അപൂർവരാഗം I [രാഗേന്ദു] 698

ചുറ്റും നോക്കി ആരും ഇല്ല എന്നുറപ്പ് വരുത്തി ഞാൻ അത് മെല്ലെ തുറന്നു അകത്തേക്ക് കയറി.. ചുറ്റും മരങ്ങൾ അതിന്റെ ഇടയിൽ ടൈൽ ഇട്ട ഒരു പാത..

ഇരുട്ടായിരുന്നു എങ്കിലും ആ വീടിന് ചുറ്റുമുള്ള വെളിച്ചത്തിൽ ആ വഴി വ്യക്തമായി കാണാം..ഞാൻ ആരും കാണാതെ മുൻപോട്ട് നടന്നു. പട്ടികൾ കുരക്കുന്ന ശബ്ദം..ചുറ്റും നോക്കി.. സെക്യൂരിട്ടിമാർ 2,3 പേര് കുറച്ചു ദൂരെ അവിടെ കൂടി നിന്ന് എന്തോ സംസാരിക്കുന്നു..എല്ലാം ഒത്ത ശരീരവും പൊക്കവും.. ഞാൻ വേഗം ആ വീടിന്റെ സൈഡിലേക്ക് നീങ്ങി..

മുകളിലെ ഏതോ മുറിയിലെ ജനാല തുറന്നിട്ടിരിക്കുന്നത് ഞാൻ ശ്രദ്ധിച്ചു അതിലൂടെ ലൈറ്റ് കാണാം.. ആ മുറി ലക്ഷ്യമാക്കി പൈപ്പ് വഴി മുകളിലേക്ക് വലിഞ്ഞു കയറി.. കുറച്ചു കഷ്ടപ്പെട്ടു എങ്കിലും ആ തുറന്നു കിടക്കുന്ന ജനാലയുടെ അടുത്ത എത്തി.. അപ്പോഴാണ് ശ്രദ്ധിച്ചത് കമ്പികൾ ഇല്ല.. ഒരാൾക്ക് സുഖമായി കയറാം..

അകത്തേക്ക് കയറിയതും ആ മുറിയുടെ വലിപ്പവും സൗകര്യങ്ങൾ ഒക്കെ കണ്ട് ഞാൻ സ്തംഭിച്ചു പോയി.. രാജകീയം.. എന്റെ വീട് ഈ മുറിയുടെ വലിപ്പമേ ഉണ്ടാവുള്ളു എന്ന് തോന്നി പോയി.

അവിടെ ചുറ്റും നോക്കി.. ആരെയും കാണുന്നില്ല.. നിന്നിട്ട് കാര്യം ഇല്ല എന്ന് ചിന്തിച്ചു ഞാൻ അവിടെ നിന്നും പുറത്തേക്ക് ഇറങ്ങി..

നീളത്തിൽ കോറിഡോർ.. മുകളിൽ വലിയ ഒരു പളുങ്ക് ഷാണ്ഡലിയർ.. മഞ്ഞ ലൈറ്റ്.. കണ്ടാൽ സ്വർണത്തിൽ തീർത്ത വിളക്ക് പോലെ തോന്നിക്കും..ഇടക്കിടെ ചുവർ ചിത്രങ്ങൾ കാണാം. നിലം ഏതോ വില കൂടിയ മാർബിൾ.. മച്ച് ഏതോ തടിയിൽ തീർത്തിരിക്കുന്നു.. അതിൽ കൊത്തു പണികൾ ഉണ്ട്.. ബ്രഹ്മിച്ചു പോയിരുന്നു ഞാൻ ഒരു നിമിഷം അതൊക്കെ കണ്ട്.