അപൂർവരാഗം I [രാഗേന്ദു] 698

ഞാൻ അവൻറെ കയ്യിൽ പിടിച്ചു പറഞ്ഞു..

“താങ്ക്സ് പറയണം എന്ന് അത്രക്ക് നിർബന്ധം ആണെങ്കിൽ ധ അങ്ങോട്ട് പറഞ്ഞോ..ഇവൾ ആണ് പറഞ്ഞത് നിന്നെയും കൂടെ കൂട്ടാൻ..”

അവൻ ചിരിയോടെ നീതയെ ചൂണ്ടി പറഞ്ഞു.. ഞാൻ അവളെ നോക്കി അവിടെ ചിരിയാണ്..

“താങ്ക്സ്..”

ഞാൻ പറഞ്ഞപ്പോൾ അവൾ കണ്ണുകൾ ചിമ്മി ഒന്ന് ചിരിച്ചു.. തെളിഞ്ഞു വന്നു ആ നുണകുഴികൾ.

“ഡാ ഞാൻ ഇറങ്ങാട്ടെ നേരം വൈകി.. ശിവ നാളെ കാണാംട്ടോ.”

ഞാൻ തലയാട്ടി. അവൾ യാത്ര പറഞ്ഞ് അവിടെനിന്ന് ഇറങ്ങി.

“എന്ന നി പോയി ഫ്രഷ് ആയിക്കോ.. നമ്മുക്ക് കുറച്ചു കഴിഞ്ഞ പുറത്തു പോവ ഫുഡ് പുറത്തുനിന്ന് കഴിക്കാം. ”

“മ്മ്മ് ശരി.”

മുറിയിൽ കയറി. ഡ്രെസ് മാറി ബാത്‌റൂമിൽ കയറി ഒന്ന് കുളിച്ചു.. തണുത്ത വെള്ളം ദേഹത്തു വീണപ്പോൾ ആശ്വാസം തോന്നി. കുളിച്ചിറങ്ങി ഞാൻ ഒരു ടി ഷർട്ടും ട്രാക്ക് പാന്റും ഇട്ടു..

വന്നതിന് ശേഷം വീട്ടിലേക്ക് വിളിച്ചട്ടില്ല .. ഞാൻ ഫോണ് എടുത്ത് നമ്പർ ഡയൽ ചെയ്തു.. ജോലിയുടെ കാര്യവും താമസവും ഒക്കെ കേട്ടപോൾ അമ്മക്ക് ആശ്വാസം ആയി. കുറച്ചു നേരം അമ്മയോടും അനിയതിയോടും സംസാരിച്ചു..അച്ഛൻ പുറത്തെവിടെയോ പോയിരിക്കുകയാണ്.. ഞാൻ ഫോണ് കട്ട് ചെയ്തു മുറിയുടെ പുറത്തേക്ക് ഇറങ്ങി..

അടുക്കളയിൽ ചെന്ന് നോക്കി സാധനങ്ങൾ ഒക്കെ ഉണ്ട്.. നല്ല മോഡേർന് രീതിയിൽ ഉള്ള കിച്ചൻ.. ഫ്രിഡ്ജ് തുറന്നപ്പോൾ പാൽ ഇരിക്കുന്നുണ്ട്..
സ്റ്റവ് കത്തിച്ച് ചായ പാത്രം വച്ച് അതിൽ പാൽ ഒഴിച്ച് ചയപൊടിയും പഞ്ചസാരയും ഇട്ട് അതിൽ അൽപം ഇഞ്ചിയും ഏലക്കയും ചതച്ചത് ഇട്ടു..

തിളച്ചു വന്നപ്പോൾ ഞാൻ അത് രണ്ട് കപ്പിൽ പകർത്തി..