അപൂർവരാഗം I [രാഗേന്ദു] 698

ഇനി ഇവിടെ ഇരുന്ന പ്രാന്ത് പിടിക്കും എന്നു തോന്നിപ്പോയി.. ഞാൻ എണീറ്റ് കബോർഡിൽ നിന്നും ഫോണും പഴ്സും എടുത്തു.. മുറി ചുറ്റും നോക്കി എല്ലാം അലങ്കോലം ആയി തകർന്ന് കിടക്കുന്നുണ്ട്.. ദേഷ്യം സഹിക്ക വയ്യാതെ ഞാൻ തന്നെ ചെയ്തതാണ്.. മുൻപോട്ട് കാൽ എടുത്തു വച്ചപ്പോൾ എന്തിലോ തട്ടി.. എന്തെന്ന് നോക്കി കാൽ കൊണ്ട് അത് തട്ടി മാറ്റിയപ്പോളാണ് ഞാൻ ശ്രദ്ധിച്ചത് വലിച്ചെറിഞ്ഞ ഒരു ഫോട്ടോയുടെ ബാക്കിൽ എന്തോ എഴുതിയിരിക്കുന്നു.. എന്തോ അഡ്രസ്സ് പോലെ.എടുത്തു നോക്കി..

ബാംഗ്ലൂർ എന്ന് കണ്ടപ്പോൾ എന്റെ ഉള്ളിൽ ഒരു മിന്നൽ പാഞ്ഞു.ദേഷ്യം ഇരച്ചു കയറി.

മറിച്ചൊന്നും ചിന്തിക്കാതെ ഫോൺ എടുത്ത് ആ അഡ്രസ്സ് ക്യാമറയിൽ പകർത്തി. ബൈക്ക് കീ എടുത്തു വേഗം വാതിൽ തുറന്നതും മുൻപിൽ നിൽക്കുന്ന ആളെ കണ്ട് ഞാൻ ഒന്ന് നിന്നു.

വിനീത് എന്റെ കൂട്ടുകാരൻ.. കുട്ടിക്കാലം മുതൽ ഞങ്ങൾ ഒന്നാണ്. എന്നെപറ്റി എല്ലാം അവനു അറിയാം..അവനോട് ഒന്നും ഞാൻ മറച്ചു വയ്ക്കാറില്ല.. പക്ഷെ ഇന്ന് അവൻ പോലും ഒരു നിമിഷം എന്നെ അവിശ്വസിച്ചു.. ദേഷ്യം തോന്നി എനിക്ക് അവനോട്..

അവൻ എന്റെ കോലം കണ്ട് എന്നെ ഒന്ന് നോക്കി

“എവിടയ്ക്ക നീ..??”

“ബാംഗ്ലൂർ..”

“ബാംഗ്ലൂരോ..!”

അവൻ സംശയഭാവത്തിൽ ചോദിച്ചു.

“അതെ.. ഇന്ന് അവളുടെ അവസാനം ആണ്.. കൊല്ലും ഞാൻ ആ പട്ടിയെ..”

പല്ലുഞെരിച്ചുകൊണ്ട് ഞാൻ പറഞ്ഞു..

“ഡാ നി എന്തൊക്കെ പ്രാന്താണ് ഈ പറയുന്നേ??..”

അവൻ എന്റെ തോളിൽ കൈ വച്ചുകൊണ്ട് ചോദിച്ചു..ഞാൻ ആ കൈ തട്ടിമാറ്റി..