ഉണ്ടകണ്ണി 10 [കിരൺ കുമാർ] 385

 

അവൻ പുത്തൻ വണ്ടിയിലുള്ള  അവരുടെ വരവ് കണ്ടു അത്ഭുതതോടെ ചോദിച്ചു

 

“എടാ ഇവളുടെ പണിയ ഞാൻ ഒന്നും അറിഞ്ഞില്ല ”

 

“ങേ ഇവൾ വാങ്ങി തന്നോ ”

 

“എന്തേ എനിക്ക് വാങ്ങി കൊടുത്തൂടെ ”

അക്ഷര വണ്ടിയിൽ നിന്ന് ഇറങ്ങി ചോദിച്ചു

 

“പിന്നെ നീ വാങ്ങി കൊടുത്തോ എന്റെ ദൈവമേ നമുക്കൊന്നും ഇതുപോലുള്ള കാമുകിയെ കിട്ടില്ലലോ ”  ജെറി മുകളിലേക്ക് നോക്കി പറഞ്ഞു

 

“ഡെയ് ഡെയ് ഓവർ സീനിറക്കാതെ വാ ക്ലാസ്സിൽ പോവാം ”

 

“സീൻ ഒന്നും ഇല്ല എന്തായാലും നീ കുറെ നാൾക്ക് ശേഷം കോളേജിൽ വരുവ പിന്നെ വണ്ടിയും എടുത്ത് അപ്പോ ഇന്ന് ഉച്ചക്ക് നിന്റെ ചിലവാണ് മോനെ ”

ജെറിയുടെ പറച്ചിൽ കേട്ട് കിരൺ ന്റെ മുഖം മാറി , അത്  അക്ഷര ശ്രദ്ധിച്ചു

 

“നിനക്ക് എന്ത് വേണേലും ഞാൻവാങ്ങി തരും ഉച്ചക്ക് ക്യാന്റീനിൽ കൂടാം നമുക്ക് ”

അവൾ കേറി പറഞ്ഞു

 

കിരൺ അവളുടെ മുഖത്തേക്ക് നോക്കിയപ്പോൾ അവൾ കണ്ണടച്ചു കാണിച്ചു

 

കിരൺ വേഗം ജെറിയുടെ തോളത്ത് കൈ ഇട്ട് നടന്നു  കൂടെ അക്ഷരയും

 

അവരുടെ ആ വരവ് ക്ളാസിൽ ഇരുന്ന് ഐശ്വര്യ രൂക്ഷമായി നോക്കുന്നുണ്ടായിരുന്നു

………………………………………………………………..

 

രാജശേഖരന്റെ വീട്

പ്രതാപനും രാജശേഖരനും അവിടെ ഉണ്ട് അവർ രണ്ടും ആരെയോ പ്രതീക്ഷിച്ചിരിക്കുവാണ്

കുറച്ചു സമയം കഴിഞ്ഞപ്പോൾ ഹരിയുടെ ബുള്ളറ്റ് ആ വീട്ടു മുറ്റത്തേക്ക് വന്നു നിന്നു ., ശേഖറാണ് വണ്ടി ഓടിച്ചിരുന്നത് അവന്റെ  പുറകിൽ നിന്നും ഹരി ഇറങ്ങി അകത്തേക്ക് കയറി

 

“എങ്ങനെ ഉണ്ടെടാ ” അവനെ കണ്ടതും രാജശേഖരൻ ചോദിച്ചു

“ആ ഇപോ കുഴപ്പം ഇല്ല പ്ലാസ്റ്റർ അഴിച്ചതിന്റെ ഒരു പിടുത്തം ഉണ്ട് അതേ ഉള്ളൂ ”

“മോനെ കാൽ സൂക്ഷിക്കണം നീ കുറച്ചു നാൾ കൂടെ ”

പ്രതാപനാണ് അത് പറഞ്ഞത്

ഹരി ഒന്ന് ചിരിച്ചു കാണിച്ചു