യോദ്ധാവ് [Romantic Idiot] 109

നാല്പത്കാരന്റെ ശരീരവും ഇരുപത്ക്കാരന്റെ സ്വഭാവവും ആണ് പുള്ളിക്ക്.എല്ലാവർക്കും ചെയ്യാനുള്ള ജോലികൾ അസൈൻ ചെയ്തു ഞങ്ങൾ അവരവരുടെ ഡെസ്കിലേക്ക് മടങ്ങി.

⭕️⭕️⭕️⭕️⭕️⭕️⭕️⭕️⭕️⭕️⭕️⭕️⭕️

വൈശാഖ് : ടാ അവൾ HR ന്റെ റൂമിൽ നിന്നും ഇറങ്ങി

ഞങ്ങൾ അഖിലിനെയും വിളിച്ച് അവളുടെ അടുത്തേക്ക് പോയി.

അഖിൽ ഒറ്റക്ക് മതി അവളെ കരയിപ്പിക്കാൻ.

ഈ തെണ്ടിയാണ് ഇവിടെ വന്ന ഭൂരിഭാഗം പെണ്ണ് പിള്ളേരെയും റാഗ് ചെയ്ത് കരയിപ്പിച്ചിട്ടുള്ളത്.

അവന്റെ കലിപ്പൻ ലുക്കും ശബ്‌ദവും കേൾക്കുമ്പോൾ തന്നെ ഒരുവിധം എല്ലാവരുടെയും ഗ്യാസ് പോകും.

“ഹേയ് ഇവിടെ വന്നെ ” ഹരിയേട്ടന്റെ റൂമിൽ കയറാൻ പോയ അവളെ അഖി വിളിച്ചു.

പേടിച്ചുകൊണ്ട് അവൾ വരുബോളും ചുണ്ടിൽ ഒരു ചെറു പുഞ്ചിരി ഉണ്ട്.

“എന്താ ചേട്ടാ ”

അഖി : നിന്റെ പേര് എന്താ ?

“അന്ന ”

വൈശാഖ് : അന്ന എന്ന് മാത്രം ഒള്ളു തലയും വാലും ഒന്നും ഇല്ലേ.

“അന്ന ജോസഫ് ”

അഖി : അത് എന്താടി നിനക്ക് നേരത്തെ തന്നെ പറഞ്ഞാല്. വന്നപ്പോൾ തന്നെ ഇത്ര അഹങ്കാരമോ

അഖി പണി തുടങ്ങി.

അഖി : നിന്നോട് ചോദിച്ചത് കേട്ടില്ല ?

അവൾ നിന്ന് വിയർക്കാൻ തുടങ്ങി.

“സോറി ചേട്ടാ പേടിച്ചിട്ട് വിട്ട് പോയതാ ”

അത് പറഞ്ഞപ്പോ ഉള്ള അവളുടെ ഭാവം കണ്ട് ഞങ്ങൾ മൂന്ന് പേർക്കും ചിരിപൊട്ടി.
എന്നാൽ അത് പുറത്ത് കാണിക്കാതെ കടിച്ചു പിടിച്ചു ഞങ്ങൾ നിന്നു.

“നിനക്ക് ലവർ ഉണ്ടോ ”

“ഇല്ല ”

“ഐയോ അത് കഷ്ടം ആയാലോ അഖി ഇനി നമ്മൾ എന്താ ചെയുക ?”

അഖി : ലവർ ഇല്ലാത്ത സ്ഥിതിക്ക് നമുക്ക് ലവർ ഉണ്ടാക്കി കൊടുകാം.

“വൈശാഖ് നിനക്ക് ഇവളുടെ ലവർ ആകാൻ താല്പര്യം ആണോ ? ”

വൈശാഖ് : എനിക്ക് നൂറുവട്ടം സമ്മതം ആണ്.

“എന്നാൽ മോൾ അവനെ പ്രൊപ്പോസ് ചെയ്തേ ”