യക്ഷി [Appu] 249

“എന്നാ ഞങ്ങള് പോട്ടെ അപ്പൂ…താഴെ തിരക്കും… നീ കിടന്നോ ന്നിട്ട് വൈകിട്ട് കാവിലേക്ക് വരണം…” അവർ രണ്ടുപേരും പോവാനായി എഴുന്നേറ്റു….

“ഇല്ല ഇനി കിടക്കണില്ല ഒന്ന് കുളിക്കണം പറ്റിയാ ഇവടൊക്കെ ഒന്ന് കാണണം….” അപ്പു പുറത്തേക്ക് നോക്കി പറഞ്ഞു…

“ന്നാ നമ്മുടെ കുളത്തിൽ കുളിച്ചോ നല്ല തെളിനീരാ… വീട്ടുകാർ മാത്രേ കുളിക്കാറുള്ളു….” നിരുപമ വലിയ ഉത്സാഹത്തോടെ പറഞ്ഞു….

“ആഹാ ഇവിടെ കുളവും ഉണ്ടോ…??”

“പിന്നല്ലാതെ…. നീയൊന്ന് കാണണം എന്ത് ഭംഗിയാന്നറിയോ….!!” അനുപമ പറഞ്ഞു

“എന്നാ ഇപ്പൊ തന്നെ പോവാം… നിങ്ങളും വരുവോ..??”

“അയ്യോ… ഇപ്പഴോ..!! അമ്മ സമ്മതിക്കില്ല… അപ്പു പോയിട്ട് വാ……!!”

“ഹ്മ്മ് എന്നാ അങ്ങനെ…..!!”

നല്ലൊരു ചിരിയും സമ്മാനിച്ച് അവർ രണ്ടുപേരും പുറത്തിറങ്ങി…. ഇതുവരെ സഹോദരങ്ങളൊന്നുമില്ലാതെ കഴിഞ്ഞ അക്ഷയ്ക്ക് അവരെ ഒരുപാട് ഇഷ്ടമായി….അവർക്ക് തിരിച്ചും… ഒരു അനിയനോ ചേട്ടനോ ഇല്ലാത്ത വിഷമം അവർക്കും ഉണ്ടായിരുന്നിരിക്കും…

അവർ പൊയ്ക്കഴിഞ്ഞപ്പോൾ കൊണ്ടുവന്ന ബാഗെല്ലാം ഒരു സ്ഥലത്ത് അടുക്കിവെച്ച് ഇട്ടിരുന്ന ജീൻസ് മാത്രം മാറ്റി അവൻ അലമാരയിൽ നിന്ന് ഒരു മുണ്ടെടുത്തുടുത്തു….. മുണ്ടിന്റെ കൂടെ ടീഷർട് തീരെ ചേരില്ലെന്ന് തോന്നി ഇടക്കിടക്ക് മാറ്റി നോക്കി.. ഷർട്ട്‌ ഇട്ടു.. ‘പിന്നേ കല്യാണത്തിനല്ലല്ലോ കുളിക്കാനല്ലേ ടീഷർട് മതിയെന്ന് ഉള്ളിൽ വിചാരിച്ച് വീണ്ടും അതിട്ടു…’

“അപ്പൂ…. നീ കുളത്തിൽ പോവാണെന്ന് അവര് പറഞ്ഞു..!! ഇവിടെ കുളിച്ചാ പോരെ..!!” പെട്ടന്ന് അവന്റെ മുറിയിലേക്ക് കയറിവന്ന ജയരാജ് ചോദിച്ചു…

“ഇല്ലമ്മാവാ ഞാനിതൊക്കെ ഒന്ന് കണ്ട് നടക്കാന്ന് വിചാരിച്ചതാ എന്നാ പിന്നെ കുളിയും ആവൂല്ലോന്ന് വിചാരിച്ചു… അതാ…!!” ആദ്യമായി അമ്മാവനോട് സംസാരിക്കുന്ന ചെറിയ ജാള്യതയോടെ അവൻ പറഞ്ഞു…

“നിനക്കറിയോ സ്ഥലം…??”

“ഇല്ല.. അവിടെ എവിടെയോ ആണെന്ന് പറഞ്ഞു.. ഞാൻ കണ്ടുപിടിച്ചോളാം..!!” അക്ഷയ് പുറത്തേക്ക് കൈചൂണ്ടി പറഞ്ഞു

“അത് വേണ്ട… ഞാനും വരാം….!!” അതും പറഞ്ഞ് ജയരാജൻ പുറത്തേക്കിറങ്ങി…

“അമ്മാവാ…!!” പുറത്തേക്കിറങ്ങിയ ജയരാജിന് പിന്നാലെ ചെന്ന് അക്ഷയ് വിളിച്ചു….

“ഓ… എടാ നീയിങ്ങനെ അമ്മാവാന്ന് വിളിക്കല്ലേ.. ഞാനെന്താ അത്ര മുതുക്കനാണോ..??”

വീണ്ടും വീണ്ടും അമ്മാവാന്നുള്ള വിളി കെട്ട ചെറിയ അമർഷം ജയരാജ് മറച്ചുവെച്ചില്ല…

“അല്ല പിന്നെ എന്താ വിളിക്കാ..??” അക്ഷയ് ചെറുതായൊന്ന് പരുങ്ങി..

“ചെറിയച്ഛാന്ന് വിളിച്ചോ… ഏട്ടനെ വല്യച്ഛാന്നും… പോരെ…!!” ജയരാജ്‌ ആദ്യത്തെ ചാട്ടം ഉപേക്ഷിച്ച് ശാന്തനായി പറഞ്ഞു…