തേടി വന്ന പ്രണയം 2 [പ്രണയരാജ] 167

തേടി വന്ന പ്രണയം 2

 

ആളുകളെ സാക്ഷിയാക്കി ആ പെൺക്കുട്ടിയെ ഞാൻ എൻ്റെ ഭാര്യയാക്കി. അഗ്നിയെ സാക്ഷിയാക്കി അവളുടെ കൈ പിടിച്ചു കൊണ്ട് വലം വെക്കുമ്പോൾ ലോകം തന്നെ വെട്ടിപ്പിടിച്ച പ്രതീതി തന്നെയായിരുന്നു എനിക്ക്.

വിവാഹ ചടങ്ങുകൾ പൂർത്തിയായതും അവളെയും കൂട്ടി ഞാൻ അമ്മയ്ക്കരികിലേക്കു നടന്നു. അമ്മയുടെ കാലിൽ വീണ് അനുഗ്രഹം വാങ്ങുമ്പോൾ മനസിൽ പറഞ്ഞറിയിക്കാനാവാത്ത സന്തോഷം മനസിൽ നിറഞ്ഞു തുളുമ്പുകയായിരുന്നു.

അമ്മയുടെ നിർബന്ധത്തിനു വഴങ്ങി, അച്ഛനരികിലേക്ക് അനുഗ്രഹം വാങ്ങാനായി നടന്നു ചെല്ലുമ്പോൾ ക്രോധത്തിൽ എരിയുന്ന തന്തപ്പിടിയുടെ മുഖം വ്യക്തമായി കാണാമായിരുന്നു. അതു കണ്ടില്ല എന്നു നടിച്ചു കൊണ്ട് ഞങ്ങൾ രണ്ടു പേരും ആ മനുഷ്യൻ്റെ കാലിൽ തൊട്ടു അനുഗ്രഹം വാങ്ങാൻ തുനിഞ്ഞതും എൻ്റെ തന്തയ്ക്കു വീണ്ടും കൃമി കടി തുടങ്ങി.

അച്ഛൻ തൻ്റെ കാലുകൾ പിന്നോട്ടു വലിച്ചതും ഞങ്ങൾ തലയുയർത്തി നോക്കി. ആ മുഖത്ത് തെളിഞ്ഞ പുച്ഛഭാവത്തെ ഞാനും കണ്ടില്ല എന്നു നടിച്ചു. അല്ലേലും അയാളുടെ അനുഗ്രഹം നമ്മക്കു വേണ്ടേ…? എന്ന ഭാവത്തിൽ ഞാനും തന്തപ്പിടിയെ നോക്കി ഒന്നു ചിരിച്ചു.

അനുഗ്രഹം വാങ്ങാൻ വന്നിരിക്കുന്നു . ഒരു പണക്കാരൻ്റെ മോനെ കെട്ടിയാൽ അവൻ്റെ വീട്ടിൽ കെട്ടിലമ്മ ചമഞ്ഞു ജീവിക്കാന്നു കരുതിയോടി നീ… എങ്കിൽ നിനക്കു തെറ്റി, വീട്ടിൽ ഒരു വിലയുമില്ലാത്ത ഇവനെ കെട്ടിയ നിനക്കും എൻ്റെ വീട്ടിൽ പുല്ലു വില മാത്രമേ.. കാണൂ…

തന്തപ്പടിയതു പറഞ്ഞു തീർന്നതും അതേറ്റു പിടിച്ചു കൊണ്ട് ഇഷാനികയും പറഞ്ഞു തുടങ്ങി.

അച്ചോടാ… പാവം കെട്ടിലമ്മ ചമയാൻ നിന്നതാ… ഇപ്പോ എന്തായി…. എല്ലാം പോയില്ലെ. അങ്കിളേ… വിട്ടു വേലക്കാരി ഒന്നിനെ ഇനിയിപ്പോ പിരിച്ചു വിടാലോ.. അല്ലെ.

ഇഷാനിക കളിയാക്കി തുടങ്ങിയതും ഞാൻ കെട്ടിയ പെണ്ണിൻ്റെ മുഖഭാവം മാറുന്നത് ഞാനും കണ്ടു.

നിർത്തെടി , നീയാരാണ് ഇതിനിടയിൽ ഒരോന്നു പറയാൻ. പിന്നെ മാസ്റ്റർ രാമചന്ദ്രൻ , താങ്കൾ ആദി ദേവിൻ്റെ അച്ഛനായതു കൊണ്ട് ഒരു ബഹുമാനം തന്നു എന്നു മാത്രം, അല്ലെ ആരു വില വെക്കാനാണ് താങ്കളെ,…

എൻ്റെ ഭാര്യയുടെ ആ ഡയലോഗിൽ രോമാഞ്ചപുളകിതനായി ഞാൻ നിൽക്കുമ്പോൾ ടീ… എന്ന ഒരലർച്ചയോടെ അവളെ തല്ലാനൊരുങ്ങുന്ന അച്ഛനെയാണ് ഞാൻ കണ്ടത്. എന്തു ചെയ്യണം എന്നറിയാതെ എന്നൊരു നിമിഷം ചിന്തിച്ചപ്പോഴേക്കും ഞാൻ കണ്ടു അവൾ തനിക്കു നേരെ വരുന്ന അച്ഛൻ്റെ കൈകൾ കടന്നു പിടിച്ചത്.

അതെ എൻ്റെ ദേഹത്ത് തൊട്ടാൽ താൻ പോലീസ് സ്റ്റേഷൻ കേറിയിറങ്ങും.

അതും പറഞ്ഞു കൊണ്ട് അച്ഛൻ്റെ കൈൾ അവൾ വിട്ടു. ശേഷം ഒരു പുഞ്ചിരിയോടെ അവൾ പറഞ്ഞു.

രാമചന്ദ്രൻ സാറെ, സാറു പേടിക്കണ്ട, സാറിൻ്റെ വീട്ടിലേക്ക് ഞാനോ എൻ്റെ ഭർത്താവോ.. വരില്ല. തൻ്റെ ഒരു നയാ പൈസയും ഞങ്ങൾക്കു വേണ്ട.

അതു കേട്ടതും ഞാനും അച്ഛനും അവിടെ കൂടി നിന്നവരുമെല്ലാം ഒന്നു ഞെട്ടാതിരുന്നില്ല.

ദേ… ഇവളെ ഈ ഇഷാനികയെ വിവാഹം കഴിച്ച് നിങ്ങളുടെ വീട്ടിലേക്കു കൊണ്ടുവരാനല്ലല്ലോ.. നിന്നത്, പകരം എൻ്റെ ഭർത്താവിനെ അവളുടെ വീട്ടിലേക്ക് വിട്ടു കൊടുക്കാനല്ലേ നോക്കിയത്, സോ.. നിങ്ങളുടെ ഈ മകനെന്ന ശല്യം ഒഴിവാക്കാനാണ് നിങ്ങൾ ശ്രമിക്കുന്നത്, അപ്പോ ഞാനിവനെ കൊണ്ടു പൊയ്ക്കോളാം. ഇവൻ എൻ്റെ കൂടെ എൻ്റെ വീട്ടിൽ കഴിഞ്ഞു കൊള്ളും.

അതു കേട്ടതും ഇഷാനികയും എൻ്റെ അച്ഛനും പൊട്ടിച്ചിരിക്കുകയായിരുന്നു. ആ സമയം ഇഷാനികയുടെ വക ശബ്ദമുയർന്നു.

ഹാ…ഹാ… ഈ വീട്ടിലെ തെരുവായക്ക് പുതിയ  തെരുവു നായയുടെ കൂട്ടു കിട്ടി. അങ്കിളെ രണ്ടും കൂടെ തെരുവിൽ തെണ്ടി നടക്കുന്നത് നമുക്കു കാണാം.

അതു കേട്ടതും എൻ്റെ ഭാര്യയുടെ മുഖഭാവം മാറി. അവൾ ഇഷാനികയെ ഒന്നു നോക്കി. പിന്നെ പൊട്ടിച്ചിരിക്കുവാൻ തുടങ്ങി. കൈ കൊട്ടിക്കൊണ്ട് അവൾ എല്ലാവരുടേയും ശ്രദ്ധ പിടിച്ചുപറ്റി. ശേഷം അവൾ ഡോമിനേറ്റിംഗ് സ്വരത്തിൽ പറഞ്ഞു.

AR ഗ്രൂപ്പിൻ്റെ അനന്തരാവകാശിയുടെ ഭർത്താവിനു തെരുവിൽ തെണ്ടി ജീവിക്കണം എന്നു പറഞ്ഞാൽ ചിരിക്കുകയല്ലാതെ എന്തു ചെയ്യാനാണ്.

അവളതു പറഞ്ഞു നിർത്തിയതും അച്ഛൻ്റെയും ഇഷാനിയുടെയും അവളുടെ വീട്ടുക്കാരുടെയും മുഖം മാറുന്നത് ഞാനും ശ്രദ്ധിച്ചു. അടുത്ത ക്ഷണം തന്നെ അവൾ തൻ്റെ ഹാൻഡ് ബാഗിൽ നിന്നും ഒരു വിസിറ്റിംഗ് കാർഡ് എടുത്ത് എൻ്റെ അച്ഛൻ്റെ കൈയ്യിൽ വെച്ചു കൊടുത്തു.

ആ കാർഡിൽ നോക്കിയതും എൻ്റെ അച്ഛൻ്റെ നെറ്റിയിൽ നിന്നും വിയർപ്പു പൊടിയുന്നത് ഞാൻ കണ്ടിരുന്നു. ആ സമയം തന്നെ ഇഷാനിക അച്ഛൻ്റെ കൈയ്യിൽ നിന്നും ആ വിസിറ്റിംഗ് കാർഡ് വാങ്ങി നോക്കി. ശേഷം വിശ്വാസം വരാത്തതു പോലെ അവളെ തന്നെ നോക്കി.

നീ… നീ ….

ഒരു നീയുമില്ല മിസ്സ് ഇഷാനിക.

അതും പറഞ്ഞു കൊണ്ട് അവൾ എനിക്കു നേരെ തിരിഞ്ഞു. പിന്നെ എന്നോടായി പറഞ്ഞു.

ആദി, ഇന്നത്തോടെ ഈ വീടുമായുള്ള നിൻ്റെ എല്ലാ ബന്ധവും ഇവിടെ വെച്ചു തീർന്നു. ആ പിന്നെ നിൻ്റെ അമ്മയുമായിട്ടുള്ള റിലേഷൻ തുടരുന്നതിൽ ഞാൻ തടസ്സം നിൽക്കില്ല. പക്ഷെ ബാക്കി ആരുമായി….

അവളെ പറഞ്ഞു മുഴുവിക്കാൻ അനുവദിക്കാതെ ഞാൻ പറഞ്ഞു.

എനിക്ക് എൻ്റെ അമ്മ മാത്രമാണ് ഇമ്പോർട്ടൻ്റ്, സോ എനിക്കു സമ്മതം.

ഞാനതു പറഞ്ഞതും അവൾ ഒന്നു ചിരിച്ചു ശേഷം വാ.. പോവാം… എന്നു പറഞ്ഞു കൊണ്ട് എൻ്റെ കൈ പിടിച്ചു കൊണ്ട് പുറത്തേക്കു നടന്നു.

ഞങ്ങൾ ഹോളിനു പുറത്തെത്തിയതും ഒരു ബെൻസു കാർ വന്നു നിന്നു. അവർ വാതിൽ തുറന്നു അകത്തു കയറിയതും ഞാനും കയറി. അടുത്ത ക്ഷണം തന്നെ കാർ മുന്നോട്ടു കുതിച്ചു.

കാറിൽ കുറച്ചു നേരം നിശബ്ദത തളം കെട്ടി. മനസിൽ ഒത്തിരി ചോദ്യങ്ങൾ ഉണ്ടായിരുന്നെങ്കിലും ചോദിക്കുവാൻ സാധിച്ചില്ല. എല്ലാം ഒരു സ്വപ്നം പോലെ തോന്നുകയാണ്. തോറ്റു പോയി എന്നുറപ്പിച്ചിടത്തു നിന്നും ഒരു ഉയർത്തെഴുന്നേൽപ്പ് ഒട്ടം പ്രതീക്ഷിച്ചിരുന്നതല്ല.

അപ്രതീക്ഷിതമായ പലതുമാണ് ജീവിതത്തിൽ നടന്നു കൊണ്ടിരിക്കുന്നത്. ഒരു പെണ്ണിനും വേണ്ടാത്തവനെന്ന പട്ടം കെട്ടിയവനെ  ഒരു പെണ്ണ്  വിവാഹം കഴിച്ചിരിക്കുന്നു. അതോർത്തപ്പോൾ അറിയാതെ മുഖത്തൊരു പുഞ്ചിരി വിരിഞ്ഞു.

നോക്കി നിൽക്കെ ഞങ്ങൾ ഒരു വലിയ ഫൈവ് സ്റ്റാർ ഹോട്ടലിനു മുന്നിലെത്തി. കാറിൽ നിന്നും ഇറങ്ങിയ അവൾക്കു പിറകെ അനുസരണയുള്ള കുട്ടിയെ പോലെ ഞാനും പിന്തുടർന്നു. ഒരു റൂമിനകത്തേക്ക് അവൾ കയറി, ഒപ്പം ഞാനും.

ഇരിക്ക്,…

അതും പറഞ്ഞു കൊണ്ട് അവൾ സോഫയിലേക്കിരുന്നു. അവൾക്ക് എതിരായി ഞാനും. എന്നെ തന്നെ സൂക്ഷിച്ചു നോക്കുന്ന അവളെ ഞാനൊന്നു നോക്കി. എന്താണെന്നറിയില്ല, എവിടെയോ.. കണ്ടു മറന്ന മുഖം പോലെ.

ഞാനൊരു കാര്യം ചോദിച്ചോട്ടെ,…

മടിച്ചു മടിച്ചു കൊണ്ടാണ് ഞാൻ ആ ചോദ്യം ചോദിച്ചത്.

ഉം… ചോദിച്ചോ…?

എന്തിനാ… എന്തിനാ.. എന്നെ പോലെ ഒരുത്തനെ വിവാഹം കഴിച്ചത്.

അതിനവൾ ഒന്നു പുഞ്ചിരിച്ചു , ശേഷം പതിയെ പറഞ്ഞു.

വെരി സിംപിൾ യൂ ആർ മൈ ഷീൽഡ്.

മനസിലായില്ല….

എടോ… എൻ്റെ വീട്ടുക്കാർ എൻ്റെ വിവാഹം നടത്തിക്കുവാനായി വല്ലാതെ പ്രഷർ ചെയ്യുന്നുണ്ട്. സോ അതിൽ നിന്നു രക്ഷപ്പെടാൻ തന്നെ കെട്ടി, തനിക്ക് തൻ്റെ അഭിമാനം രക്ഷിക്കാൻ ആ സമയം എൻ്റെ സഹായം കൂടിയെ തീരൂ.. സോ മ്യൂച്ചൽ ബെനിഫിറ്റ്.

അതു കേട്ടതും ഞാനൊന്നു പുഞ്ചിരിച്ചു.

യൂ മീൻ എ ഫേക്ക് മ്യാരേജ്.

അവൾ ഒന്നാലോചിച്ച ശേഷം ഒന്നു ചിരിച്ചു. ശേഷം പതിയെ പറഞ്ഞു.

നാളെ നമുക്ക് നമ്മുടെ വിവാഹം രെജിസ്റ്റർ ചെയ്യാം.

അല്ല അതിൻ്റെ ആവിശ്യമുണ്ടോ.. രെജിസ്റ്റർ ചെയ്യാത്തതല്ലെ നല്ലത്. അതാകുമ്പോൾ,…

ലുക്ക് ആദി, എൻ്റെ പാരൻസിനെ വെറും വാക്കുകൾ കൊണ്ട് പറ്റിക്കാം എന്നു താൻ കരുതിയാൽ തനിക്കു തെറ്റി.

അവൾ അതു പറഞ്ഞ നിമിഷം കാര്യത്തിൻ്റെ കിടപ്പു വശം എനിക്കു മനസിലായി.

ഒക്കെ എഗ്രി.

താൻ പേടിക്കണ്ട, എൻ്റെ പരൻസിനെ പെട്ടെന്നൊന്നും നേരിടേണ്ടി വരില്ല. അവരു വിദേശത്താണ്, സോ എൻ്റെ മ്യാരേജ് കഴിഞ്ഞു എന്ന തെളിവുകൾ അവർക്കു കൊടുക്കണം അത്ര മാത്രം, പിന്നെ നമ്മളെ ചെക്കു ചെയ്യാൻ അവരെന്തായാലും ആളെ വിടും സോ…

മനസിലായി ഞാൻ വേണ്ട പോലെ ചെയ്തു കൊള്ളാം.

ഗുഡ്.

എന്നാൽ കിടക്കുവല്ലേ…

പെട്ടന്നവൾ അതു പറഞ്ഞതും ഞാനൊന്നു ഞെട്ടി. ആ മുറിയിലെ കട്ടിലിലേക്കു ഞാനൊന്നു നോക്കി.

താൻ എന്താ നോക്കുന്നത്. ഇനി താനും ഞാനും എന്നും ഒരു മുറിയിൽ തന്നായിരിക്കും ബട്ട് അരുതാത്തതൊന്നും ചിന്തിച്ചു കൂടാ… ഒക്കെ,

ഞാനതിനു തലയാട്ടി, ആ ബെഡ് ചൂണ്ടി കാട്ടി കൊണ്ട് അവൾ പറഞ്ഞു.

ഒരാണും പെണ്ണും ബെഡ് ഷെയർ ചെയ്തു എന്നു വെച്ച് ആകാശമൊന്നും ഇടിഞ്ഞു വീഴില്ല.ആ വലിയ  ബെഡിൻ്റെ രണ്ട് ഓരത്തായി കിടക്കാൻ പറ്റും. നീ നിൻ്റെ പരാതികൾ മറി കടക്കാത്തിടത്തോളം .

ഒക്കെ,…

എന്നാൽ താൻ കിടന്നോ.. എനിക്കു കുറച്ചു വർക്കു ഉണ്ട്.

അതും പറഞ്ഞു കൊണ്ട് അവൾ തൻ്റെ ബാഗിൽ നിന്നും ഒരു ലാപ്പുമെടുത്ത് ബാൽക്കണിയുടെ വാതിൽ തുറന്നു . ഞാൻ പതിയെ ബെഡിൽ കയറി ഒരു ഓരത്തായി കിടന്നു.

☀️☀️☀️☀️☀️

ആദിയുടെ വീട്ടിൽ രാമചന്ദ്രനും രാഗവനും ഇഷാനികയും ഹോളിലിരിക്കുകയാണ്. അവരുടെയെല്ലാം മുഖം വിവർണ്ണമായിരുന്നു.
ഒട്ടും പ്രതീക്ഷിക്കാത്ത കാര്യങ്ങളാണ് ഇന്ന് അരങ്ങേറിയത്. സത്യത്തിൽ അവരുടെ ഈ വിവാഹ ഉടമ്പടി തന്നെ AR ഗ്രൂപ്പുമായുള്ള കരാറിനു വേണ്ടിയായിരുന്നു.

അതെ ബാംഗ്ലൂരിലെ  വലിയ ഒരു ഗ്രൂപ്പാണ് AR . കൺസ്ട്രക്ഷൻ, ഐടി ഫീൽഡ്,  മാനുഫാക്ച്ചറിംഗ് , ഇംപോർട്ട് എൻഡ് എക്സ്പോർട്ട് അങ്ങനെ വളർന്നു പന്തലിച്ച ഒരു ഗ്രൂപ്പ്. അവരുമായി ഒരു ഡീൽ ഉറപ്പിക്കാനുള്ള ക്യാപ്പപിളിറ്റി,  രാമചന്ദ്രനോ രാഗവനോ ഒറ്റയ്ക്കാവില്ല. അവർ രണ്ടു പേരും ഒന്നു ചേർന്നാൽ 50% ചാൻസ് ഉണ്ടായിരുന്നു. അതു മുൻക്കൂട്ടി കണ്ടിട്ടാണ് ഇന്നത്തെ ഈ വിവാഹം പോലു പ്ലാൻ ചെയ്തത്.

ഇഷാനിക ഈ വിവാഹത്തിന് എതിർത്തിട്ടും രാഗവൻ ഈ കാര്യങ്ങളൊക്കെ പറഞ്ഞു മനസിലാക്കിയാണ് അവളെ കൺവിൻസ് ചെയ്തതും. പക്ഷെ വിവാഹ തലേന്ന് അവളുടെ ഫ്രണ്ട്സ് അവളെ കളിയാക്കിയ സമയമാണ് അവൾ ആ സത്യം തിരിച്ചറിഞ്ഞത്.

എത്ര നേട്ടമുണ്ട് എന്നു പറഞ്ഞാലും അവനെ വിവാഹം കഴിക്കുക എന്നത്, എത്ര കഴുകി കളഞ്ഞാലും മായാത്ത ഒരു കറയായി തന്നെ പിന്തുടരുമെന്ന സത്യം . നേട്ടങ്ങൾക്കു വേണ്ടി ഹൈ സ്വസൈറ്റിയിൽ സ്വന്തം വില കളയാൻ അവൾ തയ്യാറായിരുന്നില്ല. എന്നും തൻ്റെ ഫ്രണ്ട്സുകൾക്കു മുന്നിൽ ഒരു പരിഹാസപാത്രമാകുവാൻ അവൾ ഒരുക്കമല്ലായിരുന്നു.

അതായിരുന്നു ഇന്നത്തെ വിവാഹ പന്തലിൽ അവൾ ഇത്രയുമൊക്കെ ചെയ്തു കൂട്ടാൻ കാരണം. പക്ഷെ അനന്തരഫലം അവൾ പോലും പ്രതീക്ഷിക്കാത്തതായിരുന്നു.  ആരാണോ… തനിക്കു കറയാകുമെന്ന് കരുതിയത്, അവനിന്ന് തന്നെക്കാൾ ഉയരത്തിൽ, അതെ AR ഗ്രൂപ്പിൻ്റെ അനന്തരാവകാശിയുടെ ഭർത്താവ് , ആ ഒരു പദവി മാത്രം മതി, ഹൈസ്വസൈറ്റിയിൽ തന്നെക്കാൾ കൂടുതൽ വില അവനു പകർന്നു നൽകാൻ

( തുടരും….)

Updated: May 24, 2024 — 10:06 pm

14 Comments

Add a Comment
  1. Good writing, waiting for next part

  2. Kidillam story ❤️❤️❤️❤️❤️

  3. Waiting for the next part

  4. thudakam kollam,baaki evide bro?

  5. Nice story 👏 waiting for the next part

  6. Bro korach kooduthal ezhuthan sramiku bayich oru feel aavambo theeran

  7. നിധീഷ്

    ❤❤❤❤❤❤❤

  8. വിഷ്ണു

    ഒരു രക്ഷയില്ല പൊളി ബ്രോ
    പെട്ടന്ന് പോരട്ടെ അടുത്ത ഭാഗം ❤️❤️❤️😔

  9. ഇനി എന്നാ അടുത്ത part

  10. എന്തായാലും പേജ് ഒന്ന് കൂട്ടാൻ നോക്കണേ മച്ചാനെ.. അടുത്ത ഭാഗം അറിയാൻ വെയ്റ്റിംഗ് തുള്ളി നിൽക്കുവ.. 💥

  11. ഈ coment എന്താ post അവൻ ഇത്ര താമസം… 🙄

  12. മാസ്സ് ആണ് മച്ചാനെ🔥🔥 വേറെ level❤️ ബാക്കി പോന്നോട്ടെ.. വെയ്റ്റിംഗ് ആണ്..

  13. റോക്കി

    ഇതെന്താ ഇത്ര കുറച്ച് 🥺😭

Leave a Reply

Your email address will not be published. Required fields are marked *