അപൂർവരാഗം I [രാഗേന്ദു] 698

സംസാരിച്ച് പരിഹാരം കാണണം.ഇനിയും എന്റെ വീട്ടുകാർ ഞാൻ കാരണം വിഷമിക്കാൻ പാടില്ല. ഞാൻ ഹെൽമറ്റ് വച്ചു വണ്ടി മുൻപോട്ട് എടുത്തു.

ഇത്രേം ദൂരം വണ്ടി ഓടിച്ചതിന്റെ ക്ഷീണം ഉണ്ടായിരുന്നു. പിന്നെ മുഷിഞ്ഞ വേഷവും. ഒന്ന് ഫ്രഷ് ആവണം എന്നു തോന്നി.

വഴിയിൽ ഒരു കടയിൽ നിന്നും മാറാൻ ഒരു ഷർട്ടും പാന്റും വാങ്ങി.. ഹോട്ടലിൽ റൂം എടുത്തു ഒന്ന് കുളിച്ചു ഫ്രഷ് ആയി..നല്ല ക്ഷീണം തോന്നി കിടന്നു എങ്കിലും ഉറക്കം വന്നില്ല..കണ്ണടക്കുമ്പോൾ ആ നശൂലത്തിന്റെ മുഖം ആണ് മനസിൽ വരുന്നത്. ശവം.!

അവൾ എന്തിനു ഇങ്ങനെ ചെയ്യുന്നു എന്ന് മനസിലാവുന്നില്ല.. അവളുടെ അടുത്ത എത്തി അവളോട് തന്നെ ചോദിക്കണം എന്നു മനസ് തിടുക്കം കൂട്ടി.. ഞാൻ വേഗം എണീറ്റ് ഡ്രസ് മാറി മുറി വെക്കേറ്റ് ചെയ്‌തു. അവളെ കണ്ട് ഇന്ന് തന്നെ വീട്ടിലേക്ക് മടങ്ങണം എന്ന് ചിന്തിച്ചു..

അവിടെ നിന്നും ഇറങ്ങി ആ അഡ്രസ്സിലേക്ക് യാത്ര തിരിച്ചു.. നേരം ഇരുട്ടിരുന്നു.. വഴിയിൽ സ്ട്രീറ്റ് ലൈറ്റ് കാണാം.. ബാംഗ്ലൂർ സിറ്റിയുടെ ഭംഗി.. തിരക്കേറിയ റോഡ്.

ഞാൻ ഫോണ് എടുത്തു സ്ഥലം നോക്കി.. സിറ്റിയിൽ നിന്നും ഉള്ളിലേക്ക് ആണ് കാണിക്കുന്നത്.. വണ്ടി അങ്ങോട്ട് ഓടിച്ചു.. അവിടെ എത്തി അവിടെ ഉള്ളവരോട് ചോദിച്ചു വഴി മനസിലാക്കി..

അധികം തിരക്ക് ഇല്ലാത്ത ഒരു ടൗൺ.. അല്ലെങ്കിൽ ഗ്രാമം എന്നു പറയുന്നതാവും ഉചിതം..പറയത്തക്ക അധികം വീടുകൾ ആ പ്രദേശത് ഇല്ല..

ഒരു രാത്രിയോടെ അവളുടെ വീടിനു മുൻപിൽ എത്തി വണ്ടി നിർത്തി.. വാ പൊളിഞ്ഞു പോയി എന്റെ . വീട് എന്നൊക്കെ പറഞ്ഞാൽ കുറഞ്ഞു പോകും.. കൊട്ടാരം എന്നു വേണം പറയാൻ.. പണ്ടത്തെ രാജാക്കന്മാരുടെ കൊട്ടാരം പോലെ ഉണ്ട് കണ്ടാൽ..ചുറ്റും ലൈറ്റ്‌സ് കൊണ്ട് അലങ്കരിച്ചിരിക്കുന്നു..