Wonder 2 [Nikila] 2480

എന്റമ്മോ !! എന്താ ഒരു സൗന്ദര്യം. മൂക്കിൽ ഭംഗിയുള്ള മൂക്കുത്തി, ഇരു കാതിലും തൂങ്ങി നിൽക്കുന്ന മനോഹരമായ കമ്മൽ, വെളുത്ത ഭംഗിയുള്ള മുഖം. അഴക് വർദ്ധിപ്പിക്കാൻ മസ്ക്കാര, പുട്ടി തുടങ്ങി മേക്കപ്പ് വസ്തുക്കൾ അധികമൊന്നും ഉപയോഗിച്ചിട്ടില്ല എന്നുള്ളത് എടുത്തു പറയേണ്ട കാര്യമാണ്. ചുവന്നു തുടുത്ത ചുണ്ടുകൾ. ആർക്കായാലും ആ അധരങ്ങളിൽ ചുംബിക്കാൻ തോന്നും. ചിരിക്കുമ്പോൾ തെളിയുന്ന മുല്ലമൊട്ടു പോലുള്ള പല്ലുകൾ. അതിലുപരി ആരെയും വശീകരിക്കുന്ന ചിരി. മുടിയെല്ലാം ഭംഗിയായി പിന്നിക്കെട്ടി പൂക്കൾ കൊണ്ട് അലങ്കരിച്ചിരിക്കുന്നു. ഇതൊക്കെ ഞാൻ പ്രഥമ നോട്ടത്തിൽ നിരീക്ഷിച്ച കാര്യങ്ങളാണ്. അപ്പോഴും ഞാൻ ആ പെണ്ണാരാണെന്ന് ശ്രദ്ധിച്ചിരുന്നില്ല.

പെട്ടന്ന് ആരോ പുറകിൽ നിന്നും എന്റെ മുതുകിലായി തോണ്ടി. തിരിഞ്ഞു നോക്കിയപ്പോൾ എന്റെ അനിയത്തി ജോമോൾ. അവൾ എന്നെ എന്ത്യേ എന്ന ഭാവത്തിൽ നോക്കുന്നു. ഞാനും ഒന്നും മനസിലാവാത്ത രീതിയിൽ അവളെ നോക്കി എന്നിട്ട് വീണ്ടും കല്യാണപ്പെണ്ണിനെ നോക്കി. അപ്പോഴാണ് എന്റെ തലച്ചോറിലെ ഓർമ്മ മണ്ഡലം ശരിക്കും പ്രവർത്തിച്ചു തുടങ്ങിയത്. അതായത് അപ്പോഴാണ് ആരായിരുന്നു ആ കല്യാണപ്പെണ്ണെന്ന് എനിക്ക് മനസിലായത്.

ആകെക്കൂടി വല്ലാത്തൊരു മാനസികാവസ്ഥയിലായി ഞാൻ. “ട്രീസ” അറിയാതെ എന്റെ ചുണ്ടിൽ നിന്നും ആ പേര് വന്നു. അബദ്ധത്തിൽ പോലും ജീവിത്തിലൊരിക്കലും കാണരുതെന്നാഗ്രഹിച്ച ഒരുത്തിയായിരുന്നു അവൾ. (ഇവളെപ്പോ മതം മാറി ??. ആലോചിക്കാതിരുന്നില്ല). അവളെ തന്നെ വീണ്ടും കണ്ടപ്പോൾ നിന്നു വിറയ്ക്കാൻ തുടങ്ങി ഞാൻ. പക്ഷെ ആ വിറയൽ പേടിക്കൊണ്ടല്ല കോപം കൊണ്ടായിരുന്നെന്ന് മാത്രം.

അവളാണെങ്കിൽ ഒരു കൂസലുമില്ലാതെ എന്റെ അടുത്തു വന്നിരുന്നു. എന്നിട്ട് എന്നെയൊന്നു പുച്ഛത്തോടെയൊന്ന് നോക്കി. എനിക്കാണെങ്കിൽ ദേഷ്യം കൊണ്ട് പിടിച്ചാൽ കിട്ടാത്ത അവസ്ഥയായിരുന്നു. എന്നാൽ ചുറ്റും നാട്ടുക്കാരുള്ളതുക്കൊണ്ട് ഒന്നും ചെയ്യാൻ കഴിയാത്ത സാഹചര്യവുമായി. ഇതു അവൾക്കുമറിയാം അവിടെ കൂടി നിൽക്കുന്ന എന്റെ ബന്ധുക്കൾക്കുമറിയാം. അതുക്കൊണ്ട് അവരെല്ലാം സാഹചര്യം ചൂഷണം ചെയ്യുകയാണ്.