അറിയാതെപോയത് 2 [Ammu] 135

സമ്പാദിക്കണം അമ്മയെയും അനിയത്തിയെയും നല്ല രീതിയിൽ നോക്കണം”
അതിനായി ജോലിക്ക് വേണ്ടി തിരഞ്ഞ് നടക്കുമ്പോഴാണ് കൂട്ടുകാരൻ വഴി വിദേശത്ത് ജോലി ശരിയാകുന്നത്. വിട്ടിൽ സമ്മതിക്കാതെ ഇരുന്നിട്ടും അവരെ പറഞ്ഞ് മനസിലാക്കി ഞാൻ പോയി ”

എല്ലാ സാധാരണകാരനെയും പോലെ തൻ്റെ സ്വപ്നങ്ങളും ഏന്തി ഞാനാ വിദേശമണ്ണിൽ കാല് കുത്തി.

എയർപോർട്ടിന് പുറത്ത് ഇറങ്ങിയതും

“ടാ ദേവാ ” എന്ന് വിളിച്ച് അവൻ ഓടി വരുന്നുണ്ടായിരുന്നു.

ആകാശ്
അവൻ കാരണമാണ് എനിക്ക് ഇവിടെ ജോലി ശരിയായത്, അതും അവൻ്റെ കൂടെ തന്നെ.

“ഉണ്ണി “യെന്ന് വിളിച്ച് ഞാനവനെ കെട്ടിപിടിച്ചു. കുറച്ച് നേരം അങ്ങനെ തന്നെ നിന്നു.

“കൂട്ടുകാരുടെ സ്നേഹപ്രകടനം കഴിഞ്ഞെങ്കിൽ പോകാമായിരുന്നു”

പെട്ടെന്ന് ഒരു പെണ്ണിൻ്റെ ശബ്ദം കേട്ടത് കൊണ്ട് ഞാൻ തിരിഞ്ഞ് നോക്കി .
എന്നെയും ഉണ്ണിയെയും നോക്കിയാണ് അവൾ പറയുന്നത്.

“ഉണ്ണി ആരാടാ ഇത് ?”
ഇതാണ് ” നയന ”
– ആളും നമ്മുടെ കൂടെ തന്നെയുള്ളതാണ്.

അതേ പരിചയപ്പെടുത്തൽ ഒക്കേ പോകുന്ന വഴിയും ആകാം. രണ്ടും കൂടെ വരാൻ നോക്ക്.
ഫ്ലാറ്റിലേക്ക് പോകും വഴി ഞങ്ങൾ പരിചയപ്പെട്ടു.

ഉണ്ണിയും നയനയും അടുത്തടുത്ത ഫ്ലാറ്റുകളിൽ ആണ് താമസിക്കുന്നതെന് അവൻ പറഞ്ഞു.
ഫ്ലാറ്റിൽ എത്തിയതും, നയന നാളെ കാണാമെന്ന് പറഞ്ഞ് അവളുടെ റൂമിലേക്ക് പോയി.

“ദേവാ, നീ പോയി കുളിച്ചിട്ട് വാ ഞാൻ ഇപ്പോൾ തന്നെ വരാം”

ശരി ടാ
കുളിയെല്ലാം കഴിഞ്ഞ് പുറത്ത് വന്നപ്പോഴേക്കും ഉണ്ണി തിരിച്ച് വന്നിരുന്നു. അവൻ ഫുഡ് വാങ്ങാൻ പോയതായിരുന്നു.

“ആ ആശാൻ്റേ കുളി കഴിഞ്ഞോ? ദേ നല്ല സൂപ്പർ ചിക്കൻ കറിയും ചപ്പാത്തിയുമുണ്ട്, നി വന്ന് കഴിക്കാൻ നോക്ക് ”

നീ ഫുഡ് പുറത്ത് നിന്നാണോ എന്നും വാങ്ങുന്നത്?
എന്നും അല്ല ടാ , ഇന്ന് നീ വരുന്നത് കൊണ്ട് ഒന്നും ഉണ്ടാക്കാൻ നിന്നില്ല.

പിന്നെ ചിരിച്ച് കൊണ്ട് ഇങ്ങനെ പറഞ്ഞു
” ആദ്യ ദിവസമായി നിന്നെ എൻ്റെ പരിക്ഷണങ്ങൾക്ക് വിധേയമാക്കരുതല്ലോ “