ഫോട്ടോയും എടുത്തു… പെട്ടന്ന് പ്രതീക്ഷിക്കാത്ത ഒരു അഥിതി അങ്ങോട്ട്‌ കയറി വന്നു…

മാറ്റാരുമല്ല ഷാന… അവളുടെ കൂടെ ഭർത്താവും ഒരു കുഞ്ഞുമുണ്ട്.. അവൾ കയറി വന്ന ഉടനെ അഷ്‌വയെ കെട്ടിപിടിച്ചു… അവർ തമ്മിൽ എന്താക്കെയോ സ്വകാര്യം പറയുന്നുണ്ട്…

ഷാനയുടെ ഭർത്താവ്, ഫിറോസ് വന്നു എന്റെ കയ്യിൽ പിടിച്ചു കൊണ്ട് സലാം പറഞ്ഞു…

“നൗഫു, അറിയുമോ…”