Wonder 2 [Nikila] 2480

 

 

ഈ സമയം ബാക്കിയുള്ളവരൊക്കെ അവിടെത്തന്നേയുണ്ടോന്ന് ഒന്നു ഓടിച്ചു നോക്കി. മാധവൻ സാറിനോട് സംസാരിച്ചു തുടങ്ങിയപ്പോൾ പരിസരം തന്നെ മറന്നു പോയി. റോസി മേടം കമ്പ്യൂട്ടറിനു മുൻപിൽ തന്നെയുണ്ട്. ചിലപ്പോഴൊക്കെ അവരെന്നെ ഇടക്കണ്ണിട്ട് നോക്കുന്നുണ്ട്. ഞാൻ തിരിച്ചൊരു നോട്ടം കൊടുത്താൽ അവര് പതറുന്നു. ഇനി സൂപ്പർഹീറോ ഡ്രസ്സ്‌ അവർക്ക് അലർജിയാണോ ?.

 

 

സജീവ് സാറ് ക്യാബിനകത്താണെന്നു തോന്നുന്നു.

ഇവിടെയില്ല. ചിലപ്പോ അവിടെ കിടന്നു ഉറങ്ങുന്നുണ്ടാകും ?. രണ്ടു കോൺസ്റ്റബിൾമ്മാരുണ്ടായിരുന്നു. ഒരാളിപ്പോ വീട്ടിലേക്ക് പോയിട്ടുണ്ടാകും. മറ്റൊരാള് കക്കൂസിൽ തന്നെയുണ്ട്. നല്ല വീര്യം കൂടിയ ഹാൻഡ് വാഷാണെന്ന് അയാളുടെ ഉള്ളിലേക്ക് പോയതെന്നു തോന്നുന്നു നല്ല പ്രതികരണമുണ്ട് ?.

 

 

ഇതിനിടയ്ക്ക് ഞാൻ മിഖിയെ വെറുതെയൊന്ന് നോക്കി. അത്രേം നേരം അവന്റെ നോട്ടം എന്റെ നേരെയായിരുന്നു.

 

 

“എന്ത്യേ ?”

 

 

“എന്ത്യേ ?”

 

 

“ഏയ്, ഞാനല്ലേ ആദ്യം എന്ത്യേന്ന് ചോദിച്ചേ ?”

 

 

“അതു കഴിഞ്ഞ് ഞാനും ചോദിച്ചല്ലോ”.

 

 

“അല്ലാ മിഖി, എന്താ നിനക്കൊരു മുന വച്ചൊരു നോട്ടം”

 

 

“നേരത്തെ ജോ വല്യേ ഭാവത്തിൽ പറയുന്നുണ്ടായല്ലോ സി ഐ മേടത്തെ പൂട്ടുമെന്നൊക്കെ. എന്തു ചെയ്യാനാ പ്ലാൻ”.

 

 

“അതിനൊരു വഴിയുണ്ട്. അതൊക്കെ പോട്ടെ, നീയല്ലേ ആദ്യം ഇക്കാര്യം ചാടിയേറ്റത് ?”

 

 

“അതു പിന്നെ……. ഞാനൊരു ആവേശത്തിൽ…… അല്ല ജോയുടെ മനസിലെന്തു പ്ലാനാ ഉള്ളത്”.

 

 

“അവർക്ക് പണി കൊടുക്കാനുള്ള ടൂൾസ് അവര് തന്നെ ഇങ്ങോട്ട് കെട്ടിയെടുത്തിട്ടുണ്ട്?. ഓർമ്മയിലെ എന്റെ ബാഗ്……… മറ്റേ മതില് ചാടണ നേരത്ത് തപ്പിയത്…..അത്‌ ഈ സ്റ്റേഷനിലെത്തിയിട്ടുണ്ട്”

 

 

“ആണോ?, എങ്ങനെ ?”