അപൂർവരാഗം I [രാഗേന്ദു] 698

അപൂർവരാഗം I

Author : രാഗേന്ദു

ഹായ് ഫ്രണ്ട്‌സ്..എല്ലാവർക്കും സുഖം എന്ന് വിശ്വസിക്കുന്നു.. ക്രിസ്മസ് ഒക്കെ അടിച്ചുപൊളിച്ചു എന്ന് കരുതുന്നു..ഇനി നാളെ ന്യൂ ഇയർ ആണ്. അപ്പൊ എല്ലാവർക്കും ഹാപ്പി ന്യു ഇയർ.പുതിയ വർഷം എല്ലാവർക്കും സന്തോഷവും സമാധാനവും ഉണ്ടാവട്ടെ എന്ന് പ്രാർത്ഥിക്കുന്നു.. സോ സ്റ്റേ സേഫ് ബി സേഫ്..

പിന്നെ കഥ ഒന്നും പ്രതീക്ഷിക്കാതെ വായിക്കുക..അക്ഷരത്തെറ്റുകൾ ഉണ്ടെങ്കിൽ ക്ഷമിക്കണേ.. സ്നേഹത്തോടെ❤️

അപൂർവരാഗം

മേശപ്പുറത്ത് നിരത്തി വച്ചിരിക്കുന്ന ഫോട്ടോസ് നോക്കി ഞാൻ ഇരുന്നു.. ഒരുതരം മരവിപ്പ്.. ഒന്നും ചെയ്യാൻ കഴിയാത്ത അവസ്‌ഥ..

ഞാനും കൂടെ ഏതോ ഒരു പെണ്ണും കിടക്കയിൽ നഗ്നരായി.. ഛേ..! അവളുടെ മുഖം വ്യക്തം അല്ല..

നാട്ടുകാരുടെ മുൻപിൽ ഇന്ന് ഞാൻ നാണംകെട്ടു.. സ്വന്തം വീട്ടുകാർ പോലും അവിശ്വസിച്ചു.. പെണ്ണിനെ ചതിച്ചവൻ എന്ന പട്ടം..

അല്ല!!.. അവരെ പറഞ്ഞിട്ട് കാര്യം ഇല്ല ആരായാലും ഈ ഫോട്ടോസ് കാണുമ്പോ അങ്ങനെ വിശ്വസിക്കു..

കണ്ണുകൾ നിറഞ്ഞൊഴുകി..വാശിയോടെ ഞാൻ ആ ഫോട്ടോസ് നോക്കി നിന്നു..ദേഷ്യം നുരഞ്ഞു പൊന്തി..

“ഇല്ല.. വിടില്ല ഞാൻ. എന്നോട് ഈ ചതി ചെയ്ത ആരായാലും കൊല്ലും ഞാൻ..”

ഏറെ നേരം അതിൽ നോക്കി നിൽക്കാൻ സാധിക്കുന്നുണ്ടായിരുന്നില്ല..ടേബിൾ ക്ലോത് അടക്കം ഞാൻ എടുത്ത് വലിച്ചെറിഞ്ഞു ഫോട്ടോസ് പാറി പറന്ന് അങ് ഇങ്ങായി മുറിയിൽ ചിതറി.. ദേഷ്യംകൊണ്ട് വിറക്കുകയായിരുന്നു എന്നെ..

ദേഷ്യവും സങ്കടവും കൊണ്ട് മുൻപിൽ ഇരുന്ന മേശയിൽ ആഞ്ഞടിച്ചു.. അതിൽ കൈ കുത്തി തല താങ്ങി ഞാൻ ഇരുന്നു.. തല വെട്ടിപൊളിയുന്ന പോലെ..