യാത്ര [Shana] 121

എളുപ്പമാകുമല്ലോ… പിന്നെ സാരി ഒന്നും എടുക്കണ്ട യാത്രക്ക് അതൊക്കെ ബുദ്ധിമുട്ടാകും ചുരിദാർ മാത്രം മതി.. അതാകുമ്പോൾ അമ്മയ്ക്കും ബെറ്റർ ഫീൽ ആയിരിക്കും… ”

തന്റെ എല്ലാകാര്യങ്ങളും അവൾ ചെയ്യുന്ന കണ്ടപ്പോൾ ഇങ്ങനൊരു മകളെ കിട്ടിയതിൽ ഒത്തിരി സന്തോഷിച്ചു…

അവൾ തന്നെ എല്ലാം ലിസ്റ്റ് ഇട്ടു ഓരോന്നും നോക്കി തിരഞ്ഞു വാങ്ങി അവിടെ ഞാൻ കാഴ്ചക്കാരി മാത്രമായി.. എന്നെക്കാളും എന്റെ ഇഷ്ടങ്ങൾ നോക്കി ചെയ്യുന്ന മകൾ എന്റെ മോന്റെ പുണ്യം…

ഇന്ന് എന്റെ സ്വപ്നത്തിലേക്കുള്ള തുടക്കം…

“അമ്മേ എല്ലാം ബാഗിൽ ഉണ്ട് .. അത്യാവശ്യം വേണ്ട മരുന്നൊക്കെ വെച്ചിട്ടുണ്ട്.. ഇടക്കിടക്ക് വിളിക്കണേ… ഈ യാത്ര അമ്മ നന്നായി എൻജോയ് ചെയ്തോളണം … ഇനി ഒറ്റക്ക് എങ്ങും വിടില്ല.. ഇനി നമുക്ക് ഒരുമിച്ചു മതി.. അച്ഛനെയും മോനെയും കൂട്ടണ്ട…”

കെട്ടിപ്പിടിച്ചു കണ്ണുകൾ നിറച്ചു അവൾ പറഞ്ഞപ്പോൾ എന്റെ കണ്ണുകളും തുളുമ്പി..

“കരയാനാണെങ്കിൽ നീ പോകണ്ട ജാനു , ഇവിടെ നിലക്ക് ” ഏട്ടൻ ചെറു പുഞ്ചിരിയോടെ പറഞ്ഞു

“അയ്യടാ അങ്ങനിപ്പോ അച്ഛൻ അമ്മയുടെ യാത്ര മുടക്കേണ്ട.. അമ്മ പോയിട്ട് വേണം അച്ഛനെ അടുക്കളയിൽ കേറ്റാൻ അല്ലേ ഇഷ.. ” മക്കൾ ഒരേ സ്വരത്തിൽ പറഞ്ഞു

“ആഹാ, നിന്റെയൊക്കെ മനസ്സിലിരുപ്പ് നടത്തില്ല.. ഞാൻ നാളെ തന്നെ വേറെ ട്രിപ്പ്‌ പോകും നോക്കിക്കോ ”

“അമ്മ വരും വരെ അച്ഛനെ എങ്ങോട്ടും വിടില്ല… ഇവിടെ തന്നെ നില്കും ഇല്ലെങ്കിൽ അച്ഛനെ കുറിച്ചോർത്ത് അമ്മയുടെ യാത്ര കുളമാകും ” ഇഷ കേറുവോടെ പറഞ്ഞു

“ഇനി വേണമെങ്കിൽ അമ്മ വന്നിട്ട് നിങ്ങളെ രണ്ടുപേരെയും കൂടി ഹണിമൂൺ വിടാം.. പഴയ ഓർമ്മകൾ പുതുക്കാല്ലോ ” അതുപറഞ്ഞു മോനും മോളും പൊട്ടിച്ചിരിച്ചു

പിന്നെ മക്കൾ മൂന്നുപേരും കെട്ടിപ്പിടിച്ചു ഉമ്മതന്നു…

“ശ്രദ്ധിക്കണം.. എന്തുണ്ടെലും വിളിക്കണം ക്യാഷ് അക്കൗണ്ടിൽ ഉണ്ട് നിന്റെ ആവശ്യങ്ങൾക്കും ഇഷ്ടങ്ങൾക്കും ഒരു മുടക്കും വരുത്തരുത്.. ഇനി നിന്നെ തനിച്ചു എങ്ങോട്ടും വിടില്ല ”

അത്രയും പറഞ്ഞു ചേർത്തുപിടിച്ചു ഏട്ടന് വിടാൻ ഒട്ടും മനസ്സില്ലെന്ന് അറിയാം എങ്കിലും മൂർദ്ധാവിൽ ഒരു ചുംബനം തന്ന് സന്തോഷത്തോടെ യാത്രയാക്കി…

ബസിലെ സൈഡ് സീറ്റിനു ഓരം ചേർന്ന് ഹെഡ്സെറ്റ് കാതിൽ തിരുകി കിഷോർ കുമാറിന്റെ ഗാനം ശ്രവിച്ചുകൊണ്ട് ഒരിക്കലും സാധ്യമാവില്ലന്നു കരുതി മറവിയിലേക്ക് തള്ളിവിട്ട എന്റെ സ്വപ്നം പൂവണിയിച്ചുകൊണ്ടുള്ള യാത്ര ഇവിടെ തുടക്കം കുറിച്ചു.

ശുഭം