യക്ഷി [Appu] 249

“വേണ്ട കൊഞ്ചിക്കലൊന്നും വേണ്ട…!!” ഇന്ദു വീണ്ടും പിണക്കം ഭാവിച്ചു….

“തമാശയല്ലച്ഛാ കാര്യമായിട്ടാ….. ഉണ്ടെങ്കിൽ എനിക്കൊന്ന് കാണണം….!!”

അച്ഛന്റെയും അമ്മയുടെയും റൊമാൻസിനിടക്ക് തന്റെ കാര്യം മുങ്ങിപ്പോവുമെന്നുള്ളത് കൊണ്ട് അക്ഷയ് അത് വീണ്ടും ഓർമിപ്പിച്ചു…

” അത് വേണോടാ മോനെ നീയൊരാളല്ലേ എനിക്കുള്ളൂ… നീ യക്ഷിയെ കാണും അവസാനം നിന്റെ പല്ലും നഖവും മാത്രമായിട്ട് ഞാൻ കാണണം…. മോൻ അത് വിട്ട്പിടി….!!”

“സത്യത്തിൽ ആരാ അച്ഛാ യക്ഷി…. ദുർമരണപ്പെടുന്ന ആത്മക്കളാണോ…??” അക്ഷയ് വീണ്ടും തലയുയർത്തി മാധവനോട് ചോദിച്ചു….

” ആത്മാക്കളെങ്ങനാടാ ദുർമരണപ്പെടുന്നത്.. ദുർമരണപ്പെട്ടവരുടെ ആത്മക്കൾ ന്ന് പറ…!!”

” ആ അതന്നെ അപ്പൊ അതാണോ യക്ഷി…?? ”

“അല്ലാതെ പിന്നെ… ആരേലും കൊല്ലും പിന്നെ യക്ഷിയാവും പാട്ട് പാടും അവസാനം കൊന്നവനെ കൊന്ന് വല്ല പാലമരത്തിലും താമസിക്കും ഇതല്ലേ യക്ഷി…??” ഇന്ദു ഇടക്ക് കയറി…

” മണ്ടത്തരം പറയാൻ എന്തേലും പേറ്റന്റ് വാങ്ങീട്ടുണ്ടോ നീ… വാ തുറന്നാൽ ഇത് മാത്രമാണല്ലോ…?” മാധവൻ വീണ്ടും ഇന്ദുവിനെ കളിയാക്കി

“ഓ എന്നാ നിങ്ങളെങ്ങോട്ട് പറ….!!” അതും പറഞ്ഞ് ഇന്ദു അപ്പുവിന്റെ തല മടിയിൽ നിന്നിറക്കി വെച്ചു… അതോടെ അപ്പു എഴുന്നേറ്റിരുന്നു…

“അപ്പൂ… ദേവലോകത്തെ യക്ഷവർഗ്ഗത്തിന്റെ ശക്തിയായി അറിയപ്പെടുന്നവരാണ് യക്ഷികൾ…. നിധിയുടെ കാവൽദേവതമരായിട്ടും ഇവർ അറിയപ്പെടാറുണ്ട്… ധനത്തിന്റെ അധിപനായ കുബേരന്റെ സേവകരായതുകൊണ്ടാവും നിധിക്ക് കാവലായി നിൽക്കാറുള്ളത്…

ആവിശ്യാനുസരണം രൂപംമാറാനും അൽഭുതമന്ത്രശക്തിയുള്ള ദേവതമാരാണ് യക്ഷികൾ……പ്രസാദിച്ചാൽ എത് ആഗ്രഹങ്ങൾ സാധിപ്പിച്ച് തരാനും ശത്രുകളെ നശിപ്പിക്കാനുമുള്ള ശക്തിയോട്കൂടിയവരായതുകൊണ്ട് യക്ഷികളെ ഒരേ സമയംതന്നെ ഐശ്വര്യദേവതയായും ദുർദേവതയായും പൂജിക്കുന്നു….

അതീവശക്തിശാലികളും സർവ്വത്തിനെയും സ്വാധീനിക്കാൻ ശേഷിയുള്ളവരാണ് യക്ഷികൾ ശരിയായ രീതിയിൽ പൂജിച്ച് ആരാധിച്ചാൽ നമ്മുടെ ഏത് ആഗ്രഹവും നടത്തിതരാനും യക്ഷികൾക്ക് സാധിക്കും… അല്ലാതെ നിന്റെ അമ്മ പറയുന്നത് പോലെ വെള്ള സാരിയുടുത്ത് പാട്ടും പാടി നടപ്പല്ല….!!” മാധവൻ ഇന്ദുവിനെ ഒന്ന് പുച്ഛിച്ചു

“അപ്പൊ ആളുകളെ കൊല്ലുന്നതും ചോരകുടിക്കുന്നതുമൊക്കെ ഇല്ലാത്ത കാര്യങ്ങളാണോ…??” ഒരു കഥ കേൾക്കാനുള്ള ആകാംഷയോടെ അവൻ വീണ്ടും ചോദിച്ചു…

“ചില പ്രതേക സമയങ്ങളിൽ യക്ഷികൾ ദേവലോകത്ത് നിന്നും ഭൂമിയിലേക്ക് വരും യക്ഷികൾ മാത്രല്ല…. ഗന്ധർവ്വൻ യക്ഷൻ അങ്ങനെ എല്ലാവരും… ഈ സമയം ചില മനുഷ്യരുമായി ഇവർ ബന്ധപ്പെടും…. അങ്ങനെ ബന്ധപ്പെടുന്ന പുരുഷനെ യക്ഷി പിന്നെ ജീവനോടെ ബാക്കി വെക്കില്ല……”

“അത് കഷ്ടാണല്ലേ…. കൊന്നുകളയുന്നത്… ആള് പാവം ആണെങ്കിലും കൊല്ലുവോ…?? തെറ്റൊന്നും ചെയ്യാത്ത ആളാണെലോ…??”