അറിയാതെപോയത് 2 [Ammu] 135

അമ്മ അവളെ വിളിക്കുന്ന ശബ്ദം ഫോണിലുടെ കേഴ്ക്കുമ്പോൾ ഞാൻ ഓർത്തത് വിദേശത്തേക്കുള്ള എൻ്റെ പോക്ക് വേണ്ടാന്ന് പറഞ്ഞ് കരയുന്ന ആ പാവാടാക്കാരിയെ ആയിരുന്നു. എത്ര പെട്ടെന്നാണ് വർഷങ്ങൾ ഓടിപ്പോയത്.

ഏട്ടാ,
എന്തടി കാന്താരി
നല്ല ആളാട്ടോ ഇന്നലെ വിളിക്കാന്ന് പറഞ്ഞിട്ട് ഇപ്പഴാ വിളിക്കണേ?

എൻ്റെ പൊന്നുട്ടി സോറി ടി
ഏട്ടൻ കുറച്ച് തിരക്കിലായിപ്പോയി. അതൊക്കെ കഴിഞ്ഞ് വന്നപ്പോഴേക്കും ഒത്തിരി വൈകിപ്പോയി

ഏട്ടാ,
എന്തേ ടാ?

ഇനിയെങ്കിലും തിരിച്ച് വന്നൂടെ ? ഏട്ടൻ ആഗ്രഹിച്ച പോലെ ഇന്ന് നമ്മൾ നല്ലൊരു നിലയിൽ എത്തിയില്ലേ,
അവളുടെ ശബ്ദം മാറിയതും അവൾ കരയാണെന്ന് മനസിലായി.

അതേ ഏട്ടൻ്റെ മോള് ഇനിയും ഇങ്ങനെ കരയണ്ട, ഏട്ടൻ അടുത്ത് തന്നെ തിരിച്ച് വരും, പിന്നെ എന്നും നിങ്ങടെ കൂടെ തന്നെ ഉണ്ടാക്കും.

ഏട്ടാ, ഏട്ടൻ സത്യമാണോ പറയണേ?

അതെ ടി, തിരിച്ച് പോരണമെന്ന് ആലോചിച്ചിട്ട് തന്നെയാ ഇരുന്നത്, പിന്നെ ഇപ്പോ അമ്മ ഒരു കാര്യം പറഞ്ഞപ്പോൾ അതങ്ങട്ട് ഉറപ്പിച്ചു.

നിനക്ക് ഹരിയെ കുറിച്ച് എന്താ അഭിപ്രായം?

ഏത് ഹരി?
“നമ്മടെ മാഷിൻ്റെ മോൻ ”

ആര് ഹരി ചേട്ടനോ?
മ്
”ആ ആളെക്കുറിച്ച് എന്ത് പറയാനാ, നമ്മടെ നാട്ടിൽ അലമ്പില്ലാത്തവരുടെ ലിസ്റ്റ് എടുത്താൽ ആ കൂട്ടത്തിൽ ആ ചേട്ടനും ഉണ്ടാകും.
മാഷിൻ്റെ തനി പകർപ്പ് ”

അല്ല ചേട്ടനെന്തിനാ ഹരി ചേട്ടനെക്കുറിച്ച് ചോദിക്കണേ?

നിനക്ക് ഹരിയെ വിവാഹം കഴിക്കാൻ ഇഷ്ടമാണോ?
ഏട്ടാ, ഏട്ടനെന്തായി പറയണേ?

“മാഷ് ഇന്ന് വീട്ടിൽ വന്ന് നിന്നെ ഹരിയ്ക്ക് തന്നൂടേന്ന് ചോദിച്ചു. ഹരിയെ കുറിച്ച് എന്നിക്ക് നന്നായറിയാം അവൻ നിന്നെ പൊന്നുപോലെ നോക്കും, പക്ഷേ ഏട്ടന് നിൻ്റെ ഇഷ്ടമാണ് അറിയേണ്ടത്

നിനക്ക് സമ്മതമാണെങ്കിൽ അവരോട് വരാൻ പറയാം.”