അപൂർവരാഗം I [രാഗേന്ദു] 698

“നി എന്താ ചെയ്യുന്നേ..?”

“അഹ് നി വന്നോ.. ധ ചായ എങ്ങനെ ഉണ്ടെന്ന് പറ..”

അവൻ അത് എടുത്തു ചുണ്ടോട് ചേർത്തു..

“ഹമ്മെ.. അടിപൊളി.. ഒരു പ്രിത്യേക ടേസ്റ്റ്..”

ഞാൻ ഒന്ന് ചിരിച്ചു..

“ഇഞ്ചിയും ഏലക്കയും ഇട്ടിട്ടുണ്ട്..”

“കൊള്ളാം.. ഇവിടെ ഞാൻ ഈ എരിയയിലോട്ട് വരാറില്ല.. ഇടക്ക് വീട്ടിൽ നിന്ന് അമ്മ വരും അപ്പോൾ എനിക്ക് വേണ്ടി എന്തെങ്കിലും ഉണ്ടാക്കും അതാ ഇങ്ങനെ സ്റ്റോക്ക് ചെയ്തിരിക്കുന്നത്.. എന്തായാലും ചായ ഞെട്ടിച്ചു..”

“ഇതൊക്കെ എന്ത്.. ഞാൻ എല്ലാം ഉണ്ടാക്കും.. അച്ഛൻ ആണ് ഗുരു.. അപാര കൈപുണ്യം ആണ് ആൾക്ക് .. ആൾ ഓരോന്ന് ഉണ്ടാകുമ്പോൾ കൂടെ നിന്ന് പഠിച്ചത.. എന്നെകിലും ഒറ്റക്ക് ജീവിക്കുമ്പോ ഇതൊക്കെ അറിഞ്ഞിരിക്കേണ്ടേ..”

“ശരിയാണ്..അപ്പൊ ഇനി പുറത്തുന്ന കഴിച്ചു വയർ കേടാക്കേണ്ട അല്ലെ.. ”

അവൻ പറഞ്ഞപ്പോൾ ഞാൻ ഒന്ന് ചിരിച്ചു..

“അഹ് നി വാ നമ്മുക്ക് ഒന്ന് കറങ്ങിട്ട് വരാം.”

അവൻ ചായ കപ്പ് കഴുകി അവിടെ വച്ച് തിരിഞ്ഞു നടന്നു.. ഞാനും.

ഞങ്ങൾ വണ്ടിയിൽ കുറച്ചു ദൂരം കറങ്ങി.. അവൻ എന്നെ അവിടുത്തെ മാളിൽ കൊണ്ടുപോയി..ഒരു റെസ്റ്റോറന്റിൽ കയറി ഫുഡ് കഴിച്ചു.. ശേഷം വണ്ടിയിൽ കയറി..ഇടക്ക് ചിരിച്ചും തമാശകൾ പറഞ്ഞും കളിയാക്കിയും വെറുതെ കുറച്ചു നേരം കറങ്ങി.. ഫ്ലാറ്റിലേക്ക് എത്തിയപ്പോൾ നേരം ഒരുപാട് വൈകി. നല്ല ക്ഷീണം തോന്നിയത് കൊണ്ട് ഞങ്ങൾ രണ്ടാളും ഗുഡ് നൈറ്റ്‌ പറഞ്ഞ് മുറികളിൽ കയറി..

നേരെ കയറി കിടന്നു.. ഇന്ന് നടന്നത് ഓരോന്ന് ആലോചിച്ചു..ജീവിതത്തിൽ ഏറ്റവും സന്തോഷം തോന്നിയ ദിവസം.. ഇങ്ങനെ ഒരു കമ്പനിയിൽ ജോലി കിട്ടുമെന്ന് ഒട്ടും പ്രതീക്ഷിച്ചില്ല… എല്ലാം ഒരു സ്വപ്നം പോലെ..അതുപോലെ നീതയും സൂര്യയും പോലെ നല്ല സുഹൃത്തുക്കൾ..

നീത.. അവളെ കാണുമ്പോൾ അവളോട് വല്ലാത്ത ഒരു ഇഷ്ടം തോന്നുന്നു..അവളുടെ നുണകുഴികൾ കണ്ടുകൊണ്ടിരിക്കാൻ തോന്നുന്നു..

അവൾ ഇല്ലായിരുന്നെങ്കിൽ ഈ പരിചയം ഇല്ലാത്ത സ്ഥലത്.. അവൾ കാരണം ആണ് താമസിക്കാൻ ഇത്രെയും സൗകര്യം ഉള്ള സ്ഥലം കിട്ടിയത്.. എന്നോട് കാണിച്ച ആ കരുതൽ..

എല്ലാം ആലോചിച്ചപ്പോൾ എന്റെ ചുണ്ടിൽ ഒരു പുഞ്ചിരി വിടർന്നു..

“ദൈവമേ നെഞ്ചിൽ കയറി കൂടിയോ പെണ്ണ്..പണി ആവുമോ..ഇന്ന് കണ്ടതെ ഉള്ളു അപ്പോഴേക്കും??ഏയ്‌. ഛേ!!..”

ഇനി എന്തെങ്കിലും ആലോചിച്ചാൽ പ്രാന്ത് പിടിക്കും അതുകൊണ്ട് ഒരു പുഞ്ചിരിയോടെ തലയണയിൽ മുഖം പൂഴ്ത്തി തല വഴി പുതപ്പ് എടുത്തു പുതച്ചു.. കണ്ണുകൾ അടച്ചു നിദ്രയിൽ പൂണ്ടു.. നല്ല നിമിഷങ്ങൾ സ്വപ്നം കണ്ട്..

തുടരും

അറിയില്ല എത്രത്തോളം നന്നായിട്ടുണ്ട് എന്ന്. എന്തായാലും ഇഷ്ടപെട്ടാലും ഇല്ലെങ്കിലും അഭിപ്രായം പറയണേ.❤️