അപൂർവരാഗം I [രാഗേന്ദു] 698

ഞാൻ ഒന്ന് ചിരിച്ചു..

“എന്താ അപ്പൊ പോവല്ലേ..”

നീത ചോദിച്ചു..

“അത്.. മ്മ്മ്..”

ഒന്ന് ആലോചിച്ചു ശേഷം ഞാൻ സമ്മതിച്ചു..

“ഏത് ഹോട്ടലിൽ ആണ് റൂം എടുത്തത്..ബാഗ് എടുത്തു റൂം വെക്കേറ്റ് ചെയ്ത് നമ്മുക്ക് ആ വഴി പോവാം..”

“റെയിൽവയ് സ്റ്റേഷൻ അടുത്ത് ഒരു ഹോട്ടൽ സണ്റൈസ്.”

“അഹ് എന്ന വ കയർ. സമയം പോകുന്നു..”

നീത അത് പറഞ്ഞു എന്റെ മുഖത്തേക്ക് നോക്കി കണ്ണുകൊണ്ട് അവളുടെ പുറകിൽ കയറാൻ പറഞ്ഞു..

“അത് ഞാൻ..”

“എന്താ!..പെണ്കുട്ടികളുടെ പുറകിൽ കയറാൻ കുറച്ചിൽ ആണോ..?”

എടുത്തടിച്ച അവളുടെ ചോദ്യം കേട്ട് എന്ത് പറയണം എന്നറിയാതെ ഞാൻ അവിടെ നിന്നു..
ഗൗരവത്തിൽ ആണ്. സൂര്യ ചിരിക്കുന്നുണ്ട്..
ഞാൻ അവനെ നോക്കി..

“കയറിക്കോ.. ഇല്ലെങ്കിൽ ഇന്ന് അത് മതി..”

ഞാൻ ചിരിച്ചുകൊണ്ട് അവളുടെ പുറകിൽ കയറി. അവൾ മിറോറിൽ എന്റെ മുഖം നോക്കി ഒന്ന് പുഞ്ചിരിച്ചു.. അവളുടെ നുണകുഴി തെളിഞ്ഞു വരുന്നത് ഞാൻ ശ്രദ്ധിച്ചു.അവൾ വണ്ടി മുൻപോട്ട് എടുത്തു

തിരക്കേറിയ റോഡ്.. ട്രാഫിക്കും.. കുറച്ചു നിമിഷത്തിനു ശേഷം ഞങ്ങൾ ഹോട്ടലിൽ എത്തി.. ഞാൻ നേരെ അകത്തു കയറി റൂമിൽ ചെന്ന് എന്റെ ബാഗ് എടുത്തു.. അത്യാവശ്യം ഡ്രെസുകൾ ഉള്ള ഒരു ബാക്‌ പാക്ക് മാത്രം ആണ് വീട്ടിൽ നിന്ന് കൊണ്ടുവന്നത്.. ഞാൻ അത് എടുത്ത് റൂം പൂട്ടി താഴേക്ക് ഇറങ്ങി.. ബിൽ പെയ് ചെയ്ത് പുറത്തേക്ക് ഇറങ്ങി.. നേരെ സൂര്യയുടെ ഫ്ലാറ്റിലേക്ക്

കുറച്ചു ദൂരം പോയപ്പോൾ ഒരു പടകൂറ്റൻ ബിൽഡിങിന്റെ ഗേറ്റ് കടന്ന് നീത വണ്ടി പാർക്ക് ചെയ്തു.. സൂര്യ സെക്യൂരിറ്റിയെ കണ്ടതും അവിടെ നിർത്തി അയാളോട് എന്തോ സംസാരിക്കുന്നു..