എനിക്കായ് അവസാന ഭാഗം ❤❤❤ [നൗഫു] 4086

ഓർമക്കളെ നിങ്ങൾ പെട്ടന്ന് മരണപെട്ടു പോയെങ്കിൽ… ഇന്നെന്റെ ജീവിതത്തിൽ നിന്നും ഇറങ്ങി തന്നിരുന്നെങ്കിൽ…

വേണ്ട, ഒരിക്കലും വേണ്ട… എന്റെ അഷ്‌വ.., അവളുടെ ഓർമയിൽ എനിക്ക് ജീവിക്കണം.. എന്നെയും കാത്ത് ഈ ലോകത്തിന്റെ ഏതോ ഒരു കോണിൽ നിറ പുഞ്ചിരിയോടെ നിൽക്കുന്ന എന്റെ പെണ്ണിന്റെ അരികിലേക് ഒഴുകി എത്തണം… അവളോട്‌ ഒപ്പം ജീവിക്കാമെന്ന് കൊടുത്ത വാക്കു പാലിക്കണം.. ഇടക്ക് ഓരോ നിമിഷത്തിലും ഈ ജീവിതം കളഞ്ഞിട്ട് അവളുടെ അടുത്തേക് ഓടിയെത്താൻ ഞാൻ ഒരുപാട് കൊതിക്കുന്നുണ്ട്.. പക്ഷെ അതൊരു പാപമാണെന്നുള്ള ചിന്ത എന്നെ അതിൽ നിന്നും പിറകിലേക് വലിക്കുന്നു…

എല്ലാം കഴിഞ്ഞിട്ട് ഇപ്പോൾ എട്ടു കൊല്ലം കഴിഞ്ഞിരിക്കുന്നു… ഇന്നലെയും അവൾ എന്റെ ഓർമ്മയിലേക് കയറി വന്നു… ഇനി നാളെയും എന്റെ പെണ്ണായ് നീ എന്റെ അരികിൽ തന്നെ ഉണ്ടാവുമെന്ന പ്രതീക്ഷ…

❤❤❤

ജന്നത് (സ്വർഗം) എന്നു പേരുള്ള അഷ്‌വയുടെ വീട്ടിലേക് കയറുന്നത് വരെ എന്റെ മനസ്സിൽ ഒരിക്കൽ പോലും കയറി വരാത്ത ചിന്ത…അതുവരെയും ഞാൻ ഒരു നിമിഷം പോലും ചിന്തിക്കാത്ത കാര്യം നടന്നു കഴിഞ്ഞിരുന്നു.. എന്നെ അവിടെ കാത്തിരിക്കുന്നത് പ്രിയപ്പെട്ടവളുടെ ജീവൻ നഷ്ടപെട്ട ശരീരമായിരുന്നു…

വെട്ടുകല്ല് പാകിയ ആ മുറ്റത്ത് ഒരു കോണിൽ തളർന്നിരിക്കുന്ന അവളുടെ ഉപ്പയെ കണ്ടപ്പോൾ ഒരു തരം ഭയം എന്റെ മനസിലേക്കിരച്ചു കയറി.. ഉപ്പയുടെ മുഖത്തേക്ക് നോക്കിയ എനിക്ക് മനസ്സിലായി പോയത് എനിക്ക് ഏറ്റവും പ്രിയപ്പെട്ടവളാണെന്ന്…

ഇന്നലെ രാത്രിയിൽ ഒപ്പനയുടെയും മാപ്പിളപ്പാട്ടിന്റെയും ശീലുകൾ കൊണ്ട് മുഖരിതമായ വീട്ടിൽ ഇന്ന് ഓരു പൂച്ച കുഞ്ഞിന്റെ ശബ്‌ദം പോലും കേൾക്കുന്നില്ല… മോളെ മോളെന്നുള്ള വിളിയല്ലാതെ…