ഉറുദുമാഷ് [Hyder Marakkar] 530

“”””ഹ്മ്മ്‌….. അത്  തന്നെയാ  നല്ലത്,  എന്തായാലും  ആന്റിയും  കുറേയായില്ലേ  കൂട്ടിന്  ഒരാള്  വേണമെന്ന്  പറയുന്നു…. എന്നാ  അങ്ങനെ  തന്നെ  ചെയ്യാ””””

എന്റെ  തോളിൽ  തട്ടികൊണ്ട്  ജിത്തു  പറഞ്ഞു….

*****

ഡിസ്ചാർജ്  ചെയ്തപ്പോ  ഞങ്ങടെ  കൂടെ  വരാൻ   അവൾ   വിസമ്മതിച്ചേങ്കിലും  ഒറ്റയ്ക്ക്   ഇറങ്ങി  പോവാനുള്ള   ആരോഗ്യം  വീണ്ടെടുത്തിട്ടില്ലാത്തത്  കൊണ്ട്  മനസ്സിലാ  മനസ്സോടെ   ഞങ്ങടെ  കൂടെ  അവൾ  എന്റെ  വീട്ടിലേക്ക്  വന്നു….. അമ്മയോട്  ഞാൻ  നടന്ന   കാര്യങ്ങൾ  എല്ലാം  പറഞ്ഞപ്പോ  ഞാൻ   ചെയ്തത്  തന്നെയാണ്  ശരിയെന്ന്  അമ്മയും  പറഞ്ഞു….. അങ്ങനെ  ഞാനും  അമ്മയും  മാത്രമടങ്ങുന്ന  ഞങ്ങടെ  സ്വർഗത്തിലേക്ക്    ഒരാൾ  കൂടി  വന്നിരിക്കുന്നു…..

വീട്ടിൽ   എത്തിയിട്ട്    ആദ്യത്തെ  രണ്ട്  മൂന്ന്  ദിവസം  അവൾ   മുറിയിൽ  നിന്ന്  പുറത്തിറങ്ങിയത്  പോലുമില്ല…. അതിനകത്  തന്നെ  ചടഞ്ഞ്  കൂടി  ഇരുന്നു…..  പിന്നെ  പിന്നെ   പതിയെ  അമ്മയുമായി  കൂട്ടായി  തുടങ്ങി…. അമ്മയോട്  സംസാരിക്കാൻ  തുടങ്ങി, പതിയെ  മുറിക്ക്  വെളിയിൽ  ഇറങ്ങാൻ  തുടങ്ങി….

അമ്മ   പറഞ്ഞിട്ടാണ്   അവളുടെ  പേര്   ധ്വനി  എന്നാണെന്ന്  അറിയുന്നത്, കൂടുതലൊന്നും  അവൾ  അമ്മയോടും  പറയുന്നില്ല….  അവളുടെ  അമ്മ   ഈ   കഴിഞ്ഞ   ദിവസമാണ്  മരിച്ചതെന്ന്  പറഞ്ഞു,  വേറെ  ആരുമില്ലെന്നും……

അങ്ങനെ  ദിവസങ്ങൾ   കൊഴിഞ്ഞു വീണു…. ഇപ്പോൾ  അവൾ  ഞങ്ങടെ  വീട്ടിലെ  ഒരു  അംഗം  തന്നെയായിട്ടുണ്ട്, അമ്മയും  അവളും  നല്ല  കൂട്ടായി…. ഇടയ്ക്ക്  ഒന്ന്  രണ്ട്  തവണ  ആ  കാർമേഘം  മാറി  അവൾ  പുഞ്ചിരിക്കുന്നത്  വരെ  ഞാൻ  കണ്ടു…. എങ്കിലും  എന്നോട്  ഇപ്പോഴും  അകന്ന്  തന്നെ  നിന്നു…. കഴിയുന്നതും  എന്റെ  മുന്നിൽ  വരാതെ  ഒഴിഞ്ഞ്  മാറി  നടന്നു…. അതിന്റെ  കാരണം  മാത്രം  മനസ്സിലായില്ല

*****

രണ്ട്  മാസങ്ങൾക്ക്  ശേഷം  ഒരു   സാധാരണ  ദിവസം…

ജോലി  കഴിഞ്ഞ്   ഞാൻ   വീട്ടിലെത്തുമ്പോൾ   മാതാശ്രീ   ഉമ്മറത്ത്  തന്നെ   ഇരിപ്പുണ്ട്…. മുഖം  കണ്ടിട്ട്  എന്തോ  പന്തികേട്  തോന്നി…. എന്തോ  കാര്യമായ  ചിന്തയിലാണ്  കക്ഷി….