അപൂർവരാഗം I [രാഗേന്ദു] 698

“വാ ഇതാണ് ശിവയുടെ സീറ്റ്.. ”

നീത ഒരു കറങ്ങുന്ന കസേര കാണിച്ചുകൊണ്ട് പറഞ്ഞു.. ഒരു സിസ്റ്റം അതിന്റെ സൈഡിൽ കുറച്ചു ഫയലുകൾ കാണാം.. ഞാൻ അവിടെ ഇരുന്നു ചുറ്റും നോക്കി.. അത്യാവശ്യം വലിയ റൂം. ഒരേ സ്ഥലത് ഇരുന്നാണ് ജോലി എങ്കിലും തരം തിരിച്ച പ്രൈവറ്റ് സ്പേസ് പോലെ ആണ്.. നീത എന്റെ അടുത്തു വന്ന് എന്തൊക്കെയാണ് ചെയേണ്ടത് എന്ന് പറഞ്ഞു തന്നു..

“സംശയം ഉണ്ടെങ്കിൽ ചോദിക്കാൻ മടിക്കേണ്ട കേട്ടോ ശിവ ഫീൽ ഫ്രീ..”

“ഓക്കെ.”

“നമ്മുടെ ടീമിൽ രണ്ടാളും കൂടി ഉണ്ട് .. അവർ നാട്ടിൽ പോയെക്കുവാ വരുമ്പോ പരിചയപ്പെടാം. ജാനെറ്റും സെന്തിലും.. ”

“അഹ് സമയമുണ്ടല്ലോ.”

സൂര്യ പറഞ്ഞപ്പോൾ ഞാൻ മറുപടി കൊടുത്തു..

ആദ്യ ദിവസം ആയത് കൊണ്ട്.. ഞാൻ വർക്കൊക്കെ നോക്കി മനസിലാക്കി.. സൂര്യയും നീതയും കൂടെ സംശയങ്ങൾ ഒരു മടികൂടാതെ പറഞ്ഞു തന്നു..

ഒരു പതിനൊന്ന് മണി ആയപ്പോൾ ഞങ്ങൾ മൂന്നു പേരും ബ്രേക്ക് എടുത്തു.. കാന്റീനിൽ പോയി.. കാന്റീൻ ഏറ്റവും മുകളിൽ.. ഞങ്ങൾ ലിഫ്റ്റിൽ കയറി അവിടേക്ക് ചെന്നു. കോഫീ ഓഡർ ചെയ്തു..അവിടെ ഒഴിഞ്ഞ കിടന്നിരുന്ന ടേബിളിൽ ഞങ്ങൾ സ്ഥാനാം പിടിച്ചു..

“അല്ല നിങ്ങളെ പറ്റി ഒന്നും പറഞ്ഞില്ല.. നിങ്ങളുടെ സ്ഥലം എവിടെയാണ്..”

ഞാൻ അവരോട് രണ്ടുപേരോടായ ചോദിച്ചു..

“നാട്ടിൽ എറണാകുളം ആണ്. ഇപ്പൊ എല്ലാവരും ഇവിടെ ഉണ്ട്. അച്ഛന് ഇവിടെ ബിസിനെസ്സ് ആണ് സോ എനിക്ക് ഇവിടെ ജോലി ആയപ്പോൾ ഞാനും അമ്മയും ഇങ്ങോട്ട് വന്നു..”

നീത ഒരു ചിരിയോടെ പറഞ്ഞു…ഞാൻ അവളെ നോക്കി..