അപൂർവരാഗം II [രാഗേന്ദു] 858

ഇടക്ക് സൂര്യയുടെ അമ്മ വരും ഫ്‌ളാറ്റിൽ.. അവന്റെ അമ്മ എനിക്ക് സ്വന്തം അമ്മെയെ പോലെ തോന്നി.. അത്രയ്ക്ക് സ്നേഹം ആണ്. ഒരു പാവം..

ഇടക്ക് സൂര്യ അവന്റെ വീട്ടിൽ എന്നെ കൊണ്ടുപോയി.. കൊട്ടാരം സമാനമായ വീട് ആണ് അവന്റെ..അവന്റ അച്ഛൻ വലിയ ബിസിനസ് മാൻ എന്തോ ആണ്.. പക്ഷെ അവന്റെ പെരുമാറ്റത്തിൽ അതിന്റെ ഒരു അഹങ്കാരവും എനിക് കാണാൻ സാധിച്ചട്ടില്ല..
ഇടക്ക് അവൻ എന്റെ ഷർട്ട് വരെ എടുത്ത് ഇട്ടുകൊണ്ട് പോവാറുണ്ട്..

നീതയുടെ വീട്ടിലും ഒരു ദിവസം എന്നെ കൊണ്ടുപോയി.. അവളുടെ അമ്മയുടെ നിർബന്ധത്തെ തുടർന്ന് ആയിരുന്നു.. അവളുടെ അമ്മയും അച്ഛനും എന്നോട് നന്നായി പെരുമാറി.. ആദ്യം കുറച്ചു അപരിചിത്വം ഫീൽ ചെയ്തു എങ്കിലും അവളുടെ അമ്മയുടെയും അച്ഛന്റെയും പെരുമാറ്റം കൊണ്ട് അത് ഇല്ലാതെ ആയി..

നീത.. അവളെ കാണുമ്പോൾ എന്നിലെ മാറ്റം ഞാൻ ആസ്വദിക്കുക ആയിരുന്നു. പറഞ്ഞറിയിക്കാൻ പറ്റാത്ത ഒരു ഫീൽ ആണ് പെണ്ണിനെ കാണുമ്പോൾ.. അവൾ അടുത്തു വരുമ്പോൾ..

ഇടക്ക് അവൾ ഫ്ലാറ്റിൽ വരും.. എന്റെ കയ്യിൽ നിന്നും എന്തെങ്കിലും ഉണ്ടാക്കി കഴിക്കാൻ ആണ് വരവ്. കൂടെ അവൾക്ക് ഞാൻ പഠിപ്പിച്ചും കൊടുക്കാറുണ്ട്.. ചായ ഇടാൻ പോലും അറിയില്ല.. കളിയാക്കുമ്പോൾ പറയുന്നതോ നിന്നെ പോലെ നല്ല ഫുഡ് ഉണ്ടാകുന്ന ചെക്കനെ കെട്ടും എന്ന്.. അത് കേൾക്കുമ്പോൾ എന്തോക്കെയോ തോന്നും.. മനസിൽ ഒരു കുളിർമ.

അവളെ ഞാൻ നോക്കുന്നതും ശ്രദ്ധിക്കുന്നതും ഒക്കെ സൂര്യ കാണാറുണ്ട്.. പക്ഷേ അവൻ എന്റെ അടുത്ത് ഒന്നും ചോദിച്ചട്ടില്ല ഇതുവരെ. ചിലപ്പോൾ ഞാൻ ആയിട്ട് പറയട്ടെ എന്ന് കരുതി ആവും..

****