തിങ്കൾ മുതൽ വെള്ളി വരെ [demon king] 1516

സീരിയൽ….
എന്തിനാണോ എന്തോ….
ഇത് കാണുന്നവർക്ക് എന്ത് തേങ്ങായാണ് വേണ്ടത്… എന്താണ് കിട്ടുന്നത്….

എല്ലാത്തിന്റെയും കഥയും , തീമും ഒന്നുതന്നെ…

കൊറേ കരയുന്ന നിലവിളക്ക് പിടിച്ച മരുമകൾ…
അവൾക്ക് ഒരു മണുങ്ങൂസൻ ഭർത്താവ്….
കൂടെ കണ്ണിലെ കൃഷ്ണമണി പുറത്തേക്ക് തള്ളി നിൽക്കുന്ന ഒരു അമ്മായിയമ്മ….

ഇതല്ലേ എല്ലാ സീരിയലിലെ വീടും….

ചില സീരിയൽ കഥ വച്ചു നോക്കുമ്പോൾ ഏതോ a പടത്തിന്റെ തിരക്കഥ മോഷ്ടിച്ചോ എന്ന് സംശയം തോന്നും….

ഒരു പെണ്ണിന് 10 അവിഹിതം ഉണ്ടാവും പക്ഷെ അവളുടെ കുട്ടി ഈ 10 ൽ ആരുടെ മകൻ ആണെന്ന് അറിയില്ല.. പക്ഷെ ആ സീരിയലിന്റെ പേര് പതിവൃത….

തീർന്നില്ല…
ഒരു പാവപ്പെട്ട വീട്ടുകാരി ഉടുക്കുന്നത് 5000 രൂപയുടെ പാട്ടുസാരി ആയിരിക്കും…

അതും ഫുൾ makeup കവറിങ് ആയിരിക്കും

കൂടാതെ ഇപ്പോഴത്തെ സീരിയലിൽ ചില ഗുണങ്ങൾ ഉണ്ട്…. അതുകൂടെ പറയാം….

പണ്ട് ഒരു സീരിയൽ കുറഞ്ഞ ശബ്ദത്തിലും കേൾക്കാം… ഇന്ന് പറ്റില്ല… ഫുൾ വോളിയം ഇട്ടാലെ കാണുന്നവർക്ക് അതിൽ എന്താണ് പറയുന്നത് എന്ന് മനസ്സിലാവൂ…

കാരണം അവർ ഈ സീരിയലിന്റെ കൂടെ ഒരു പാട്ട് കച്ചേരി കൂടെ നടത്തുന്നുണ്ട്… എന്തിനാവോ എന്തോ…

എനിക്ക് ഇതൊക്കെ കാണാനേ കലിയാണ്… ഒപ്പം ഇത് കേൾക്കാതെ വീട്ടിൽ ഇരിക്കാൻ പറ്റില്ല എന്ന് പറഞ്ഞാൽ എന്താ ഞാൻ പറയാ…

ഇത് മാത്രമല്ല….

നല്ല പോളപ്പൻ ലൈറ്റിംഗ്‌സ് ആണ്… ഭാവിയിൽ ഞാനൊരു pub തുടങ്ങുകയാണേൽ അവിടത്തെ ലൈറ്റിങ് അറെയ്‌ൻജ്മെന്റിസ് ഒക്കെ ഈ സീരിയലിൽ എഫക്സ് കൊടുക്കുന്ന ആളെ ഏൽപ്പിക്കും….

അത്രക്ക് പക്കാ ട്രാൻസ് മൊമെന്റ് അല്ലെ ഓരോ സീരിയലിന്റെ ഭാഗത്തും കാണിക്കുന്നത്….

ഒപ്പം കാമറ മാൻ….

ഒരേ സമയം എല്ലാവരുടെയും മുഖം ഒപ്പിയെടുക്കണം…. ഒരു കാര്യം നായിക ചോദിച്ചാൽ അത് കേട്ട് നിന്ന മണുഗൂസൻ ഭർത്തവിന്റെയും ആ പ്രദേശത്തേ ആൾക്കാരുടെയും എന്തിനേറെ പറയുന്നു…. മീൻ തിന്നാൻ വന്ന പൂച്ചയുടെ എസ്പ്രെഷൻ വരെ ഒപ്പി എടുക്കുന്നു….

ഇതൊക്കെ പറയുമ്പോൾ ചിലർക്ക് സംശയം തോന്നും ഇത്‌ എഴുതുന്ന എനിക്ക് അഭിനയിക്കാൻ കഴിവുണ്ടോ എന്ന്….

ഇല്ല…. എനിക്കതിന് കഴിവില്ല….

പക്ഷെ ഈ പേക്കൂത്തിൽ അഭിനയിക്കുന്നവർക്ക് ഉണ്ട്….
സീരിയലിൽ ദുരന്തം അനുഭവം കാഴ്ചവച്ച് സിനിമായിലൊക്കെ വരുമ്പോൾ തകർത്ത് അഭിനയിക്കുന്നവരെ നമ്മൾ കണ്ടിട്ടുണ്ട്….

അവർക്ക് കഴിവില്ലാഞ്ഞിട്ടല്ല…. അവരെക്കൊണ്ട് ചെയ്യിക്കുന്നവർക്ക് കഴിവ് ഇല്ലാഞ്ഞിട്ടാണ്….

പ്രൊഡ്യൂസർ ,ഡയറക്ടർ ,writter….
ഇവർ ഇങ്ങനെയെ വരാവു എന്ന് തീരുമാനിച്ചാണ് ഷൂട്ട് ചെയ്യുന്നത്…

അപ്പൊ നടി നടന്മാരെ പറഞ്ഞിട്ട് കാര്യമുണ്ടോ…

ഒരുവിധത്തിൽ അവരെയും കുറ്റം പറയാൻ പറ്റിട്ടില്ല… ഉപ്പും മുളക് , ചക്കപ്പഴം ,മറിമായം പോലെ കോമഡി ഹിറ്റ് സീരിയലുകൾ ഉണ്ടായിട്ട് പോലും അതെല്ലാം ഉപേക്ഷിച്ച് കുത്തിതിരിപ്പ് സീരിയലുകൾ കാണാൻ പോകുന്നവരെ ഞാൻ കണ്ടിട്ടുണ്ട്…

കാണുന്നവരുടെ എണ്ണം കൂടുന്നതിന് അനുസരിച്ച്  റൈറ്റിംഗ് കൂടുന്നു… അപ്പൊ കൂടുതൽ നിർമാതാക്കളും അങ്ങനെ ഉള്ള വിഷയം തേടി പോകുന്നു….

ഇപ്പോൾ ഞാനിവിടെ നടത്തിയ പ്രസംഗം കഴിഞ്ഞ കൊറേ വർഷങ്ങളായി എന്റെ വീട്ടുകാരോട് പറഞ്ഞോണ്ടിരിക്കാ….

ആര് കേൾക്കാൻ…

സീരിയൽ സ്ത്രീകളുടെ പൊതു സ്വത്ത് ആണത്രേ…
ഇതാണോ പൊതു സ്വത്ത്….

സ്ത്രീയെ അപമാനിക്കുകയല്ലേ ചെയ്യുന്നത്….
ഒരുപക്ഷേ ഇതിൽ കാണിക്കുന്ന സ്വഭാവമുള്ള സ്ത്രീകൾ ഉണ്ടാവും….

എന്നാൽ ഇതിലെ കഥകളിൽ പറയുന്ന പോലെ എല്ലാ കുടുംബത്തിലും ഇങ്ങനെ ഉള്ള സ്ത്രീ ഉണ്ടാവോ….

മരുമകളെ പീഡിപ്പിക്കുന്ന സ്ത്രീ…
അമ്മായിയമ്മയെ പീഡിപ്പിക്കുന്ന സ്ത്രീ…
ഭർത്താവിനെ പീഡിപ്പിക്കുന്ന സ്ത്രീ…
സ്വന്തം അമ്മയെയും അച്ഛനെയും മക്കളെയും പീഡിപ്പിക്കുന്ന സ്ത്രീ….

വയറ്റിൽ കിടക്കുന്ന കുഞ്ഞിനെ കൊല്ലാൻ നോക്കുന്ന സ്ത്രീ….
അരക്ക് താഴെ ആഴമുള്ള സ്വിമ്മിങ് പൂൾ വെള്ളത്തിൽ മുങ്ങി ചവാൻ പോകുന്ന സ്ത്രീ….

അങ്ങനെ എന്തെല്ലാം കാഴ്ചകൾ….

എനിക്ക് ഇതു കാണുന്നവരോട് ഒന്നേ പറയാനുള്ളു…
സ്വയം തരം താഴരുത്…
കാണുന്ന കാര്യങ്ങളിൽ 10% സത്യമെങ്കിലും വേണമെന്ന് ആഗ്രഹിക്കു…..

ഈ സീരിയൽ പേക്കൂത്തുകൾ അവസാനിപ്പിക്കുക…

എന്റെ മാത്രം അഭിപ്രായമാണ് ഇത്….
ചിലപ്പോ വായിക്കുന്ന ചിലരുടെയും…
ഇപ്പോൾ വയറ്റിൽ ഒരു ബോംബ് ഗുളിക പെട്ടിട്ടുണ്ട്…
അത് പൊട്ടി തെറിച്ചില്ലെങ്കിൽ വീണ്ടും കാണാം…

സീരിയൽ ഫാൻസ്….?
മാമനോടൊന്നും തോന്നല്ലേ….
????????