എനിക്കായ് അവസാന ഭാഗം ❤❤❤ [നൗഫു] 4140

ഞാൻ എന്റെ കൂട്ടുകാരൻ ജാഫറിനെ വിളിച്ചുണർത്തി,.. ബാക്കി രണ്ട് പേരും നല്ല ഉറക്കത്തിലാണ്.. അള്ളാഹ്… എന്റെ അഷ്‌വയുടെ ഉപ്പയെ നീ കാത്തോളണേ… എന്റെ ഉള്ളിലേക്കു ഒരു പ്രാർത്ഥന വന്നു നിറഞ്ഞു…

ഞാനും കൂട്ടുകാരനും ഒരു ബൈക്കിലും ബാക്കി ഉള്ള എന്റെ വീട്ടുകാർ ഒരു കാറിലുമായി അവളുടെ വീട്ടിലേക് പുറപ്പെട്ടു.. എന്റെ മനസെന്തോ അകാരണമായി ഭയപ്പെടാൻ തുടങ്ങിയിരുന്നു..

❤❤❤

ഛെ, ഞാൻ രാത്രിയിൽ എപ്പോഴാ ഫോൺ വെച്ചത്… അവൾ അടുക്കളയിൽ പോയി വരട്ടെ എന്ന് പറഞ്ഞിട്ട് പിന്നെ ഒന്നും കേട്ടില്ലേ റബ്ബേ…

എന്റെ അഷ്‌വാ.. അവൾക് ആ വീട്ടിൽ ഏറ്റവും ഇഷ്ടം ഉപ്പയെയാണ്.. അവൾ എങ്ങനെ സഹിക്കും റഹ്മാനെ.. എന്തിനാണ് ഇന്ന് തന്നെ നീ ഒരു പരീക്ഷണം ഞങ്ങളിലേക് ഇറക്കി…ആപത്തൊന്നും സംഭവിക്കല്ലേ റഹമാനെ.. എന്റെ മനസ്സപ്പോഴും അശാന്തമായിരുന്നു..

❤❤❤

അവളുടെ വീട്ടിലേക് അടുക്കും തോറും മനസിന്റെ ഉള്ളിൽ എന്റെ അഷ്‌വാ യുടെ കരഞ്ഞു തളർന്ന മുഖമായിരുന്നു.., എങ്ങനെ ഞാൻ അവളെ ഒന്ന് സമാധാനിപ്പിക്കും… എന്ത് പറഞ്ഞു ഞാൻ ആശ്വസിപ്പിക്കും…

അവളെ മാത്രമല്ല എന്നെയും സമാധാനിപ്പിക്കണം, ഞാനും കുറച്ചു ദിവസം കൊണ്ട് ആ ഉപ്പയെ എന്റെ സ്വന്തം ഉപ്പയെ പോലെ കണ്ടു പോയിരുന്നു… എനിക്ക് കരുത്തു തരണേ അള്ളാ…

ഉപ്പയെ ആദ്യം കണ്ട ദിവസം എന്റെ ഓർമയിലേക് കയറി വന്നു… ഉള്ളിന്റെ ഉള്ളിൽ നിന്നും എന്തോ ഒരു സങ്കടം നിറഞ്ഞു പൊന്തി വരുന്നു… ഇടക്കിടെ അത് എന്റെ മനസ്സിനെ ചുട്ടു പൊളിക്കുന്നത് പോലെ…എന്റെ ധൈര്യം പതുക്കെ ചോർന്നു പോകുന്ന പോലെ..

❤❤❤