അപൂർവരാഗം I [രാഗേന്ദു] 698

“ഓഹ് പിന്നെ വഴി തെറ്റാൻ അല്ലെ പബ്ബിൽ പോകുന്നത് ഒന്ന് പോടി..ശിവ അതിന് കൊച്ചു കുട്ടി ഒന്നുമല്ലലോ..”

“അഹ് എന്തേലും ചെയ്..”

നീത പറഞ്ഞ് അവിടെനിന്നും എഴുനേറ്റു പോയി.

“കോഴപ്പം ആയോ.”

ഞാൻ അവൾ പോകുന്ന വഴി നോക്കി പറഞ്ഞപ്പോൾ അവൻ കണ്ണ് ഇറക്കി എന്നെ നോക്കി ചിരിച്ചു..

“അതൊന്നും സാരമില്ല.. അവൾ അങ്ങനെ ആണ്. വാ പോവാം..”

ഞങ്ങൾ അവിടെ നിന്നും ഇറങ്ങി ഡിപാർട്മെന്റിലേക്ക് നടന്നു..

“ഡി പൊട്ടി പിണങ്ങിയോ നീ..?”

സൂര്യ ചോദിച്ചപ്പോൾ അവൾ ഒന്നും മിണ്ടാതെ ജോലിയിൽ തുടർന്നു.

“ഓഹ് ഇനി അതിനു മുഖം വീർപ്പിക്കേണ്ട ഞാൻ നിന്റെ ഫ്രണ്ടിനെ എവിടെയും കൊണ്ടുപോയി വഴിതെറ്റിക്കുന്നില്ല പോരെ..”

അവൾ മൂളി ശേഷം ചിരിച്ചു.. അവളുടെ ചിരിയിൽ വിരിയുന്ന നുണകുഴി കാണുമ്പോൾ വല്ലാത്ത ആകർഷണം തോന്നുന്നു..ഞാൻ ഒരു നിമിഷം കൗതുകത്തോടെ നോക്കി നിന്ന് പോയി..അവൾ തിരിഞ്ഞെന്നെ നോക്കിയപ്പോൾ എന്റെ നോട്ടം മാറ്റി.. ജോലിയിൽ ശ്രദ്ധിച്ചു..

ആദ്യ ദിവസം നല്ല രീതിയിൽ പോയി.. ഞങ്ങൾ ഒരുമിച്ചു ഫുഡ് കഴിച്ചു.എനിക്കുള്ള ഐഡി കാർഡ് കിട്ടിരുന്നു. അത് ഇല്ലെങ്കിൽ ഓഫിസിൽ കയറാൻ പറ്റില്ല.. അറ്റെണ്ടെന്സ് പഞ്ച് ചെയ്യാൻ ഐഡി വേണം..

വൈകുന്നേരം ഇറങ്ങാൻ നേരം..

“ശിവ എവിടെയാ താമസം ഞാൻ ഡ്രോപ്പ് ചെയ്യണോ?.”

പുറകിൽ നിന്നും ശബ്ദം കേട്ട് ഞാൻ തിരിഞ്ഞു നോക്കി നീത ആണ്. ആൾ ബാഗ് എടുത്തു വെക്കുന്നു.. സൂര്യ വാഷ് റൂമിൽ പോയിരുന്നു..

“വേണ്ട നീത.. താമസം ഇനി വേണം നോക്കാൻ. ഇന്ന് വെളുപ്പിന് ആണ് ഇവിടെ എത്തിയത് അപ്പോ ഒരു ഹോട്ടലിൽ റൂം എടുത്തു ഒന്ന് ഫ്രഷ് ആയി ഇങ്ങോട്ടെക്ക് വന്നു.. ഇനി പോയിട്ട് വേണം.. ബസ് ഇപ്പൊ വരും ഞാൻ ഇറങ്ങട്ടെ..”