അപൂർവരാഗം I [രാഗേന്ദു] 698

ഞാൻ ചുറ്റും നോക്കി..കണ്ണ് ചെന്ന് നിന്നത് നീതയിൽ ആണ്.. അവളുടെ പാറി പറക്കുന്ന മുടി ഇഴകളെ മുൻപോട്ട് ഒതുക്കി വെക്കുന്നു.നോക്കി നിന്ന് പോയി ഞാൻ ഒരു നിമിഷം. വല്ലാത്ത ഒരു ആകർഷണം തോന്നുന്നു അവളോട് ഇതിനു മുൻപ് ആരോടും തോന്നാത്ത ഒരു.. ഛേ ഞാൻ എന്തൊക്കെയാ ഈ ചിന്തിച്ചു കൂട്ടുന്നത്.. ഞാൻ അവളിൽ നിന്നും കുറച്ചു നീങ്ങി നിന്നു..

“ഡാ വാ..”

സൂര്യയുടെ ശബ്ദം ആണ് എന്നെ ചിന്തയിൽ നിന്ന് ഉണർത്തിയത്..

ഞങ്ങൾ ലിഫ്റ്റ് കയറി.. പത്താം നിലയിൽ ആണ് അവന്റെ ഫ്ലാറ്റ്. അവൻ ഫ്ലാറ്റിന്റെ ഡോർ തുറന്നു അകത്തേക്ക് കയറി..ലൈറ്റ് ഇട്ടു. ഞാൻ അവിടെ നിന്നു..

“വലതു കാൽ വച്ചു കയറി വാ മോനെ..”

അവൻ ഒരു പ്രിത്യേക താളത്തിൽ പറഞ്ഞപ്പോൾ എനിക്ക് ചിരി വന്നു.

“കയറി വാ മാഷേ..”

നീത അതുപറഞ്ഞെന്റെ എന്റെ കൈ പിടിച്ചു അകത്തേക്ക് കയറ്റിയപ്പോൾ എന്റെ ഉള്ള് ഒന്ന് തുടിച്ചു.

വിശാലമായ ഒരു ഹാൾ വൈറ്റ് ആൻഡ് ബ്ലൂ കോമ്പിനേഷനിൽ ആണ് എല്ലാം ഒരിക്കിരിക്കുന്നത്. കാണാൻ തന്നെ ഒരു പ്രേത്യേക ഭംഗി..ആധുനികം നിറഞ്ഞു നിൽക്കുന്നുണ്ട് അവിടെ മൊത്തം..

“വാഡോ ഇതാണ് തന്റെ മുറി.. ”

അവൻ ഒരു മുറി കാണിച്ചു തന്നു..ഞാൻ ചുറ്റും നോക്കി. മുറിയുടെ നടുക്കായി ഒരു കട്ടിൽ സൈഡിൽ ഒരു സോഫ ഒരു മൂലയിൽ ഡ്രസിങ് ടേബിൾ അതിനോട് ചേർന്ന് ഒരു കബോർഡ്. അതും വൈറ്റ് ആൻഡ് ബ്ലൂ കോമ്പിനേഷൻ ആണ്.

“എന്താടോ. എല്ലാം സെറ്റ് അല്ലെ..!”

സൂര്യയിടെ അടുത്തു വന്നു ചോദിച്ചു..

“ഒത്തിരി നന്ദിയുണ്ട് സൂര്യ. ശരിക്കും ഒരു താമസ സ്ഥലം എങ്ങനെ അന്വേഷിക്കും എന്ന് ചിന്തിക്കുവായിരുന്നു ഞാൻ. ഒട്ടും പരിചയം ഇല്ലാത്ത സ്ഥലവും.. താങ്ക്സ് അ ലോട്ട്.”