ഇതൊരു കുഞ്ഞി കഥയാണ് നിങ്ങൾക്കൊക്കെ ഇഷ്ടപ്പെടുമോ എന്നറിയില്ല.എങ്കിലും ഇങ്ങനെ ഒരു കഥ എഴുതണം എന്ന് തോന്നി.ഇഷ്ടപ്പെട്ടാൽ ഒരു ❤️
കുറച്ചു വാക്ക് അതാണ് എനിക്കുള്ള പ്രതിഫലം.അത് നിങ്ങൾ തീർച്ചയായും തരും എന്ന് ഞാൻ വിശ്വസിക്കുന്നു

സൂര്യന്റെ പൊൻകിരണം ഭൂമിയെ തൊട്ട് തലോടി യാത്ര തിരിച്ചു.ഒരു ആശ്രമം അവിടേക്ക് ചെറുപ്പക്കാരനായ ഒരാൾ വരുന്നു
അയാൾ ഒരു ആശ്രമവാസിയോട്

ആഗതൻ :-എനിക്ക് ഗുരുജിയെ ഒന്ന് കാണണം

ആശ്രമവാസി :-ഗുരുജി സ്നാനത്തിനായി പോയിരിക്കുകയാണ് സൂര്യനമസ്കാരവും കഴിഞ്ഞ് ഉടൻതന്നെ തിരിച്ചുവരും.വിസിറ്റേഴ്സ് ഏരിയയിൽ ഇരുന്നോളു അദ്ദേഹം വന്നതും അറിയിക്കാം.

ആഗതൻ :ശരി.

ആഗതന്റെ മുഖത്ത് വിഷാദഭാവം തളംകെട്ടി നിൽക്കുന്നതായി ആശ്രമവാസി ശ്രദ്ധിച്ചു.

കുറച്ചു കഴിഞ്ഞ് ആശ്രമവാസി വന്ന് ഗുരുജി സ്നാനം കഴിഞ്ഞ് വന്നതായിഅറിയിച്ചു.ആഗതൻ ആശ്രമവാസിയോടൊപ്പം ഗുരുജിയെ കാണാനായി പോയി.പോകുന്നതോടൊപ്പം തന്നെ ആശ്രമവും അയാൾ വീക്ഷിച്ചു നാഗരികതയുടെ തിരക്കുകളിൽ നിന്നും മാറി ഗ്രാമീണത നിലനിർത്തുന്ന രീതിയിൽ ശാന്ത സുന്ദരമായ പ്രദേശത്താണ് ആശ്രമം സ്ഥിതി ചെയ്യുന്നത്.

അവർ ഗുരുജിയുടെ അടുത്തെത്തി.ഗുരുജിയുടെ സഹായിയായ ആശ്രമവാസി അദ്ദേഹത്തെ പരിചരിച്ച് അവിടെ തന്നെ നിൽക്കുന്നു.

ആഗതൻ :-നമസ്കാരം ഗുരുജി

ഗുരുജി :-നമസ്കാരം.

ആഗതൻ :-ഗുരുജി എനിക്ക് സന്യാസം സ്വീകരിക്കാൻ താല്പര്യം ഉണ്ട് അതിന് ഞാൻ എന്താണ് ചെയ്യേണ്ടത്.

ഗുരുജി :-എന്തിനാണ് താങ്കൾ സന്യാസം സ്വീകരിക്കാൻ ആഗ്രഹിക്കുന്നത്.

ആഗതൻ :-എനിക്ക് ആരുമില്ല ഗുരുജി ഞാൻ ഒറ്റയ്ക്കാണ്.എനിക്ക് സന്യാസം സ്വീകരിച്ചു മറ്റുള്ളവരെ സഹായിക്കാൻ താല്പര്യം ഉണ്ട്

ഗുരുജി :-ആദ്യം താങ്കൾ എനിക്ക് ഒരു സഹായം ചെയ്യണം.എന്റെ ഒരു സുഹൃത്ത് ബദരീനാഥ്‌ ക്ഷേത്രത്തിൽ ഉണ്ട് അദ്ദേഹത്തിന് ഞാൻ ഒരു കത്ത് തരാം അത് കൊണ്ടുകൊടുക്കണം.എന്നിട്ട് അദ്ദേഹത്തിന്റെ മറുപടി വാങ്ങി വരണം.
എനിക്ക് വയസായി യാത്ര ചെയ്യാൻ ഇപ്പോൾ ബുദ്ധിമുട്ടാണ്.

ആഗതൻ :-ശരി ഗുരുജി.ഞാൻ പോകാം